Yakubu 3:1 - Kutsingken Ira Rimam ti Saen Kyag

¹ Ameinja-m, ayi nyang-yi ti ande kuko uwae-ni ā si ande ti ku kwen iken be. Ikyaen ti, ani nung pu ni baa, rikwen ti byag siskeb ta risu ande ti ku kwen iken.

Yakubu 3:1 Iomraidhean Croise

Matiyu 10:24

“Umbae ti ku kwen iken skeb-wu unde ti ku kwen na wu be. Upyi ma skeb-wu itsekuru-wu be.

Matiyu 23:13

“Ayae-ni, ani ande ti kumbub Farisi ti ani ande ti ku kwen na ande ira Icwe. Ani ande ti kufur! Ani cwunnkyi ufu kusog Kujwokwe ti apupwen ayib ande, amaa ani ti risu-ni, i si-yi ti ani u sang-ni be, cwucwo ande ti kwab ti a u sang, ani byang kyi ba fengo.

Matiyu 9:11

Ama kiye ti ande ti kumbub Farisi nung yi, aba rang atugbug Yesu baa, “Iken ti nde titawe unde ti uwe-ni ku ci wuci te ande ti ku mbe aser akwe ti utso ande bane ti ku putsa-ba icwe be si imi?”

Luka 16:2

Ikyaen yine awu kunn unde wu ira u rang wu baa, ‘Afu ku nde-fu rimang nee ame ku fxen ira risu-fu? Tsag te m iken ti afu ku nde te usu-m. Pwen meme iken ti afu wen ti isu ti afu jabci, ikyaen ti, wande-fu mam pu yi.’

Luka 6:37

“Ni pwen-ni ande iki rikwen be, ikyaen ti Rimam ā ru ba pwen-wu ani rikwen ama be. Ni ri mbeb-ni ande iki be, ikyaen ti Rimam ā ri mbeb-wu ani ama be. Ni yata na ande ti ku nde ni ikentitibi ikyaen ti Rimam ama ā yata na ni ikentitibi-ni.

Yohana 3:10

Yesu ri te wu baa, “Afu si undufu tiyang yi Isirela, ama afu nde rimang u nungye-fu ira yine be?

Wande Atom 13:1

Uwae ande na Yesu ti ta Antiyok, ande ti ku ya iski ira Rimam ti ande ti ku kwen iken ta atang. Aba si Barnaba ti Simeyon ti a kunn wu baa Tibyir, ti Lukiyos unde ti uten Kirene, ti Manayen ti a shi wu te Ukwe Herodus te atso, ti Sawulu.

1 Korinti 12:28

Uwae kumbug ande Rimam, Rimam nda unde titini kujwo wande-wu. Awu tsab ariki ti aba na si atom na Yesu Kristi, ariki si ande ti ku ri ira ti awu ku tatso ba, ti ita si ande ti ku kwen iken. Isim yine, awu nda ande iki ku nde iken ti ku fur ayib, u nda ande iki ti aba na nwangru ande ti nae kicaeb. Awu tsab ande ti ku ndeya ande ti rikaen, ti ande ti nung fengo ti a ku ye su ande, ti ande ti ku ri ira ti unju txi txi ti Kusung ti Saen Kyag nda ba ri.

2 Korinti 5:10

Ikyaen ti, uwe ike meme-ti u tsi kang uwe Kristi. Awu u pwen ti rikwen. Unde titini u tu kujwojang-wu uwae wande ti tinyang ko wande titibi ti awu nde uwae utense ike.

Afisa 4:11

Rinyangwae yi ti a ri ira risu-yi ama, awu nda ariki si ande ti atom, ariki ama si ande ti ku ya iskin ira Rimam. Ariki ama ku sa ira-wu tsag te ande. Awu tsab ariki ti a na shi ande na Rimam, ariki ama ikyaen ti a na si ande ti ku kwen iken.

1 Timoti 1:7

Aba ku sha ti a na u si ande ti ku kwen na ande icwe Rimam, amaa, a ku ri ira ti ribom ama u nung-ba imbyi ira yi ti a ku ri te ande be.

1 Timoti 2:7

Ayi si ikyaen ira na Yesu ne, nee a tsab ra m baa, ame na si unde ti atom, ti ame na kwen na ande ti si-ba Mbayawuda be baa, aba na ru uwae kinjo uwae ira ti kubenti na Rimam. Ira ti ame ku ri ne si-yi rifen be, ayi si kubenti.

2 Timoti 1:11

Ayi si ikyaen Ira Tinyang na Yesu né Rimam tsab sa m ti m na si unde ti atom ti unde ti ku kwen iken, ti m na ya iskin Ira Tinyang yi.

Mbaibrane 13:17

Ni nae risu riben na ande ti uwe-ni ti ni nde iken ti aba ku ri, ikyaen ti, aba ku nungkyi ni. Usir ku ba ti Rimam u pwen ba rikwen risu fengo ti aba nungkyi ni. Ikyaen ayine, ni nda ba, ti aba ā nde wande-ba ti utob ti nae riben, si-yi ti unju ti pwen be, ikyaen ti, ayine u ndeya-yi ani be.

Yakubu 1:16

Unde iki ā kyaefa-wu ani be ameinja.

Yakubu 1:19

Ameinja-m ti utob uwae-m, ni nung nyinyang, unde titini ā si unde ti ku fxen ira ti kufe, ama awu ā ri-wu ira, ko ti wu tso rinae fife be.

Yakubu 3:10

Ati ku wae ira na ande ti ujae unju-ti, ama si sí awu ti ati ku faen kufaen atang. Ayi nyang-yi ti ti nde itso iken yine be, ameinja!

1 Bitrus 5:3

Ni si-ni pangma ukwe risu ande ti a pu ba na ni kujwo be, amaa, ni si ande ti ku ceb rifab, ti aba ā putsa afxen-ni.