Yakubu 5:10 - Kutsingken Ira Rimam ti Saen Kyag

¹⁰ Ameinja, ni tangsom te ande ti ku ya iski ira Rimam ti kute. Aba ngwa rikaen u kaen kutxom sur utob. Ni putsa afxen-ba.

Yakubu 5:10 Iomraidhean Croise

Luka 13:34

“Kukuuwu-fu Urushelima, Urushelima ti utob uwae-m! Ani ande ti jwunn wen ande ti ku ya iskin ira Rimam te ande ti atom-wu meme. Ko kiye titini ame ku sha ti m kunn byir ni uwog-m pangma ti mbakunn ku byir imbae-wu sang yi asae-wu, amaa ani cwe na-ni ame be.

Luka 6:23

Kiye ti a ku nde ni ayine, ni tsen utob ti ni se ise ikyaen ti, kujwojang-ni ti a sa tsika ni apupwen ko pu yi. Kute abitse-ba nde itso iken yine te ande ti ku ya iskin ira Rimam.

Wande Atom 3:21

Yesu u som kang apupwen itawe, se usir ti Rimam a kyae nyang pu wu utense meme titawe, pangma ti ande-wu ti saen kyag ti ku ya iskin ira-wu ri kute.

Wande Atom 7:52

Uwae ande ti ku ya iskin ira Rimam, abitse-ni ya uriki ta-ba ta be. A nde ba rikaen meme! A wen ande ti Rimam tom ba ba, ti ku ri te ba baa, Yesu Unde ti Saen Kyag na ku ba! Ama tine, ani sa wu jabci pu ni! Ani wen pu ni awu.

Mbaibrane 13:7

Ni tangsom te ande ti uwe-ni, aba ti ri ira Rimam te ni. Ni nung itso usom ti som ti aba som, ti itinyang ti ru ye unyang-ba, ti ni kwen putsa itso uwae kinjo ti aba site.

Yakubu 4:11

Ameinja, ni ri-ni ira titibi risu atso be. Unde ti a ri ira titibi risu inja-wu iki, ko awu a ku pwen wu rikwen, awu ku rimbeb icwe Rimam, u ku pwen icwe Rimam rikwen. Amaa, asiti afu a pwen icwe rikwen, afu si-fu unde ti ku putsa icwe be, afu si unde ti ku pwen rikwen.

Yakubu 5:13

Unde iki uwae-ni ku ngwa rikaen a. Awu ā jwam Rimam. Unde iki uwae-ni ku tsen utob a. Awu ā yang akyang ititeb.

Yakubu 5:7

Ikyaen yine, ameinja, ni ye utob ti ni som ji itikafe ba Itsekuru pangma ti unde ti ritom ku som ji awaen wuci uwae risaen. Awu ku ye utob, u som ji upwen ti u nda ritso ti upwen ti ku taen mbae awum.

Yakubu 5:9

Ameinja, ni pwen-ni unju risu atso be, ti a pwen-ba ni rikwen be. Nung, ufwa rikwen tsi ufu ti wu sisang tiri.