Yakubu 4:12 - Kutsingken Ira Rimam ti Saen Kyag

¹² Rimam kinjo-wu amam ti ku nda icwe, u ku pwen rikwen. Awu ti u ndetu ti wu twenji ande, awu ti u ndetu ti wu nwangru ande. Afu unde si aye ti fu pwen unde ice-fu rikwen?

Yakubu 4:12 Iomraidhean Croise

Matiyu 10:28

Ni kyen-ni ikyenricwu ande be. Aba ku wen nyang ijwe rimenn amam, aba wen fob-ba kusung be. Amaa ni kyen ikyenricwu Rimam ti site kuko ti u twenji rimenn ijwe ti kusung meme uwae urwa ti ku ten u ku jim-wu jim be.

Luka 12:5

Ame u tatso ni iken ti ani u kyen ikyenricwu-wu. Ni kyen ikyenricwu Rimam. Isim ti afu a cwu pu fu, awu ti site kuko ti wu sa fu jwunn si uwae urwa. Kubenti ti ame ku ri te ni, ni kyen ikyenricwu-wu!

Roma 14:13

Ikyaen yine, ti ya rikwen ti ati ku pwen atso ta. Iken ti ati u nde, si ti ati u sa utob-ti tsi baa, ati na u nde-ti iken iki ti u nda inja-ti iki kyen kufxen fengo Rimam, ko ti awu u sang uwae ikentitibi be.

Roma 14:4

Afu si aye ti u ye upyi unde iki ti riraen? Se unde ti kununn-wu amam ti site rurob ti wu myae wande upyi-wu baa, awu na nde wande-wu pang atang ree, re ti awu nde pang-wu atang be. Ande bane ama u jwunnsi-ba uwae itimyae be, ikyaen ti Itsekuru-ba Rimam site kuko ti wu sa ba tsi ting ting.

Roma 2:1

Ikyaen ayine, ani ti ku pwen ande rikwen risu ikentitibi-ba, ani site-ni fífe iki be, ko ani a si aye, ikyaen ti, asiti ani a pwen ande rikwen, u ka nde itso iken-yi ti aba ku nde, ani pwen rikwen ye pu ni ijwe-ni.

Roma 9:20

Afu unde si aye ti ko ti fu shaen ishaen te Rimam? Kitutong u shaen-wu ishaen te unde ti mbye wu baa, “Afu kyang rimang u mbye m ahan” a.

Mbaibrane 7:25

Ikyaen yine, ko kiye titini, awu u ndetu ti wu nwangru meme ande ti a rutsa uwog-wu ba uwe Rimam, ikyaen ti, awu tsikunn ku jwam itijwam ikyaen-ba.

Yakubu 5:9

Ameinja, ni pwen-ni unju risu atso be, ti a pwen-ba ni rikwen be. Nung, ufwa rikwen tsi ufu ti wu sisang tiri.