Yohana 1:12 - Kutsingken Ira Rimam ti Saen Kyag

¹² Ko ti ayi si ahan, meme ande ti paembe wu u ru uwae kinjo uwog-wu, awu nda ba kuko ti a na kafe anyisu Rimam.

Yohana 1:12 Iomraidhean Croise

Matiyu 10:40

“Unde titini ti a kyangte ni, awu kyangte pu wu ame. Unde ti a kyangte m, awu kyangte pu wu Rimam ti tom m ba utense.

Matiyu 12:21

Ama yi rinyi-wu, ande ti utense meme u si te uwaetsi.”

Matiyu 18:5

Unde ti a kyangte umbae ti kitinying pangma awune uwae rinyi-m, awu kyangte m.

Yohana 1:11

Ayi si uten-wu ti awu ru ba sang atang, amaa ande ti uten-wu kyangte-ba wu be.

Yohana 1:7

Awu ru ba ti wu ri te ande ira risu uwog ti saen kyag.

Yohana 11:52

Si-yi nyáng aba ande ti uten Yawuda amam be, ayi si ikyaen ti awu u kunn byir anyisu na Rimam meme ti shag fa shag fa, ti aba na ru ba ren ba ti uwog kinjo.

Yohana 2:23

Kiye ti Yesu ta Urushelima kiye na ukwab tiyang, awu nde iken ti ku fur ayib uwe ande atang. Ande yang-ba akwen nung iken yi u ru kubenti uwog-wu.

Yohana 20:31

Amaa iken ti a bae tsi ne, a bae yi ikyaen ti ni na ru uwae kinjo baa, Yesu na si Unde ti Rimam Tsab Tsi, ama na si Umbae Rimam, ikyaen ti ni na ru uwae kinjo yi rinyi-wu, u tu unyang.

Yohana 3:18

“Unde titini ti a ru uwae kinjo uwog Umbae Rimam wu, rikwen u ye-yi awu be. Amaa unde ti a ru-wu uwae kinjo uwog-wu be, rikwen ye pu yi awu, ikyaen ti, awu ru-wu uwae kinjo uwog Umbae Rimam awu kinjo-wu amam be.

Wande Atom 3:16

Si sí rinyi Yesu wune ti nda ti nwangru unde wune. Iken ti ani ku sae ku nung ne, iken yi nde ikyaen ti, unde wu ru uwae kinjo uwog rinyi Yesu. Rinyi na Yesu ti sa ribom ijwe na wu uwe-ni.”

Roma 8:14

Ikyaen ti, meme ande ti Kusung Rimam ti a ku tae ba, aba si anyisu Rimam.

Roma 8:16

Kusung Rimam ti risu-wu, cwe te kusung ti ana-ti baa, ati na si anyisu Rimam.

Roma 8:19

Meme iken ti Rimam mam, som ku ji ti aten ayib, ku sae usir tiyang ti Rimam u tunn anyisu-wu tā ise.

Galatiya 3:26

Meme-ni si pu ni anyisu na Rimam tiri yi fengo na uwae kinjo ti ani ru uwog na Yesu Kristi.

Galatiya 4:6

Iken ti u tso paenine baa, ati na si pu ti anyisu na Rimam ti kubenti si ti Rimam tom Kusung na Umbae-wu sang ti utob. Awu ku nda ti kunn wu Rimam baa, “Ite, Ite.”

Kolosi 2:6

Pangma ti ani kyangte Yesu Kristi baa, awu na si Itsekuru-ni, ni kyang ikyi-ni te wu ru fife yi uwe.

2 Bitrus 1:4

Yi fengo yine, awu nda pu wu ati unju ti yer-wu ti nyang si-yi ti ti ri be, ikyaen ti ti na nwangru uwae ira titibi ti munn utense, ama ikyaen ti ti u tu kutunn-ti uwae itisaen kyag-wu, u si pangma ti awu Rimam tsi.

1 Yohana 3:1

Ni sae utso ure ti Itse-ti Rimam ye te ti, ti awu cwe ti a na kunn ti baa anyisu-wu. Kubenti, ati si anyisu-wu ara. Iken ti nde ne ande ti utense nung-ba ati be si ikyaen ti, aba nung-ba Itse-ti Rimam be.

1 Yohana 3:10

Iken ti nda ti nung itikata kutampwa anyisu Rimam ti anyisu Shetann si ti, unde ti a ku nde-wu iken ti si kubenti be, u ku ye-wu ure te inja-wu be, awu si-wu umbae Rimam be.

1 Yohana 3:2

Ande-m ti ayib ricwu-m, tine, ati si anyisu Rimam, amaa, iken ti ati u ba si uwe ike, tso-yi risu-yi khika be. Amaa, iken ti ati nung si ti usir ti awu a ba tso risu-wu, ati u pangma awu. Ikyaen ti, ati u nungye wu pangma ti awu tsi.

1 Yohana 3:23

Icwe-wu si ti, ti na ru kubenti yi rinyi Umbae-wu Yesu Kristi, ama ti ti na ye ure tetso pangma ti Kristi ri te ti.