Yakubu 4:1 - Kutsingken Ira Rimam ti Saen Kyag

¹ Imi ti ku shir rika ti kibyag sang ba kutampwa-ni? Ayi ku ruye-yi uwae ayib ti taen-ni ti ku ta rika te ni be a.

Yakubu 4:1 Iomraidhean Croise

Matiyu 15:19

Ikyaen ti, ira ti kab ti ku tso uwae utob unde si ira ti kab titibi, ande ti wen, iyag ti nae, amae ti nae, riyib ti yib, ucwé tikong, rinyi unde ti ti rimbeb.

Yohana 8:44

Ani si ana itse-ni, awu Ukwe Kukyaefa. Iken ti ani ku sha si iken ti nyang uwae-wu, awu itse-ni. Ti kucang-yi awu si unde ti ku wen ande. Awu ku putsa-wu kubenti ama be. Kiye ti awu a ku yer rifen, ayi si-yi iken tishe be, ayi si wande-wu ti kucang-yi akwen, ikyaen ti, awu ku yer kob rifen. Ira titikong meme ku ru uwog-wu ba.

Roma 7:23

Amaa iken iki ta kyi rimenn m, ti ku ta rika te icwe Rimam ti ta utob-m. Ayi ye m upyi, u ku nda m nde kob ikentitibi, u kafe upyi-yi.

Roma 7:5

Kiye ti ati som usom rimenn ijwe, ati nae risu riben te iken ti ku taen ti ayib, ti si icwe ti ye nwunn yi uwae utob-ti. Ama ayi nde wande ijwe-ti, u nda ti nde iken ti shir iticwu ba risu-ti.

Roma 8:7

Unde ti ku sa utob tsi risu iken na ijwe, awu ku ta rika te Rimam. Awu ku nae-wu risu riben te icwe Rimam be. Kubenti, awu u nde tu-wu be.

Galatiya 5:17

Ikyaen ti, iken ti utob-ti ande ku sa uwae tsi atang txi ra ti iken ti Kusung Rimam ku sha. Iken ti Kusung Rimam ku sha txi ra ti iken ti utob-ti ande ku sa uwae tsi atang. Iken ifaen yine ku ta rika te atso uwae ijwe-ti. Né iken ti nde ani u nde tu-ni iken ti tinyang ti utob-ni ku sha be.

Kolosi 3:5

Ikyaen na yine, ame ku jwam ni, ni twenji meme iken na rimenn ijwe ti si ana utense wune, pangma iyag ko amae ti nae, ijib ti nde, ijaen iyag ti nae, ira ti kab titibi, ti ayib ti taen, ti si apxin ti fen.

2 Timoti 2:23

Amaa, tsi rurwen te ira ti askwab ti ishaen ti shaen ti ru-yi risu be. Afu nung pu fu baa, ayi na ku shir kibyag ti fwan ba.

Titus 3:3

Kucang ati ama som usom uwae kuskwab u ku fxen-ti ande be. Ati ya fengo ta, u sang uwae kutur, u kafe apyi na iken ti tsotso na rimenn ijwe, ti iken ti utob-ti tsi atang. Ko kiye titini ati ku som usom uwae ira titibi ti ti myae, ti kitsinn ti tsinn. Ande ku sa ti kuka. Ati ama ku sa ariki kuka.

Titus 3:9

Amaa, sa ru risu-fu uwae ishaen ti shaen ti kuskwab, ti ira ande ba ti ku pam ipam risu abitse-ba ti kute, ti kibyag ti fwan risu icwe. Ayine si iken ti ukaen amen, ayi u ndeya-yi ande be.

Yakubu 1:14

Ayi si ijaen iken ti ku taen unde ayib ti ku nda unde pu kutxae ikentitibi.

Yakubu 4:3

Ani ku jwam ama ku tu-ni be, ikyaen ti, ani ku jwam-ni iken ayi yi fengo ti pang atang be. Ti fa kyi, ani ku pu yi ka wen yi fengo na ijaen rimenn ijwe.

1 Bitrus 1:14

Ti ani si pu ni anyisu Rimam ti ku nae risu riben ne, ni ya ijaen iken ti ani ku nde kiye ti ni ta uwae kufub ta.

1 Bitrus 2:11

Ame ku ri te ni ande ti ure-m, ani ti si rikyen utense ike, u si-ni ande ti uten be, ni nwaen ru risu-ni uwae ijaen rimenn ijwe ti ku mbub rika te unyang-ni.

2 Bitrus 2:18

Aba ku ndub ijwe u ku ri ira ti kuskwab, ku txae ariki kutxae te ira iyag ti nae. Ama ande ti a txae-ba txae ne si ande ti nwangru-ba ru kujwo ande ti kufub nyinyang khika be.

2 Bitrus 3:3

Ira tiyang ti ni u nung si ti, usir ti ricwunnkyi, itaen ti atxir, ti ku sha nyang iken ti risu-ba amam, u ba nwunn kutampwa-ni, u txir ni atxir.