Yohana 1:4 - Kutsingken Ira Rimam ti Saen Kyag

⁴ Meme iken ti site unyang tu unyang-yi uwog Ira Unju Rimam wune. Unyang wune nda ande ti utense sae uwog paenine.

Yohana 1:4 Iomraidhean Croise

Matiyu 4:16

Ande ti ta uwae kufub tu pu ba uwog ti sisaen! Ande ti ta uwae kufub na kukwae iticwu, ucwe fam yae pu wu aba.”

Luka 2:32

Awu u si urwa ti u tatso ande ti si-ba ande-fu be fengo ti ana-fu. Ama awu u shir riyinn ba uwog ande-fu, ande Isirela.”

Yohana 11:25

Yesu ri te wu baa, “Ame ti si itinwunn uwae iticwu. Ame ti si unyang. Unde titini ti awu a ru uwae kinjo uwog-m, awu u tsi ti user ko ti awu a cwu.

Yohana 12:35

Yesu ri te ba baa, “Uwog ti saen kyag u te ni ta tetso uwae kiye kpang ahan cwucwo. Kiye wune ti uwog ti saen kyag awune te ni ta tetso, ni kyang-ni ikyin-ni ti uwog ti saen paenine ti atang, ikyaen ti, unde ti ku kyang ikyin uwae kufub u ku nung-wu uwog ti awu ku ru yi atang be.

Yohana 12:46

Ame sang ba uwae utense ike ikyaen ti m u si uwog ti saen, ikyaen ti unde titini ti a ru uwae kinjo uwog-m awu na ā som-wu uwae kufub cwucwo be.

Yohana 14:6

Yesu ri te wu baa, “Ame ti si fengo, ame ti si kubenti, ame ti si unyang. Unde iki u ka-wu uwog Itse-m be, se awu a ru tsa uwog-m.

Yohana 3:19

Nung fengo ti a ku pwen rikwen yi ta ri: Uwog ti saen sang ba pu wu uwae utense, amaa ande pyir-ba awu u ku sha skeb-ba kufub ikyaen ti, aba si ande ti ku nde ikentitibi.

Yohana 5:21

Pangma ti Rimam ku kunn nwunn ande ti cwucwu u ku nda ba unyang ti atang, ayi si ahan ama Umbae-wu ku nda ande ti nyang uwae-wu unyang.

Yohana 5:26

Pangma ti Rimam ti risu-wu ku nda unyang, Umbae-wu ku nda unyang ama.

Yohana 8:12

Yesu ri te ande ti kumbub Farisi cwucwo baa, “Ame si uwog ti saen na utense, ko aye ti a putsa m u kyang-wu ikyin uwae kufub be. Ame u nda wu nung uwog paenine, u tu unyang.”

Yohana 9:5

Kiye ti ame ta ti utense ike ame ti si uwog ti saen na utense.”

Wande Atom 26:23

A ri baa, Unde wu ti Rimam Tsab Tsi na u ngwa kang rikaen. Awu ti na u si unde ti tawe u nwunn uwae iticwu u ya iskin ira Rimam uwog Mbayawuda te ande ti si-ba Mbayawuda be baa, Rimam na u pu ba ba uwog ti sisaen-wu.”

1 Korinti 15:45

A bae uwae Kutsingken Rimam baa, Rimam na kyae Adamu unde ti kucang u nda wu unyang, amaa, Adamu ti ru ba ti ricwunnkyi si Kusung ti ku nda ande unyang tishe.

Afisa 5:14

Ayi si ikyaen uwog ti sisaen nee ande ku nung iken yi paenine ahan. Né iken ti nde a ku ri baa, “Shwushwu, afu unde ti ku cwag kicwag! Afu rukom, nwunn ritsen, ti Kristi ā nda ni itijaen-wu.”

Kolosi 3:4

I si Kristi ti si unyang-ti ti kubenti. Kiye ti awu a ru ba tso risu-wu, ani ama te wu u tso risu tetso u som usom ukwe ti riyinn.

1 Yohana 1:1

Ira wu ti ati ku ri te ni ne, ta pu wu atang ti kucang akwen. Ati fxen pu ti awu, u sae pu ti awu te ayib, u tekunn pu ti awu te ajwo. Awu si Ira na Unyang.

1 Yohana 1:2

Unyang wune tso risu-wu, ati nung pu ti awu, u ku ri ira risu-wu. Ati ku tsag te ni ira unyang ti tsi kukunn wune ti te Rimam ta tetso kucang, ama tine awu tso risu-wu uwog-ti.

1 Yohana 5:11

Ira yi ti Rimam ri risu Umbae-wu si ti, awu na u nda ti unyang ti tsi kukunn. Unyang wune ta uwog Umbae-wu.

Ititatso 22:1

Isim ayine, awu atom wu tatso m uyinn ti site ambyi na unyang. Ambyi wu saen kyakyag, u pang ruye uwog kutxomkwe na Rimam, ti ana Mbae Utam.

Ititatso 22:16

“Ame Yesu ti tom atom-m ba ti awu na ri tan ira yine te ni ande na Rimam. Ame ti si ipab, u si umbae ti fikyi kutxom Dawuda. Ame ti si kititaen ti tsen yag yag ti utencwe.”