Yakubu 3:18 - Kutsingken Ira Rimam ti Saen Kyag

¹⁸ Ande ti ku sa kujimshwur ba kutampwa ande, aba ku tso kujimshwur, ama ku bunn usom ti som ti kubenti.

Yakubu 3:18 Iomraidhean Croise

Matiyu 5:9

“Itinyang si ana ande ti ku sa kujimshwur sang uwog, ikyaen ti, a u kunn ba baa, anyisu Rimam.”

Filipi 1:11

u ku waen awaen ti tinyang, ti si wande-ni ti tinyang ti ani ku nde uwae kuko na Yesu Kristi ti ta utob-ni. Ayine u sa rurob ti riyinn na rinyi Rimam tiyang akwen.

Galatiya 6:8

Asiti awu a tso uwae risaen na ayib ti taen na ijwe, awu u bunn iticwu. Asiti awu a tso uwae risaen na Kusung ti saen kyag, uwae na Kusung wu awu u bunn unyang ti tsi kukunn.

Mbaibrane 12:11

Kiye ti a ku byinn unde kimbab, ayi ku cicaeb, u si-yi iken ti ku tsen utob be. Amaa, isim-yi, ayi u waen awaen ti pang atang uwog unde ti cwe, u paembe itikwen uwae kimbab ti byinn yi.

Yakubu 1:20

Ikyaen ti, rinae unde ku ndeya-yi unde ti wu nde iken ti kubenti ti Rimam ku sha be.

Yohana 4:36

Unde ti ku bunn wuci mbe ku pu wu kujwojang-wu. Awu ku pu ande ru ba ti a na tu unyang ti tsi kukunn, ikyaen ti unde ti tsutso ti unde ti bubunn na ru ba pam upam tetso meme.

Amos 6:12

Kakum ku ter nyae risu kutxu a. Unde u pu indag kaa tom ritom uwae uyinn a. Amaa, ani sa ira ti kubenti kafe rikàen ti nunn ma arisab, u sa wande ti tinyang kafe iken ti nunn ngag.