Yakubu 3:10 - Kutsingken Ira Rimam ti Saen Kyag

¹⁰ Ati ku wae ira na ande ti ujae unju-ti, ama si sí awu ti ati ku faen kufaen atang. Ayi nyang-yi ti ti nde itso iken yine be, ameinja!

Yakubu 3:10 Iomraidhean Croise

Kucangtsi 20:9

Ama Abimeleki kunn Ibrahim u rang wu baa, “Imi ti nde afu nde ti ahan? Ame raen fu ira imi nee afu shir ira titibi ti beb timambe ku si m ti ande-m risu? Afu nde pu fu iken ti nyang-yi ti fu u nde te m be.”

Roma 12:14

Ni jwam itinyang na Rimam risu ande ti ku nde ni rikaen. Een, ni wae na ba ira, si-yi ti ni rimbeb ba be.

1 Korinti 3:3

Ikyaen ti, usom ti som-ni si ana ande ti utense wune. Ani site kitsinn te atso ti atang. Ani ku fwan kibyag te atso ti atang. Ayine tatso baa, ani na ku som usom na ande ti utense. Ani te ba pang atso ani nung-ni be a?

1 Timoti 5:13

Cwucwo, aba ku som usom ti uyáng, u ku kyang kyife anunn ande meme. Ti beb skeb ayine si ti, aba ku nung nyang ande ti tsag amam u ku ri tsutso ri sisi, yi uwae ira ti si-yi ira ti aba u sa unju sang-ba atang be.

Yakubu 1:16

Unde iki ā kyaefa-wu ani be ameinja.

Yakubu 1:19

Ameinja-m ti utob uwae-m, ni nung nyinyang, unde titini ā si unde ti ku fxen ira ti kufe, ama awu ā ri-wu ira, ko ti wu tso rinae fife be.

Yakubu 3:1

Ameinja-m, ayi nyang-yi ti ande kuko uwae-ni ā si ande ti ku kwen iken be. Ikyaen ti, ani nung pu ni baa, rikwen ti byag siskeb ta risu ande ti ku kwen iken.

Yakubu 3:11

Isatsub iki ta atang ti ku ten ambyi tinyang ti ambyi rinwaen, ruye ti uwog kinjo a.

Yakubu 3:9

Ti ujae unju wune, ati ku teb rinyi Rimam ti si Itsekuru-ti, u si Itse-ti. Si sí unju wu ti ati ku faen ande kufaen atang, ande ti Rimam kyae ru ijwe-wu.

1 Bitrus 3:9

Ni pae-ni ripab ira titibi be, ni txunmbeb-ni atso be. Ni wae itinyang na ande, nee si iken ti nde Rimam kunn ni ba, awu u wae itinyang na ni ama.