Yawuda 1:1 - Kutsingken Ira Rimam ti Saen Kyag

¹ Kutsingken wune ru uwog-m Yawuda ti si upyi Yesu Kristi, u si inja Yakubu ama, ru ba uwog-ni ande ti Itse-ti Rimam kunn ni kunn, ani ande ti ure na Rimam, ti Yesu Kristi ku nungkyi ni.

Yawuda 1:1 Iomraidhean Croise

Matiyu 10:3

Filip ti Bartolomu; Toma ti Matiyu, unde ti ku mbe aser akwe; Yakubu umbae Alifas, ti Tadeyus;

Matiyu 13:55

Awu si-wu umbae kafinta wu be a. Si-yi umbae ti rinyi iya-wu baa Mberimu be a? Aba Yakubu ti Yusufu ti Siman ti Yawuda si-ba ameinja-wu be a?

Markus 3:18

ti Andarawu ti Filip, ti Bartolomu ti Matiyu, ti Toma ti Yakubu Umbae Alifas, ti Tadeyus, ti Siman Mbakanani,

Markus 6:3

Awu si-wu kafinta wu be a. Si-yi umbae Mberimu be a. Aba Yakubu ti Yusufu ti Yawuda ti Siman si-ba ameinja-wu be a. Ambakaya-wu ta te-ba ati ike be a.” Ama aba kafe isim ta wu.

Luka 6:16

ti Yawuda umbae Yakubu, ti Yawuda Iskariyoti unde ti u sa Itsekuru-wu jabci.

Yohana 12:26

Unde titini ti awu a baa, awu na u nde na m wande, awu ā putsa m, ikyaen ti, ko aka ti ame a kyang atang, awu umbae kufxen-m te me u ta te atso. Unde titini ti ru ba ku nde na m wande, Itse-m u nda wu kuko.”

Yohana 14:22

Uwog ne Yawuda rang baa, “Itsekuru, ayi u nde rimang ti afu u tso risu-fu uwog-ti u tso-fu risu-fu uwog ande ti utense be?” (Yawuda ti rang ira yine si-wu Yawuda Iskariyoti be, awu si Yawuda iki.)

Yohana 15:16

I si-yi ani ti tsab m be. Ame ti tsab ni u tom ni atom baa, ani na ru ka waen awaen, awaen ti u tsi kukunn. Ayine si ikyaen ti Itse-m u nda ni iken meme ti ani jwam uwae rinyi-m.

Yohana 17:15

Ame ku jwam-m afu ti fu na pu ba ruye uwae utense be. Ame ku jwam fu ti fu na nungkyi ba, ikyaen ti Awu titibi ā nde-wu aba iken iki be.

Yohana 17:17

Tatso ba ira ti kubenti. Jwosaen ba yi fengo na ira ti kubenti. Ira-fu ti si ira ti kubenti.

Yohana 17:19

Ame yer kob risu-m ikyaen-ba, ikyaen ti aba ama ā tsi sisaen yi fengo na ira-fu ti kubenti, ti aba ama ā sa unyang-ba na fu.

Yohana 6:39

Iken ti Itse-m Rimam ku sha si ti m na u nungkyi ande ti awu nda m meme, ti ko kinjo na yag ta-wu ta be, ikyaen ti m na kunn nwunn ba uwae iticwu usir ti ricwunnkyi.

Wande Atom 1:13

Ti aba sang uwae uka, aba ru yi uwog ti aba ku nae atang. Ande ti ta atang kiye wu si Bitrus ti Yohana ti Yakubu ti Andarawu ti Filip ti Toma ti Bartolomu ti Matiyu ti Yakubu umbae Alifas ti Yawuda umbae Yakubu ti Siman ti a ku ri baa, awu na si unde ti kitsinn risu uten-wu, a som uwog kinjo.

Wande Atom 20:32

“Tine ame sa ni na Rimam kujwo, ti ira tinyang-wu ā nungkyi ni. Ira tinyang Rimam yine u nde tu ti wu nda ni ser ti ribom. Awu u pwen ni fa uwae itinyang ti awu sa tsi ka meme anyisu-wu ti awu jwosaen utob-ba.

Wande Atom 27:23

Utitang ire Rimam ti si itsekuru-m ti ame ku fen, tom atom-wu ru ba uwog-m.

Roma 1:1

Kutsingken wune ru uwog-m Bulus, umbaefxen Yesu Kristi, ame ti Rimam tsab tsi baa, ame na si atom-wu, u tom m ru ti m na ka ri ira-wu ti tinyang.

Roma 1:6

Ani fa atang ama, ani ande ti Rimam kunn ni baa, ani na si ana Yesu Kristi.

Roma 16:18

Ikyaen ti, abane si-ba apyi na Itsekuru-ti Yesu Kristi be. Aba ku fen iken ti ijwe-ba ku sha. Ira unju-ba nyang ti fxen timambe, amaa, aba ku kyaefa ande ti nung-ba ira iki be.

Roma 6:22

Amaa tine ti a saen ni ta pu ba uwae apyi ikentitibi ti ti nde, ama ti ani kafe pu ni apyi Rimam, iken ti ani bunn atang si ti a jwosaen utob-ni. Ricwunnkyi wune si unyang ti tsi kukunn.

Roma 8:30

Aba ande ti Rimam tsab ba tsab tsi, awu kunn ba ira ba. Ande ti awu kunn ba ba, awu nda ba kafe ande ti kubenti uwe-wu. Ande ti kafe pu ba ande ti kubenti, awu nda ba rurob.

Roma 9:24

Ati ti awu kukunn, fa ti atang ama, si-yi kum Mbayawuda amam be, amaa, ande ti nung-ba Rimam be ama meme.

