Yohana 1:43 - Kutsingken Ira Rimam ti Saen Kyag

⁴³ Ucwefam-yi Yesu sa uwae tsi baa, awu na u nwunn ru yi uten ti Galili. Ti awu ku ruru, awu tu unde iki ti rinyi-wu si Filip u ri te wu baa, “Putsa m!”

Yohana 1:43 Iomraidhean Croise

Matiyu 10:3

Filip ti Bartolomu; Toma ti Matiyu, unde ti ku mbe aser akwe; Yakubu umbae Alifas, ti Tadeyus;

Matiyu 4:12

Ti Yesu fxen baa, a na ye Yohana na cwunnkyi uwae pursuna, awu nwunn u kafe ba ti uten ti Galili.

Matiyu 8:22

Ama Yesu ri te wu baa, “Putsa m, ti ya ande ti cwucwu ta ti a nji atso.”

Matiyu 9:9

Ti Yesu nwunn uwog atang u kyang ku ru, awu nung unde iki ti ku mbe aser akwe ti rinyi-wu baa, Matiyu. Unde wu som uwae kusog uwog ti awu ku nde wande-wu atang. Yesu ri te wu baa, “Putsa m.” Ti ritsen Matiyu sunwunn u putsa Yesu.

Luka 19:10

Umbae Unde ru ba ikyaen ti wu u ba sha ande ti yag byibyinn u nwangru ba.”

Yohana 1:28

Iken yine nde kiye ti Yohana ta Betani u tsi ukunn unyim ti Yordan u ku nde na ande batisma atang.

Yohana 1:29

Ucwefam kiskinn Yohana nung Yesu ru ku ba yi uwog-wu. Awu ri baa, “Ni sae unde ti ru ku ba ne. Awu ti si umbae iwentam Rimam ti u su ikentitibi na ande ti utense ru.

Yohana 1:35

Ucwefam-yi Yohana tsi te ande ifaen ti awu ku kwen na ba iken atang.

Yohana 1:37

Ti ande ifaen abane fxen ira yine aba nwunn u ru ka putsa Yesu.

Yohana 1:44

Filip wune si unde ti uten ti Betisaida, uten na Andarawu ti inja-wu Bitrus.

Yohana 12:21

Aba ru ba uwog Filip, awu unde wu ti ru uten Betisaida yi uten Galili ba. Aba ri te wu baa, “Itse, ati ku sha ti ti u nung uwe Yesu.”

Yohana 14:8

Filip ri te wu baa, “Itsekuru, tatso ti Itse-fu awu. Ayine amam ti si iken ti ati ku sha.”

Yohana 2:11

Iken ti Yesu nde uwae uten ti Kana ti Galili wune, si iken ti ku fur ayib ti kucang ti Yesu nde ti wu tso kuko-wu atang. Ikyaen iken yine ti awu nde, ande ti ku putsa wu ru uwae kinjo uwog-wu.

Yohana 6:5

Ti Yesu pu ayib tso ritsen u nungye ande ti ru ku ba yi uwog-wu, awu rang Filip baa, “Aka ti ati u jab wuci ti u ko ande abane meme-ba?”

Yohana 6:7

Filip ri te wu baa, “Ko ati a wen skeb dinari ukob ifaen, unde titini uwae-ba u tu wuci kpang amam.”

Filipi 3:12

Ame ku ri-m baa, ame na tu mam pu m iken yine be. Ame shanum-m te riraen be. Iyee! Ame ku kwab ti m sa kujwojang na inyae ti ter yine kafe ana-m pangma ti Yesu, Unde ti Rimam Tsab Tsi, sa m kafe pu wu ana-wu.

1 Yohana 4:19

Ati ku ye ure te ande ikyaen ti, Rimam tawe ye ure te ti.