Yohana 1:13 - Kutsingken Ira Rimam ti Saen Kyag

¹³ I si-yi unda iki ti kyaen rishwu u mbae ba be, ira unde fa-yi atang be. Rimam ti risu-wu ti si Itse-ba.

Yohana 1:13 Iomraidhean Croise

Kucangtsi 25:22

Anyisu ishe ba ku kwab atso ikwab uwae rishwu iya-ba, ama awu ri baa, “Ayine si imi ti ku nde uwae rishwu-m ne?” Ikyaen yine awu ka rang imbyi yi uwog Yaweh.

Kucangtsi 25:28

Ishaku site ure ti Esuwa timambe, ikyaen ibye kutur ti awu ku wen ba. Rebeka ama site ure ti Yakubu.

Kucangtsi 27:33

Ishaku fwer ndembeb, ijwe-wu ku kukunn, ama awu rang baa, “Aye ti wen ibye u nde wuci ba na m nee ame ci kucang? Ame ci tag, u wae na pu m awu ira, titawe afu sang ku ba ne. Kubenti, itinyang si kunn pu yi ana-wu.”

Kucangtsi 27:4

Nde itso wuci ti nyangtug, ti nyang uwae-m timambe ba na m ti m ci u wae ira na fu titawe ti ame u cwu.”

Matiyu 3:9

Ni kab-ni baa, ani na u nwangru uwae rinae Rimam ikyaen ti Ibrahim na si itse-ni be. Ame ku ri te ni kubenti, Rimam u nde tu ti wu u nda atxom ne kafe anyisu Ibrahim.

Yohana 3:3

Yesu ri te wu baa, “Ame ku ri te fu kubenti, unde ta-wu ti awu u sang Kujwokwe Rimam be, se iken ti a mbae shem pu ba awu tawe.”

1 Korinti 3:6

Ati si ande ti ritom. Ame si unde ti tā itso, Apolo sur ambyi. Amaa, Rimam ti nda itso yi ru.

Filipi 2:13

Ikyaen ti, Rimam ti risu-wu ku nde wande uwae utob-ni u ku nda ni sha iken ti ku nyang uwae-wu u ku nda ni kpakang ijwe ti ni na nde yi ama.

Titus 3:5

u sa ti ruye uwae iken yine. I si-yi ikyaen wande-ti iki ti ati nde be, ayi si ikyaen ti awu nung ti te ayibrisi amam. Awu nde ayine yi fengo na Kusung-wu ti sisaen, awu ti ku kyaenyang utob-ti, ku nda ti unyang tishe.

Yakubu 1:18

Ayi si utob-wu Rimam nee awu pu ni súnn utense yi fengo ira-wu ti kubenti, ikyaen ti ti na ta uwe meme iken ti tsitsi ti awu mam.

1 Bitrus 1:23

ikyaen ti, a mbae pu ba ani ti tishe, ti si-yi itimbae na rimenn ijwe be, amaa, ana Kusung ti ku cwu-wu cwu be. Unyang-ni tishe ruye yi ira Rimam ti site unyang ti tsi kukunn.

1 Bitrus 1:3

Ti nde fxaefa na Rimam ti si Ite na Itsekuru-ti Yesu Kristi, ikyaen ti, uwae ayibrisi-wu ti kuko, awu nda ti unyang tishe yi uwae itinwunn na Yesu Kristi uwae iticwu. Ayine nda ti sa uwae tsi

1 Bitrus 2:2

Pangma anyisu ibyaen ti ku sha ti a nyam abyaen iya-ba, ani ama ni sha abyaen Kusung ti Sisaen ti ni nyam. Yi fengo wune ani u ser ben, u tu itinwangru.

1 Yohana 3:9

Unde ti a si umbae na Rimam, awu u tsikunn-wu ikentitibi ti ti nde be, ikyaen ti, itso Rimam ta anying-wu. Awu ama u tsikunn-wu uwae ikentitibi be, ikyaen ti, Rimam si Itse-wu.

1 Yohana 4:7

Ande-m ti ayib ricwu-m, ti ye ure tetso, ikyaen ti, ure ru uwog Rimam ba. Unde ti a site ure, awu si umbae Rimam, u nung Rimam.

1 Yohana 5:1

Unde ti a ru uwae kinjo baa, Yesu na si Unde wu ti Rimam Tsab Tsi, awu si umbae Rimam. Unde ti a site ure te itse umbae, awu u ye ure te anyisu-wu ama.

1 Yohana 5:18

Ati nung pu ti baa, unde ti a si umbae Rimam, awu u tsikunn-wu ikentitibi ti ti nde be, ikyaen ti, Yesu, Umbae Rimam, ku nungkyi wu. Awu Shetann u nde-wu unde wu iken iki be.

1 Yohana 5:4

Ikyaen ti, unde ti a si umbae Rimam, awu ku ci rika risu utense. Iken ti ku nda ti ci rika risu utense si uwae kinjo.