1 Korinti 1:2

Ame ku bae kutsingken wune ku na ni ande na Rimam ti ta uten ti Korinti, ani ande ti Rimam jwosaen ni, u kunn ni ira baa, ani na si ande-wu uwae usom ti som-ni te Yesu Kristi, fa ti ande ti ta aka patag ti ku fen Itsekuru-ti Yesu Kristi, awu si Itsekuru-ba u si Itsekuru-ti ama.

1 Korinti 6:11

Kute ariki uwae-ni ta uwae utso ande bane. Amaa, Rimam jwosaen pu wu ani uwae ikentitibi-ni u nda ni kafe ande-wu. Ikyaen wande na Itsekuru-ti Yesu Kristi ti kuko na Kusung Rimam, ani kafe ande ti tinyang uwe Rimam.

Afisa 5:26

Awu nde ahan ikyaen ti wu na kyae nyang ba uwe Rimam yi fengo na ira-wu. Ti uwe-yi awu jwo saen ba yi fengo na batisma u sa ba tsi iyen ikyaeb

1 Tesalonika 2:12

Ati ri bom ni utob u ri jim-ni utob u fwa ni kusen baa, ani na som itso usom ti som ti pang atang uwe Rimam. Awu ti kunn ni ira ti ni ba sang Kujwokwe-wu u te wu som tetso uwog ti kuko.

1 Tesalonika 5:23

Rimam na kujimshwur ā jwosaen ni sisaen, awu ā nungkyi kusung-ni ti unyang-ni ti ijwe-ni ti yi ā si-yi te riraen kiye itikafe ba Itsekuru-ti Yesu Kristi be.

2 Timoti 1:9

Rimam nwangru ti u kunn ti baa, ati na som usom ti sisaen. Ayi si-yi ikyaen iken iki ti ati nde be, ayi si ikyaen itimyae ti awu myae tsi ti rinyangwae-wu. Rinyangwae na Rimam ne, awu nda ti ti kiye ti awu kyae-wu utense khika be, yi fengo na Yesu Kristi.

2 Timoti 4:18

Itsekuru u nwangru m uwae ira titibi meme u pu me ru ka sang kuru-wu ti apupwen nyinyang. Kuko ā si ana-wu tsi kunn ike ru fe yi uwe. Ayi ā si ahan.

Mbaibrane 3:1

Ikyaen yine, ameinja ti sisaen, ti te ti tu itikunn Rimam tetso, ni tangsom te Yesu ti ati ku ri te ande baa awu na si Atom Rimam u si kukwen-ti tiyang.

Yakubu 1:1

Ame Yakubu, upyi Rimam ti ana Itsekuru-ti Yesu Kristi, ku nde na ni usuko, ani ande ti Yawudiya kumyaem rijwe asu ifaen ti shag kyi fe utense meme.

1 Bitrus 1:2

Rimam Itse nungye pu wu ani ti kucang, u tsab ni ikyaen ti wu na kyaenyang utob-ni, u nda ni nae risu riben uwog Yesu Kristi, yi fengo na Kusung-wu, ikyaen ti anying Yesu Kristi na u jwosaen utob-ni. Rimam ā nda ni itinyang ti kujimshwur ko fufa ru yi uwe uwe.

1 Bitrus 1:5

ani ande ti Rimam, uwae kuko-wu, ku kyir ni, ikyaen uwae kinjo ti ani site yi, se kiye ti awu Rimam u tatso ti itinwangru ti awu myae tsi, ti awu u tatso ande usir ti ricwunnkyi.

1 Bitrus 2:9

Amaa, ani si kumbub ande ti Rimam tsab tsi, anyisu ukwe ti si akwen Rimam, kumbukwen ti sisaen, ande ti si ana Rimam. Awu tsab ni tsi ti ni na ya iski wande-wu ti tinyang uwog ande, ikyaen ti, ayi si awu Rimam ti kunn ni ruye uwae kufub ba uwog ti sisaen-wu ti ku fur ayib.

1 Bitrus 5:10

Ama, isim ti ani a ngwa rikaen uwae kiye ti kpang, Rimam, Ukwe Ayibrisi, awu ti kunn ni ba yi riyinn-wu ti tsi kukunn uwog Kristi, awu ti risu-wu ti u kyaenyang ni, u nda ni kpakang, u ye ni tsitsa risu kutxom ti ku kyi-wu kyi be.

2 Bitrus 1:1

Kutsingken wune ru kujwo-m Siman Bitrus, ti si umbaefxen na Yesu Kristi, u si unde ti atom-wu ama. Ame bae ku na ni ande ti ru uwae kinjo uwog Yesu pangma ti ati ru uwae kinjo ama. Uwae kinjo-ti wune si iken ti nyang nyae tsitsa, ikyaen ti, ati tu yi ruye uwae wande ti kubenti na Yesu Kristi, awu ti si Rimam, u si Unde ti Nwangru ti.

Yawuda 1:21

Ni tsikunn ti ni ye su atso uwae ure na Rimam, ti ani som ku ji usir ti Itsekuru-ti Yesu Kristi u ba tatso ayibrisi-wu, u nda ti unyang ti tsi kukunn, ni som uwae ure na Rimam, ti u ba nda ni unyang ti tsi kukunn.

Yawuda 1:3

Ande ti ure, ame sa uwae tsi ti m na u bae na ni ira risu itinwangru yi ti meme-ti tu, u ba nungye baa, ayi na nyang skeb ti m na bae na kang ni ira iki ti ritsen, ti m ri bom ni utob, u nda ni kwab itikwab ikyaen Iken ti kwen Rimam ti a nda ande Rimam ti kucang akwen.