Yohana 1:10 - Kutsingken Ira Rimam ti Saen Kyag

¹⁰ Ti kucang, awu ta pu wu uwae utense. A kyae utense ruye uwog-wu, ande ti utense nungye-ba wu be.

Yohana 1:10 Iomraidhean Croise

Kucangtsi 16:13

Ama Hagar fa rinyi Yaweh ti ri ira te wu baa, “El-Royi,” ti imbyi-yi baa, “Rimam ti ku sae m.” Ikyaen ti awu ri baa, “Ame sae Rimam te ayib ama u cwu-m be.”

Kucangtsi 17:1

Kiye ti Ibram nde asang mae inje mbe rijwe asu itsongnje (99), Yaweh tatso risu-wu uwog-wu u ri te wu baa, “Ame si Rimam ti Skeb titag. Kyang ikyin uwe-m uwae Usom ti kpang atang,

Kucangtsi 18:33

Kiye ti Yaweh tsag tag akaen te Ibrahim, awu ye ikyin ru-wu. Ibrahim ama kafe ru yi kununn.

Matiyu 11:27

“Itse-m nda pu wu ame iken meme. Unde iki nung-wu umbae Rimam be, si nyang Itse-wu amam. Unde iki ama nung-wu Itse ti apupwen be, si nyang umbae-wu amam ti ande ti awu a ku sha ti wu u tatso ba.

Yohana 1:11

Ayi si uten-wu ti awu ru ba sang atang, amaa ande ti uten-wu kyangte-ba wu be.

Yohana 1:18

Unde iki ta-wu ti nung ji pu wu Rimam be. Umbae-wu kinjo-wu amam, awu ti risu-wu ti si Rimam, ku som rinwan Itse-wu. Awu ti nda ande nungye Rimam.

Yohana 1:3

Ira Unju Rimam wune ti si fengo ti Rimam kyae meme iken uwae utense ike. Rimam kyae-wu iken iki be, se yi fengo Ira Unju-wu awune.

Yohana 1:5

Uwog ti saen kyag wune ku cwe uwog ti kufub, ama kufub jim fob-wu awu be.

Yohana 17:25

Itse-m, afu ti ku nde nyang iken ti kubenti amam, ande ti utense nung-ba afu be, amaa ame nung pu m afu. Ande ba nung pu ba ama baa, afu ti na tom me.

Yohana 5:17

Ama Yesu ri te ba baa, “Itse-m ku nde wande ko kiye titini, ame ama u nde wande ko kiye titini.”

Wande Atom 14:17

Amaa, awu ya ti ta-wu amen be, awu tso risu-wu uwog-ti uwae iken ti tinyang ti awu ku nde. Awu ku sa upwen tswa na ni, ku nda wuci-ni ben ti kiye-yi, ku nda ni rikyaen, ku nda ni ku tsen utob.”

1 Korinti 1:21

Rimam, yi uwae ben-ayib-wu, sa tsi baa, fengo ta-wu ti ande u nung wu yi uwae ben-ayib ana utense be. Awu ri baa, awu na u nwangru ande ti ru uwae kinjo uwog ira ti ati ku ri te ande, ko ti ayi si ira ti kuskab uwog ande iki.

1 Korinti 2:8

Ko kinjo uwae abikwe ti site kuko uwae utense ta-wu ti nung ira ben-ayib na Rimam yine be. Á baa, aba na nungye yi, aba ú cwe-ba ti a u ye Itsekuru-ti ti site riyinn patag kwer risu kutuku ti cice be.

1 Korinti 8:6

amaa, ati nung pu ti baa, Rimam na si kinjo rikaen. Awu ti si Itse-ti. Awu ti kyae iken ti ta utense meme. Awu kyae ti ti ati na som usom-ti ikyaen-wu. Ati site nyang Itsekuru kinjo ama. Awu si Yesu Kristi. Uwae wande ti ana-wu, Rimam kyae iken meme. Yi uwog-wu ati site unyang.

Kolosi 1:16

Ikyaen ti, ayi si uwae kujwo wande Kristi ti Rimam mam iken ti ta apupwen ti iken ti ta riben, ayi iken ti a ku sae yi sae ti ayib, ti ayi ti a ku sae-ba yi te ayib be, fa ti atxomkwe, ti kujwokwe, ti abikwe, ti ande ti site kpakang meme. Meme iken ti ta apupwen ti riben, Rimam mam yi ru uwog Yesu Kristi u kyae yi ikyaen-wu.

Mbaibrane 11:3

Ikyaen uwae kinjo, ati nungye baa, Rimam na mam meme iken ti ta utense yi fengo na ira unju-wu, ama iken ti a ku sae ti ayib ne, a kyae yi ruye uwae iken ti a ku sae-ba te ayib be.

1 Yohana 3:1

Ni sae utso ure ti Itse-ti Rimam ye te ti, ti awu cwe ti a na kunn ti baa anyisu-wu. Kubenti, ati si anyisu-wu ara. Iken ti nde ne ande ti utense nung-ba ati be si ikyaen ti, aba nung-ba Itse-ti Rimam be.