Yawuda 1:4 - Kutsingken Ira Rimam ti Saen Kyag

⁴ Ame ku ri ira yine ikyaen ti, ande titibi tam sang ba pu ba uwae-ti. Aba ti si ande ti a bae ira risu-ba ti kucang baa, Rimam na u pwen ba rikwen iticwu. Aba ti ye rinyangwae Rimam cebfur ikyaen ti a u tu riyae u nde iken ti ajib ti tsotso ti unghae, u pyir Yesu Kristi, awu amam ti si Itsekuru-ti, u si unde ti uwe-ti.

Yawuda 1:4 Iomraidhean Croise

Matiyu 13:25

Ama usir iki kiye ti ande meme ku cwag kicwag utitang, unde ti rika-wu ru ba pu arisab tso fa ti itso ti tinyang yine u ru-wu iken-wu tiri.

Yohana 17:3

Unde ti site unyang ti tsi kukunn, awu u nungye fu Rimam, afu amam ti si Rimam ti kubenti. Cwucwo, awu u nungye Yesu Unde ti Rimam Tsab Tsi, u tom ba.

Wande Atom 11:23

Ti awu sa ka sang atang, awu nung iken ti tinyang ti Rimam nde te ande ti atang u tsen utob. Awu ri te ba baa, aba na ru kubenti ti uwae-ba kinjo ti utob-ba meme uwog Yesu ru fife yi uwe.

Wande Atom 15:24

“Ati fxen baa, ande-ti iki na ba atang, u ba ye ni kyi kab ti ira ti a ku kwen na ni. I si-yi ati ti ri te ba né a nde iken yine be. A nde iken yine, u rang-ba ati rang be.

Galatiya 2:4

Amaa, ira nwunn ikyaen ti, ande iki ti ku putsa Rimam-ti ti unju amam tam sang fa kutampwa-ti atang a na jwin ti ujwin u nung itso usom ti som ti ati ku som isim ti Yesu Kristi saen ti ta uwae rikaen upyi na icwe Mbayawuda. Aba ku pwen ti aba u shir ti kafe sang kyi uwae-yi cwucwo.

Galatiya 5:13

Ana-ni, ameinja, Rimam kunn ni ruye pu wu uwae apyi na itso icwe yine. A saen ni ta, amaa ame ku jwam ni, ni ri-ni baa, ti a saen ti ta pu ba ne, ati na u nde iken ti ijwe-ti ku sha. Iyee! Ni nde na atso wande apyi.

Afisa 4:14

Tiri ati u si-ti pangma anyisu tinying cwucwo be. Aba ande ti kyang ku kyaefa ande ti iken ti kwen-ba, pangma ufunn ti ribom ti ku kae kuyae kafe kafe uwae uyinn, itsab-ba ayi u nde fob-yi iken iki uwog-ti cwucwo be.

1 Timoti 5:8

Asiti unde iki a ku nung-wu ande ure-wu nyinyang be, awu ku tso baa, awu pyir pu wu ira Rimam. Ayi si ahan siskeb uwog unde ti ye su-wu kununn-wu be. Awu beb skeb pu wu unde ti nung-wu ira Rimam be.

2 Timoti 2:12

Asiti ati a bom utob ka ricwunnkyi, ati te wu ama u nae ukwe te atso uwae kujwokwe-wu. Asiti ati a kafe isim ta wu, awu ama u kafe isim ta ti.

2 Timoti 3:6

Ariki uwae-ba ku tam sang anunn ande, ku kyaefa anda ti kútútug ti ikentitibi ci ra pu yi utob-ba, u ku shir pu ba sang ijaen ikentitibi ti tso tso.

1 Bitrus 2:16

Ni som pangma ande ti som usom ti risu-ba! Ni nda-ni usom ti risu-ni ayine ti ā kafe iken ti burkyi ikentitibi be, amaa, ni som usom pangma apyi Rimam.

1 Bitrus 2:8

A bae kyi baa, “Kutxom ti u kyen kufxen, ti kutxú na iraen ti raen.” Aba ku kyen kufxen ikyaen ti, aba ru-ba kubenti uwae ira yi be. Ayine si iken ti Rimam myae tsi ikyaen-ba.

1 Bitrus 4:18

Pangma ti a bae uwae Kutsingken Rimam baa, “Asiti unde ti som sisaen a u nde rikaen titawe m nwangru, ande ti nung-ba Rimam be, ti ande ti ku nde ikentitibi, ana-ba u beb rimang?”

2 Bitrus 2:10

Awu u nde yi siskeb te ande ba ti sa uwae tsi risu ijaen iken na ijwe ti ku txi iyib, ti ande ti ku sae ru ande ti ta risu-ba. Ande bane uwae usom ti som ikentitibi-ba, a ku kyen-ba iken iki ama be, u ku nde iken-ba wurr. Aba ku kyen-ba ikyenricwu be, u ku txunmbeb atom Rimam ti apupwen.

2 Bitrus 2:7

Ama awu nwangru Lotu, unde ti som sisaen, ti ndembeb utob risu usom ti som ti ku txi iyib na ande ti Sodom.

2 Bitrus 3:7

Amaa, apupwen ti riben ti tsi tine, ayi si si yi fengo ira unju Rimam ti awu ku txen yi tsi ku ji urwa ti ku ba uwe. Awu txen yi tsi ku ji usir ti a u pwen ande ti pyir ira Rimam rikwen u twenji ba.

1 Yohana 2:22

Aye ti si unde ti tikong? Awu si unde ti a pyir baa, Yesu na si-wu Unde ti Rimam Tsab Tsi be. Unde wune si unde ti kuka Kristi. Awu pyir Itse-ti Rimam ti Umbae-wu meme.

Yawuda 1:15

Awu ku ba ti wu ba pwen meme ande rikwen, u ye ande ti ku nde ikentitibi ikyaen meme kujwo wande titibi ti aba nde, ti ira titibi ti aba ri risu-wu uwae risu ti bom-ba.”

Yawuda 1:18

Aba ri te ni baa, “Ande ti kutxir u ba kiye ti ricwunnkyi, ti u putsa nyang iken ti rimenn ijwe-ba ku sha, ti ru-yi uwog Rimam ba be.”

Ititatso 15:4

Itsekuru, Aye wu ti u kyen-wu afu be? Aye wu ti u pyir, u teb-wu riyinn-fu be? Afu amam ti si ti saenkyag. Meme ambukwen ande utense u ba fen fu. Kujwo wande-fu ti kubenti, tso pu yi ijwe-yi paenine.”