Yakubu 5:16 - Kutsingken Ira Rimam ti Saen Kyag

¹⁶ Ikyaen yine, ni fxirtso ikentitibi-ni te atso, ti ni jwam Rimam na atso ti ni nwangru. Itijwam unde ti som sisaen site kpakang ti yi nde wande.

Yakubu 5:16 Iomraidhean Croise

Kucangtsi 19:29

Kiye ti Rimam twen mbub uten uten ti ta uwae kubxab wu, awu tangsom ti Ibrahim, ama u sa ruye Loti uwae ititwenji na uten uten yi uwog ti Loti som atang ne.

Kucangtsi 20:17

Ama Ibrahim jwam Rimam, ama Rimam nwangru Abimeleki ti uwa-wu ti apyi-wu ti anda, titawe rishwu-ba mbubta na umbae ti mbae.

Kucangtsi 20:7

Tine, pu unda wu kafe na Ibrahim ti atang. Awu si unde ti ku ya iskin ira Rimam. Awu u jwam na fu Rimam, ti fu cwu-fu be. Asiti afu a pu unda wu kafe ru-fu be, nung baa, afu ti ishikununn-fu meme na u cwu kang.”

Kucangtsi 32:28

Tiri unde wu ri baa, “A u kunn-ba afu baa Yakubu cwucwo be, tine a u kunn fu baa, Isirela, ikyaen ti, afu kwab ukwab ti Rimam, fa ti ande, ama u ci pu fu.”

Itiruye 17:11

Kiye ti Musa a sa kujwo-wu tso ritsen, anyisu Isirela ku ci rika. Amaa, kiye ti kujwo-wu a nam ku si, ande ti Amaleki ku ci rika.

Itiruye 9:33

Tiri Musa nwunn uwe Ukwe ama u ruye uwae uten wu, u ka pu ajwo-wu tso yi apupwen uwog Yaweh. Ama imam ti ku taen yi, ti upwen ti ku tsa ku jwunn akóng yi yer tsen.

Matiyu 21:22

Ame ku ri te ni baa, iken meme ti ani a ku jwam uwog Rimam, asiti ani a ru uwae kinjo, ani u tu yi.”

Matiyu 3:6

Aba ku fxir ikentitibi-ba, ama awu ku nde na ba itijwosaen ti ku cwucwe uwae unyim ti Yordan.

Markus 1:5

Ama ande nwunn ti ujwunn-ba uwae uka ti Urushelima ti uten Mbayawuda meme. Aba ku ru ka tu wu ku fxir ikentitibi-ba, ama awu ku nde na ba batisma yi uwae unyim ti Yordan.

Luka 9:6

Tiri aba nwunn u ru tsa uwae imbae uten ti ta atang meme u ku ri te ande ira ti tinyang na Rimam u ku nwangru ande uwae kicaeb, meme uwog ti aba a ka atang.

Yohana 9:31

Ati nung pu ti baa, Rimam ku naa atong ku fxen-wu ira na ande ti ku nde ikentitibi be, amaa asiti unde a ku fen Rimam u ku nde iken ti awu ku sha ama, Rimam ku naa atong ku fxen wu.

Wande Atom 10:38

Ira yi si ti Rimam tsab Yesu unde ti Nazareti tsi, u nda wu kuko na Kusung Rimam. Yesu nwunn ku kyang kyi fe uwog meme, ku nde iken ti tinyang u ku nwangru ande ti ta uwae apyi na Shetann, ikyaen ti, Rimam te wu som te atso.

Wande Atom 19:18

Ariki yang-ba uwae ande na Yesu ru ba fxir iken ti kisi-ba ti a ku nde.

Wande Atom 8:24

Siman ri te Bitrus ti Yohana baa, “Ni jwam Rimam ikyaen-m, ti iken ti afu ri ne ā tu-yi ame be.”

Roma 3:10

Pangma ti a bae uwae Kutsingken Rimam baa, “Unde iki ta-wu ti som usom ti kpang atang be ko ti kinjo.

Roma 5:19

Pangma ti risu ti kpag unde kinjo nda ande yang-ba kafe ande titibi uwe Rimam, ti mbwe-yi ama, ande yang-ba u kafe ande ti tinyang uwe Rimam ikyaen risu ti nae riben unde kinjo.

Kolosi 1:9

Né iken ti nde, ti kiye ti ati fxen ira risu-ni, ati tsikunn ti ku jwam Rimam ikyaen-ni baa, awu na u kumunn ni te itinungye iken ti awu ku sha, u nda ni ben-ayib, ti iyii ti si ana kusung

1 Tesalonika 5:17

Ko kiye titini ama ni tsi kunn ti ku jwam Rimam.

1 Tesalonika 5:23

Rimam na kujimshwur ā jwosaen ni sisaen, awu ā nungkyi kusung-ni ti unyang-ni ti ijwe-ni ti yi ā si-yi te riraen kiye itikafe ba Itsekuru-ti Yesu Kristi be.

1 Tesalonika 5:25

Ameinja, ni jwam Rimam risu-ti.

Mbaibrane 11:4

Ayi si uwae kinjo ti nda Abila ru ba uwe Rimam te rinyangwae ti pang atang skeb ana Kayinu, ti si iken ti nde nee Rimam cwe ira-wu, u kyang te rinyangwae-wu baa, awu na si unde ti kubenti. Ama ko ti awu cwu rwen pu wu, uwae kinjo-wu ku ri ira ti atang.

Mbaibrane 11:7

Ayi si ti mbwe-yi ama uwog Nuhu. Ikyaen uwae kinjo, kiye ti Rimam fa wu kusen risu iken ti ku ba uwe, ti a nung-ba ayi te ayib be, awu nae risu riben, u pab kuyae tiyang ikyaen itinwangru ishikununn-wu. Yi fengo wune, awu rimbeb itibi utense, ama u kafe unde ti u ci rifunn usom ti pang atang ti a ku tu yi ruye fengo na uwae kinjo.

Mbaibrane 12:13

Ni kyaenyang fengo ni, ti afxen-ni ā fur caeb-yi be, amaa, ayi ā bubom.

Mbaibrane 13:18

Ni jwam Rimam ikyaen-ti. Ikyaen ti, ati u si te utob ti nae riben uwae ira yine, ama ati site utob ti ti u nde meme wande-ti yi fengo ti kpang atang.

1 Bitrus 2:24

Awu ti risu-wu su ikentitibi-ti tso yi risu kutuku ti cice ikyaen ti uwae ikentitibi ti ti nde, ati ā si rukom, ama uwae iken ti kubenti ti ti nde, ati ā tsi user. Ikyaen abang rikaen ti awu ngwa, ani nwangru pu ni.

1 Yohana 3:22

Ama meme iken ti ati a jwam uwog-wu, ati u tu yi, ikyaen ti, ati ku nae risu riben te icwe-wu, u ku nde iken ti ku nyang uwae-wu.