Yohana 1:1 - Kutsingken Ira Rimam ti Saen Kyag

¹ Ti kucangtsi ti Rimam mam utense, Ira Unju-wu ta pu wu atang. Ira Unju-wu ne, awu ti Rimam ta te atso. Ira Unju-wu wune te Rimam si iken kinjo.

Yohana 1:1 Iomraidhean Croise

Kucangtsi 1:1

Ti kucangtsi ti Rimam mam apupwen ti riben,

Matiyu 1:23

“Ni nung! Mbawandab iki u kyaen rishwu u mbae umbae ti urom, ama a u fwa rinyi-wu baa, Emanuwel, ti imbyi-yi baa, Rimam som te ti.”

Luka 24:53

Ko kiye titini aba ku ru ba ko Kusog Rimam u ku teb Rimam.

Yohana 1:14

Ira Unju Rimam wu sa ijwe rimenn-ti ande u ru ba som kutampwa-ti uwae kiye kpang. Ati ama nungye pu ti riyinn-wu. Ayi si riyinn ti si ana Umbae kinjo ti ruye uwog Itse-wu ba. Awu munn ti ayibrisi ti kubenti.

Yohana 1:18

Unde iki ta-wu ti nung ji pu wu Rimam be. Umbae-wu kinjo-wu amam, awu ti risu-wu ti si Rimam, ku som rinwan Itse-wu. Awu ti nda ande nungye Rimam.

Yohana 1:2

Bag ti kucang, Ira Unju Rimam te Rimam ta te atso.

Yohana 16:28

Ayi si kubenti ti ame ru uwog Itse-m ba sang uwae utense wune ara. Tine ame ya utense ku ta u kafe ku ru ti yi uwog Itse-m.”

Yohana 17:5

Tine ama, Itse-m, cwe na m ti m kafe ba sang rurob ukwe-fu u te fu som te atso uwae riyinn-fu, pangma ti ame te fu som uwog ti rurob te atso kute, titawe ti a mam utense wune.

Yohana 20:28

Toma ri te wu baa, “Afu si Itsekuru-m! Afu si Rimam-m!”

Yohana 8:58

Yesu ri te ba baa, “Ame ku ri te ni kubenti, a mbae Ibrahim ayib-m.”

Roma 9:5

Aba ti si rishi abitsekam-ti ti kute. Kristi ti risu-wu fa rishi-ba ama, kiye ti a mbae wu sang utense ne. Ande meme ā teb rinyi Rimam, awu ti ta risu iken meme ru fife yi uwe. Ayi ā si ahan!

Afisa 3:9

Cwucwo ti ame na nda ande meme nungye kumyae Rimam ti awu myae tsi kute, ira yi nee ati ande nung tu-ti be, awu Rimam amam ti nung. Awu Rimam ti mam meme iken patag, sa kumyae-wu ayi tam uwae kiye ti wur ruru,

Filipi 2:6

Ana-wu, ko ti awu te Rimam si iken kinjo rikaen, awu cwe-wu ti wu myae risu-wu te Rimam be.

Kolosi 1:15

Ande ku nung-ba Rimam te ayib be, a ku nung wu rimenn Kristi. Awu Kristi ti site kuko na umbae ti kucang uwae kununn u skeb tag pu wu meme iken ti a mam yi mam uwae utense.

Kolosi 1:17

Meme iken patag, a kyae yi ayib Kristi. Ayi si kuko ti ana-wu ti ku nda iken meme ren tetso u kyang ti mbwe-yi.

1 Timoti 3:16

Ira ti kitam ti Rimam mbubta u tatso ti si iken ti ku fe ayib! Rimam tso risu-wu uwae ijwe unde. Kusung ti Saen Kyag cwe ira-wu baa, awu na site kubenti. Atom na Rimam ti apupwen sae wu te ayib. A sa ira-wu kyang ka ri te ande ti utense meme. Ande uwae utense ru uwae kinjo uwog-wu. A ye ra wu tso yi uwog ti tinyang apupwen.

