Yohana 1:42 - Kutsingken Ira Rimam ti Saen Kyag

⁴² Ama awu pu wu ru ba tu Yesu. Yesu sae Siman sae sae u ri baa, “Rinyi-fu si Siman, umbae Yohana. Tine a u kunn fu baa, Kefas.” Kefas si si Bitrus ti imbyi-yi si kutxú.

Yohana 1:42 Iomraidhean Croise

Matiyu 10:2

Rinyi ande rijwe asu ifaen ba ta ri: Utikucang si Siman, ti a ku kunn wu baa Bitrus, ti inja-wu Andarawu; Yakubu ti inja-wu Yohana, aba si anyisu Zebedi;

Markus 3:16

Rinyi ande rijwe asu ifaen ba si ayine: Siman, unde iki ti Yesu fa wu rinyi tishe baa, Bitrus,

Luka 5:8

Kiye ti Siman Bitrus nung iken yine, awu nwunn ru ba ku riben uwe Yesu, u ku ri baa, “Itsekuru-m, nwunn-fu uwe-m ike tiri, be ame si unde ti ku nde ikentitibi.”

Luka 6:14

Aba si Siman, unde ti Yesu fa rinyi-wu tishe baa, Bitrus, ti Andarawu inja-wu; ti Yakubu ti Yohana, ti Filip, ti Bartolomu,

Yohana 13:18

“Ayi si-yi risu meme-ni ti ame ku ri ira yine be. Ame nung pu m ande ti ame tsitsab. Amaa a bae uwae Kutsingken Rimam baa, ‘Unde ti ci wuci-m kafe unde ti rika-m.’ Ira ayine u kumunn kang.

Yohana 21:2

Siman Bitrus ti Toma (ti a ku kunn wu baa, mbae íshe), ti Nataniyel unde ti Kana uwae Galili, ti anyisu Zebedi ti kyi ande na Yesu ifaen iki cwucwo, meme-ba funn uwog kinjo.

Yohana 4:16

Yesu ri te wu baa, “Ru ka kunn ubaen-fu ti ni ru ba tu m ike.”

1 Korinti 1:12

Imbyi ira-m ayi ta re, ani kata kumbub kumbub. Unde iki ku ri baa, awu na ku putsa-wu Bulus. Unde iki ama ku ri baa, awu na ku putsa ana-wu Apolo. Uriki ama ku ri baa, awu na ku putsa-wu Bitrus. Uriki cwucwo ku ri baa, awu na ku putsa-wu Yesu Kristi.

1 Korinti 15:5

Isim ti awu nwunn uwae kuskab, awu ru ba tso risu-wu uwog Bitrus. Isim yine awu tso kyi risu-wu uwog ande ti atom rijwe asu ifaen.

1 Korinti 3:22

Ame Bulus si ana-ni. Apolo si ana-ni. Bitrus si ana-ni. Utense wune si ana-ni. Unyang-ti wune, ti iticwu-ti meme, si ana-ni. Iken na kiye wune ti iken ti ru ku ba uwe meme ta kujwo-ni.

1 Korinti 9:5

Ati u ndetu-ti ti ti u pu awa-ti ti nung ira Rimam, putsa ijwe-ti be a? Atom ti tsitsi ku nde ahan, fa ti ameinja Itsekuru, ti Bitrus.

Galatiya 1:18

Isim asang ita ame nwunn ru yi Urushelima u ka nung Bitrus. Ame som te wu atang ka atsab ifaen.

Galatiya 2:11

Amaa, kiye ti Bitrus ru ba Antiyok, ame ri yae wu paenine riraen-wu ti shwong nae ti ise.

Galatiya 2:9

Ama cwucwo, Yakubu ti Bitrus ti Yohana, ti si ande ti kpakang uwae kumbub ande na Rimam ti uten ti Urushelima, kiye ti aba nungye ayibrisi Rimam ti si ba risu-m, aba ru ba uwog-m ti Barnaba u ba ye ti bur utob uwae ure. Aba cwe baa, ati na ru ka tsag Ira Yesu te ande ti si-ba Mbayawuda be, aba ama na u ru yi uwog Mbayawuda.