Yakubu 4:11 - Kutsingken Ira Rimam ti Saen Kyag

¹¹ Ameinja, ni ri-ni ira titibi risu atso be. Unde ti a ri ira titibi risu inja-wu iki, ko awu a ku pwen wu rikwen, awu ku rimbeb icwe Rimam, u ku pwen icwe Rimam rikwen. Amaa, asiti afu a pwen icwe rikwen, afu si-fu unde ti ku putsa icwe be, afu si unde ti ku pwen rikwen.

Yakubu 4:11 Iomraidhean Croise

Luka 6:37

“Ni pwen-ni ande iki rikwen be, ikyaen ti Rimam ā ru ba pwen-wu ani rikwen ama be. Ni ri mbeb-ni ande iki be, ikyaen ti Rimam ā ri mbeb-wu ani ama be. Ni yata na ande ti ku nde ni ikentitibi ikyaen ti Rimam ama ā yata na ni ikentitibi-ni.

Roma 2:1

Ikyaen ayine, ani ti ku pwen ande rikwen risu ikentitibi-ba, ani site-ni fífe iki be, ko ani a si aye, ikyaen ti, asiti ani a pwen ande rikwen, u ka nde itso iken-yi ti aba ku nde, ani pwen rikwen ye pu ni ijwe-ni.

Roma 2:13

Ayi si-yi ande ti fxen icwe amam ti tsi sisaen uwe Rimam be. Unde ti a ye su icwe yi, awu ti u nwangru.

Roma 7:7

Tine, ati u ri baa imi? Icwe Rimam ti risu-yi na si titibi a. Iyee, ko tikiyib, ikyaen ti, ayi na si-yi icwe be, ame u nungye m ikentitibi-m be. A baa, icwe na ri-wu baa, “Taen-fu ayib taen be,” ame ú nung-m iken ti a ku kunn baa, ayib ti taen be.

1 Korinti 4:5

Ikyaen ira yine ni pwen-ni unde rikwen be, se usir a pang pu wu. Usir wu a ba pu wu ti Itsekuru-ti Yesu a kafe ba, awu u ba pwen rikwen yi ti ajwo-wu. Awu u ri tatso ti iken ti ta uwae kufub, ti ira ti unde titini ku kab riyaen utob-wu. Tiri, Rimam u teb unde titini ikyaen kujwo wande-wu ti awu nde.

2 Korinti 12:20

Ame kyen ikyenricwu baa, ko iki be, asiti ame a ru ba ye, ame na u ba tu ni te usom ti som ti txi te ira ti ame ku sha ti m nung uwog-ni, ko ani ama u tu m te kujwo wande ti txi te ayi ti ani ku sha ti ni nung uwog-m. Ko iki be ame u ru ba tu ni ani ku fwan kibyag, u ku tsinn kitsinn, u ku tso rinae, u ku sha nyang iken na risu-ni amam, u ku txun atso asu, u ku tsag ande, u ku ndub ijwe, u ku ye iken kyikab kyikab.

Afisa 4:31

Ande ti ku fab uwae, u ku tso rinae, u ku fwan kibyag tetso ā fxae yi! Ni byag-ni kibyag te atso cwucwo be, ti ni txun-ni atso asu cwucwo be! Ni sa-ni atso kuka cwucwo be!

1 Timoti 3:11

Anda uwae-ba ama ā si anda ti site utob ti tinyang, ku tsag-ba ande be. Aba ā si anda ti ye su ijwe-ba nyinyang, u ku nde iken meme uwae kubenti.

2 Timoti 3:3

Aba u site-ba ure te unde iki be, u nung-ba risi ande be. Ama aba u si ande ti ku ri ira titibi risu ande ku kyang, u ye su tu-ba ijwe-ba be. Aba u si ande ti rinae ti ku sha-ba iken ti tinyang be.

Titus 2:3

Kwen na anda ndufu ama, ti aba ā som usom ti ikyenricwu Rimam utob-ba. Aba ā si-ba anda ti ku rimbeb rinyi ande ko anda ti ku ngwa ujwab ku kyang be. Aba ā kwen na ariki usom ti som ti pang atang

Yakubu 1:16

Unde iki ā kyaefa-wu ani be ameinja.

Yakubu 1:19

Ameinja-m ti utob uwae-m, ni nung nyinyang, unde titini ā si unde ti ku fxen ira ti kufe, ama awu ā ri-wu ira, ko ti wu tso rinae fife be.

Yakubu 1:25

Amaa unde ti a nùng putsa icwe Rimam ti sisaen, ti si icwe itisaenta, asiti awu a ye utob, u si-wu unde ti ku fxen ku munnji te yi be, ama ku nde wande te yi, awu u tu itinyang kujwo wande-wu.

Yakubu 2:8

Asiti afu a ye su Icwe Kujwokwe Rimam ti a bae uwae Kutsingken Rimam baa, “Ye ure te unde ice-fu pangma ti afu ku ye ure te risu-fu,” afu ku nde iken ti pang atang.

Yakubu 5:10

Ameinja, ni tangsom te ande ti ku ya iski ira Rimam ti kute. Aba ngwa rikaen u kaen kutxom sur utob. Ni putsa afxen-ba.

Yakubu 5:7

Ikyaen yine, ameinja, ni ye utob ti ni som ji itikafe ba Itsekuru pangma ti unde ti ritom ku som ji awaen wuci uwae risaen. Awu ku ye utob, u som ji upwen ti u nda ritso ti upwen ti ku taen mbae awum.

Yakubu 5:9

Ameinja, ni pwen-ni unju risu atso be, ti a pwen-ba ni rikwen be. Nung, ufwa rikwen tsi ufu ti wu sisang tiri.

1 Bitrus 2:1

Ikyaen yine, ni sa ruye risu-ni uwae meme ira titibi, rifen ti yer, kukyaefa, kufur ti fur, kutsinn ti tsinn, kutsag ti tsag,