Yakubu 4:8 - Kutsingken Ira Rimam ti Saen Kyag

⁸ Ni ko ra ba fer Rimam, awu ama u ko ra ba fer ni. Ani ande ti ku nde ikentitibi, ni ya ikentitibi ti ti nde ta. Ni jwo saen utob-ni, ani ande ti uwae ifaen.

Yakubu 4:8 Iomraidhean Croise

Kucangtsi 18:23

Ama Ibrahim ko fer wu, u rang baa, “Itsekuru, afu u fen mbeb ande ti kubenti ren fa ti ande titibi a.

Matiyu 12:33

“Asiti kutuku a nyang, awaen-wu u nyang ama. Asiti kutuku a si titibi, awaen-wu ama si si titibi. Yi uwae awaen kutuku ati ku nungye utso kutuku wu.

Matiyu 15:2

“Ande ti imbyi-fu kyang rimang ku putsa-ba icwe abitse-ti be? Aba ku jwo-ba ajwo yi fengo ti ande ndufu kwen na ti, titawe m ci wuci be.”

Matiyu 27:24

Kiye ti Bilatus nung baa, ande na ku fxen-ba awu cwucwo be, ama ira yi kafe-yi rika tiri, awu sa ambyi ba jwosaen ajwo-wu u ri baa, “Anying unde wune ta-yi risu-m be. I si ira-ni tiri.”

Wande Atom 15:9

Rimam tatso ti baa, ati na te ba na pang atso. Awu jwosaen utob-ba ama ikyaen ti, aba ru kubenti.

2 Korinti 7:1

Ande-m ti ayib ricwu-m ti Rimam yer unju yine meme te ti, ame ku jwam baa, ti na jwo saen ijwe-ti. Iken meme ti ku nda ijwe-ti ko utob-ti kafe iken ti ku txi iyib uwe Rimam, ti yi ta. Ti kwab ti ti si ande ti sisaen uwe Rimam ti ti som usom-ti uwae ikyenricwu-wu.

1 Timoti 2:8

Ikyaen na yine ame ku sha ti ko aka ti ani a ku fen Rimam atang, arom ti si ande ti kubenti ā jwam Rimam. Aba ā pu ajwo tso, rinae, ko ishaen ti shaen ā ta-yi kutampwa-ba be.

Mbaibrane 10:22

Ikyaen yine, ti ko ba fer Rimam ti utob ti kubenti, yi fengo uwae kinjo ti si-yi te uwae ti kab be, ti utob ti a jwo sisaen uwae ira ti kab titibi, ti ijwe ti a jwujwo te ambyi ti sisaen.

Mbaibrane 7:19

Icwe yi sa ba-yi itikyaenyang iki be. Amaa, a kyae fengo iki ti nyang siskeb, ti ati u sa uwae tsi atang, ti tae ti ba fer Rimam.

Yakubu 1:8

Awu si unde ti unju ifaen, ku ka isim ba uwe.

Yakubu 3:17

Amaa, ben-ayib ti sī apupwen ba si ti saen kyag. Ayi ku shir kujimshwur ba, u ku nda unde nde wande-wu sku sku, u ku naa kutong ku fxen ira ande nyanyang. Ande ti site yi si ande ti ku nung risi ande, u ku nde na ande iken ti tinyang. Aba si-ba ande ti ku tsab ande tsab be, ko ande ti ku ri unju ifaen be.

1 Bitrus 1:22

Tine ani nae pu ni risu riben te ira Rimam ti kubenti, u jwosaen pu ni utob-ni, u site ure ti kubenti na ameinja. Ikyaen yine, ni ye ure te atso ti utob-ni meme,

1 Bitrus 3:21

Ambyi yine ku tatso ijwe ti jwo na batisma ti ku sa ba itinwangru. Ayi si-yi ti ambyi yine u jwo ru ajib ijwe-ti be, ayi si ikyaen ti ati ku jwam Rimam ti utob tinyang. Ati nwangru ikyaen itinwunn Yesu Kristi uwae iticwu.

1 Yohana 3:3

Unde ti a sa uwae tsi risu-wu, awu ku kwab ti wu som usom ti sisaen pangma ti Yesu ti risu-wu si unde ti sisaen.