Yakubu 3:9 - Kutsingken Ira Rimam ti Saen Kyag

⁹ Ti ujae unju wune, ati ku teb rinyi Rimam ti si Itsekuru-ti, u si Itse-ti. Si sí unju wu ti ati ku faen ande kufaen atang, ande ti Rimam kyae ru ijwe-wu.

Yakubu 3:9 Iomraidhean Croise

Kucangtsi 5:1

15 Ayine si kuci na rishi Adamu. Kiye ti Rimam kyae unde, awu kyae unde wu rukwer ijwe-wu.

Kucangtsi 9:6

“Unde ti a yaen mbub anying unde, si sí unde ama ti u yaen mbub anying-wu. Ikyaen ti, Rimam kyae unde rukwer ijwe-wu.

Matiyu 26:74

Uwog wune Bitrus fwag, ku ben, u ri baa, “Ame nung-m unde wu be.” Ama ti ritsen, mbakunn ta ira.

Matiyu 5:44

Tine ame ku ri te ni, ni ye ure te ande ti rika-ni ti ni jwam Rimam risu ande ti ku nde ni ira titibi.

Wande Atom 2:26

Ikyaen yine, ame ku tsen utob. Ame ku ri ira-m ti utob titsen. Ama ko ti a sa ijwe-m nji uwae kuskab, ame sa uwae tsi baa, ame na u nwunn kang uwae kuskab usir iki.

Roma 3:14

Unju-ba munn te ira titibi ti ti ri, ti ku ndembeb ande.

1 Korinti 11:7

Amaa, urom ā burkyi-wu risu-wu kyi be, ikyaen ti, awu si iken ti Rimam kyae ru ijwe-wu. Urom ku tso riyinn na Rimam. Unda ama ku tso riyinn na ubaen-wu.

Afisa 1:3

Ati ku teb rinyi na Rimam ti si Itse na Itsekuru-ti Yesu Kristi ikyaen ti, uwae usom ti som-ti te Kristi, awu sa iken ti tinyang ti tsotso ti si ana kuru-wu ti apupwen na ti.

Yakubu 1:27

Itiputsa Rimam ti Rimam cwe ira yi si ti, awu ku sha ti unde na ndeya anyisu ti itse-ba ti iya-ba cwu pu ba, ti awa icwu, uwae rikaen-ba, cwucwo, ti ande na ye su ikyaen ti ande na ye su ijwe-ba nyinyang, ti ajib utense ā kwanbeb-yi utob-ba be.

Yakubu 3:10

Ati ku wae ira na ande ti ujae unju-ti, ama si sí awu ti ati ku faen kufaen atang. Ayi nyang-yi ti ti nde itso iken yine be, ameinja!

1 Bitrus 1:3

Ti nde fxaefa na Rimam ti si Ite na Itsekuru-ti Yesu Kristi, ikyaen ti, uwae ayibrisi-wu ti kuko, awu nda ti unyang tishe yi uwae itinwunn na Yesu Kristi uwae iticwu. Ayine nda ti sa uwae tsi