Yakubu 5:7 - Kutsingken Ira Rimam ti Saen Kyag

⁷ Ikyaen yine, ameinja, ni ye utob ti ni som ji itikafe ba Itsekuru pangma ti unde ti ritom ku som ji awaen wuci uwae risaen. Awu ku ye utob, u som ji upwen ti u nda ritso ti upwen ti ku taen mbae awum.

Yakubu 5:7 Iomraidhean Croise

Matiyu 16:27

I kyang ku yaen pu yi ti Umbae Unde u ru ba uwae kuko ti riyinn na Itse-wu. Atom Rimam ti apupwen te wu u ba tetso. Awu a ba pu wu, awu u ba pae unde titini kujwofwa wande ti awu nde.

Matiyu 16:28

Ame ku ri te ni kubenti baa, ariki ta uwae-ni ike ti u cwu-ba be se iken ti aba a nung Umbae Unde a si ku ba yi Kujwokwe-wu.”

Matiyu 24:27

Ikyaen ti Umbae Unde u ba pangma imam ti ku jaen wur apwa apupwen tsi kujwo usir ti kiskinn ru fe ye kujwo usir ti ureb.

Matiyu 24:44

Ikyaen yine, ani ama, ni som ti ujwin ko kiye titini, ikyaen ti, ani nung-ni kiye ti Umbae Unde u ba be.

Luka 18:8

Kubenti, awu u ndeya kang ba ti ritsen ti ritsen. Amaa kiye ti Umbae Unde a kafe ba utense, awu u tu se ande ti ru kubenti uwog-wu njwaa?”

Luka 21:27

Iken yine u nde itawe Umbae Unde u mbug ruye u si uwae kubyi ku ba ti riyinn Rimam, ti rurob.

Luka 8:15

Ama itso ti ta ka si riben ti tinyang si ande ti ku fxen ira Rimam u ku ye su yi bubom uwae riyaen utob-ba. Abane ku kyangte yi ti ribom ti kubenti uwae riyaen utob-ba. Aba ku ye utob uwae rikaen-ba meme u ku waen awaen ti tinyang.

Yohana 21:22

Yesu ri te wu baa, “Asiti ame a ku sha ti wu na som ti user ba fob ti usir ti ame u kafe ru ba, ira-fu iki fa atang a? Putsa m!”

Yohana 21:23

Ikyaen ira ti Yesu ri ne, ira shag kyi kutampwa ande ti putsa Yesu baa, unde wune na u cwu-wu cwu be. Amaa Yesu ri-wu baa, awu na u cwu-wu cwu be be. Awu ri nyáng baa, asiti awu na a ku sha ti unde wu na som ti user ka sang ti usir ti awu na u kafe ba, ira Bitrus na fa-yi atang be.

Roma 15:4

Meme ira ti a bae uwae Kutsingken Rimam ti kute, a bae yi ikyaen ti yi kwen na ti iken. A ku sha ti ti na tu utob ti ye ti ribom utob atang. Iken yine ama u nda ti, ati u sa uwae tsi risu iken ti ku ba uwe.

Roma 2:7

Ariki ye utob, u tsikunn ti ku nde kujwo wande ti tinyang, u ku sha ti Rimam na nda ba kuko ti rurob ti unyang ti tsi kukunn. Rimam u nda ba unyang ti tsi kukunn.

1 Korinti 1:7

Ikyaen yine uwae kiye wune ti ani som ku ji usir ti Yesu Kristi u ru ba tso risu-wu uwog-ti, ani shanum-ni iken iki uwae iken meme ti Rimam ku nda ande-wu be.

Galatiya 5:5

Ana-ti ande na Yesu, yi fengo na Kusung Rimam ati ru uwae kinjo. Ati som ku ji u sa uwae tsi baa, ati na u tu risu tinyang uwe Rimam.

Galatiya 6:9

Ati ā num-ti num uwae wande ti tinyang ti ti nde be. Ikyaen ti, asiti ati a num-ti num be, kiye ru ku ba ti ati u bunn itinyang na wande-ti.

Kolosi 1:11

Ati ku jwam baa, ani na u tu kpakang ru ye uwae kuko Rimam ti ko skeb tag, ikyaen ti ni tsi ting ting u ye utob uwae ira titibi ti ku tu ni, ama ti ni tsen utob

1 Tesalonika 1:3

Uwe Itse-ti Rimam, ati ku tangsom te wande ti tinyang ti ani ku nde ru ye uwae kinjo-ni ti ani ru uwog Yesu Kristi. Ure-ni ti ku nda ni kwab fengo Rimam si-yi ti ti ri be. Ati nung baa, ani sa uwae tsi risu-wu ku ru ru yi uwe uwe.

1 Tesalonika 2:19

Ikyaen ti, uwae ande meme ti fxen Ira Rimam uwog-ti, aye ti u nda ti uwaetsi pangma ani kiye ti Yesu Kristi a kafe ba? Aye ti ati u ndub ijwe atang u pam ipam risu-ba siskeb? Si-yi ani be a.

1 Tesalonika 3:13

Yi fengo wune, Itsekuru-ti ā ye ni tsi, ikyaen ti, kiye ti awu a kafe ba ti ande-wu ti sisaen meme, ani u tsi uwe Itse-ti Rimam, a u tu-ba ani te riraen iki be.

Mbaibrane 6:15

Ibrahim ye utob u somji kiye ti iken yi u nde. Ama Rimam kumunn unju ti yer-wu.

Yakubu 4:11

Ameinja, ni ri-ni ira titibi risu atso be. Unde ti a ri ira titibi risu inja-wu iki, ko awu a ku pwen wu rikwen, awu ku rimbeb icwe Rimam, u ku pwen icwe Rimam rikwen. Amaa, asiti afu a pwen icwe rikwen, afu si-fu unde ti ku putsa icwe be, afu si unde ti ku pwen rikwen.

Yakubu 5:10

Ameinja, ni tangsom te ande ti ku ya iski ira Rimam ti kute. Aba ngwa rikaen u kaen kutxom sur utob. Ni putsa afxen-ba.

Yakubu 5:3

Zinariya-ni ti azurfa-ni ayi pù pu-yi rukwēn. Rukwēn yine ku tatso ikentitibi-ni ti u ci tag ijwe-ni pangma urwa. Ani pu rifunn-ni byir tsi pu ni kiye ti ricwunnkyi.

2 Bitrus 3:4

Aba u ri baa, “Yesu yer unju baa, awu na u kafe ru ba. Awu ta-wu aka? Ti kucang akwen ti abitse-ti cwu, iken iki kafe-yi uwae utense be! Ayi tsi ti mbwe-yi.”