Titus 2:13

ti ati som ku ji iken ti tinyang nee ati sa utob tsi atang, ti si usir tiyang ti Rimam-ti ti kuko, ti Itsekuru-ti Yesu Kristi unde ti nwangru ti u ba tatso riyinn-ba.

Mbaibrane 13:8

Yesu Kristi, si si awu ti ire, u si ti yaka, u tsi kukunn ru fife yi uwe.

Mbaibrane 7:3

Awu si-wu te itse, ko iya, ko rishi be, awu site-wu kucangtsi ko ricwunnkyi be. Awu si pangma Umbae Rimam, u si kukwen ti tsikukunn.

2 Bitrus 1:1

Kutsingken wune ru kujwo-m Siman Bitrus, ti si umbaefxen na Yesu Kristi, u si unde ti atom-wu ama. Ame bae ku na ni ande ti ru uwae kinjo uwog Yesu pangma ti ati ru uwae kinjo ama. Uwae kinjo-ti wune si iken ti nyang nyae tsitsa, ikyaen ti, ati tu yi ruye uwae wande ti kubenti na Yesu Kristi, awu ti si Rimam, u si Unde ti Nwangru ti.

1 Yohana 5:20

Ati ama nung pu ti baa, Umbae Rimam na ba nda pu wu ati itinungye, ti ti na nung Rimam, awu ti si kubenti. Ati ama ta uwog awu ti si kubenti, ikyaen ti, ati bae fa Umbae-wu Yesu Kristi. Awu ti si Rimam ti kubenti, u si unyang ti tsi kukunn.

1 Yohana 5:7

Iken ti ku tatso kubenti na ira yine si ita:

Ititatso 1:11

Ufxenjwin wu ri baa, “Bae meme iken ti afu sae sī uwae kutsingken, ti fu tom yi ru ka na ande Rimam itsongfaen ayine: Afisa ti Simirna ti Pergamum ti Tiyatira ti Sardis ti Filadefiya ti Lodikeya.”

Ititatso 1:17

Kiye ti ame sae wu, ame jwunnsi uwe-wu mbyog, pangma rukom. Awu sa kujwo rici-wu naetsa m, u ri te m baa, “Kyen-fu ikyenricwu be. Ame ti si itikucang, u si itiricwunnkyi,

Ititatso 1:2

Yohana ama tsag tag meme iken ti awu sae te ayib-wu, u ri tan ira na Rimam fa ti ira ti kubenti ti Yesu Kristi ri.

Ititatso 1:8

Itsekuru-ti Rimam ri baa, “Ame ti si itikucang u si itiricwunnkyi.” Awu ti ri ira yine si Rimam ti ta atang tine, u si Rimam ti kute, u si Rimam ti ku ba uwe. Awu si Rimam ti site kuko patag.

Ititatso 19:13

Arun ti awu si jwae tag te anying. Rinyi ti a ku kunn wu si “IRA RIMAM.”

Ititatso 2:8

Bae ka na atom Rimam ti ta risu kumbug ande Rimam ti ta uten Simirna baa, “Ayine si ira ti ruye unju awu ti si itikucang, u si itiricwunnkyi, awu ti cwu, u kafe ba ti unyang.

Ititatso 21:6

Awu ri kyi te m baa, “Ayi nde pu yi. Ame ti si ti kucang u si ti ricwunnkyi. Ande ti unwaen a ye ba, ame u txi ambyi isatsub na unyang, na ba uwae rinyangwae.

Ititatso 22:13

Ame ti si itikucang u si itiricwunnkyi, ame si iti uwe u si iti isim.”

Ititatso 3:14

Bae ka na atom Rimam ti ta risu kumbug ande Rimam ti ta Lodikeya baa, “Ayine si ira ti ruye unju Awu ti rinyi-wu si ‘Aminn,’ awu ti si kubenti, ti ku ri tan ira ti kubenti, u si utitawe na meme iken ti Rimam mam.