Yakubu 5:11 - Kutsingken Ira Rimam ti Saen Kyag

¹¹ Nung, ande ti som ti kpag utob ka usir ti ricwunnkyi, ati ku ri baa, ana-ba nyang. Ani fxen pu ni ira risu utob ti ye na Yuba, u nung pu ni ira ti myae Itsekuru risu-wu, ti itso ti Rimam tso wu ayibrisi ti rinyangwae-wu.

Yakubu 5:11 Iomraidhean Croise

Yakubu 1:12

Itinyang ā si ana unde ti ye utob u som ti uwae kinjo kiye ti itimyae a ba tu wu. Kiye ti awu a ruye uwae rikaen, Rimam u nae wu ukwe, u nda wu unyang ti tsi kukunn ti Rimam yer unju baa, awu na u nda unde ti site ure te wu.

Itiruye 34:6

Yaweh yafe wu, u kunn tso baa, “Ame ti si Yaweh, Rimam na ayibrisi ti rinyangwae, ti ku tso-m rinae ti kufe be. Ame si Rimam ti site ure ti tsi kukunn, u si Rimam ti kubenti.

Matiyu 10:22

Ande meme u sa ni kuka ikyaen-m. Amaa, unde ti a tsi ti kubenti ru ba sang usir ti ricwunnkyi, awu u nwangru.

2 Bitrus 2:9

Ti ayine meme si ahan, Rimam nung pu wu fengo ti wu nwangru ande ti ta uwog kumbwa. Awu nung pu wu fengo ti wu kwer ande titibi kupong, tsi ku ji usir rikwen.

1 Bitrus 1:13

Ikyaen yine, ni kyae utob-ni tsi nyinyang ikyaen wande, ti ni som ti ujwin. Ni sa uwae-ni meme tsi risu itinyang ti a u nda ni, kiye ti Yesu Kristi u kafe ba tso risu-wu.

Luka 6:36

Ame ku ri te ni baa, ni nung risi ande pangma ti Itse-ni ti apupwen ku nung ande ti ayibrisi.

Mbaibrane 10:39

Ama ana-ti, ati si-ti utso ande ti u kafe ti isim u twenji tag be. Ana-ti, ati ru uwae kinjo uwog Rimam, u nwangru.

Mbaibrane 3:14

Ati te Kristi ta tetso asiti ati a kpag utob pangma ti ati nde kucang u ru yi uwe ka kwer ricwunnkyi.

Afisa 2:4

Amaa ayibrisi na Rimam ko timambe. Ure-wu uwog-ti si-yi ti ti ri be.

Mbaibrane 3:6

Amaa, Kristi si umbae unde ti kununn, awu ku nde wande ti kubenti uwae kusog Rimam. Ati ama si kusog-wu, asiti ati a bom utob ru yi uwe, u pam ipam risu iken ti ati sa uwae tsi atang.

Afisa 1:6

Awu nde yine ikyaen ti a na teb rinyangwae-wu ti site kuko nee awu nda ti uwae Umbae ti utob-wu, Yesu Kristi.

Roma 2:4

Ko afu ku sa rinyangwae te utob ti ye na Rimam ti ko timambe kafe iken ti fufóg ti ani saeruru, u nung-ni ti rinyangwae Rimam si ikyaen ti awu u tae ni ba ti ni na kafe isim ta ikentitibi-ni be ahoo.

Luka 1:50

Ande ti ku kyen ikyenricwu wu, awu ku sae ba ti ayibrisi. Anyisu-ba ama u tu rinyangwae-wu, ti anyisu ti ku ba isim-ba ru fife yi uwe.

Jona 4:2

Ikyaen yine, awu jwam Yaweh, u ri baa, “Yaweh, ayine si-yi ira ti ame ri kiye ti ame ta ti uten-m be a. Ame nung baa, afu na si Rimam na ayibrisi, ure-fu ko timambe. Afu ku tso-fu rinae ti kufe be, ku yata na ande riraen-ba ti kufe. Nee iken ti nde ame kwab ti m na u ter ru yi Tarshish.

Nehemiya 9:17

A pyir ti a u nae risu riben na fu, Aba tangsom-ba te iken ti ku fur ayib ti afu nde uwog-ba be. Aba bom risu u tsi ukub te fu. Aba tsab unde ti uwe ti wu na pu ba kafe ru ti usom upyi yi Ejib. Amaa, afu si Rimam ti ku yata na ande. Afu si Rimam ti tinyang ti site ayibrisi timambe. Afu ku tso-fu rinae ti kufe be. Ure-fu, ititsikunn-yi ta-yi be. Ikyaen ayine afu ya ba ta-fu be.

Daniyel 9:9

Itsekuru-ti Rimam, afu si Rimam na ayibrisi, ti ku yata na ande ikentitibi, ko ti ati kpag risu te fu.

Nehemiya 9:31

Amaa, ikyaen ayibrisi-fu ti ko timambe, afu twenji-fu aba be, u kafe isim ta-fu aba be. Ikyaen ti, afu si Rimam ti tinyang ti site ayibrisi timambe!

Yakubu 1:2

Ameinja, asiti rikaen ti tsotso a tu ni, ni tsen utob!

1 Bitrus 3:14

Amaa ko asiti ani a ku ngwa rikaen ikyaen usom ti pang atang, ti itinyang si ana-ni. Ni kyen-ni ikyenricwu-ba be, u ndembeb-ni utob be.

Luka 11:10

Ikyaen ti, unde titini ti a jwam, a u si na wu. Asiti awu a sha, awu u tu. Awu a kwer kujwo ufu kusog, a u mbubta na wu.