Yakubu 2:9 - Kutsingken Ira Rimam ti Saen Kyag

⁹ Amaa, asiti afu a ku tso itikata, afu ku nde ikentitibi, rikwen ye pu yi afu, ikyaen ti, afu nyatsa icwe.

Yakubu 2:9 Iomraidhean Croise

Yohana 16:8

Kiye ti awu u ru ba, awu u tatso ande ira ti kubenti ikyaen ti a na nungye iken ti si ikentitibi, ti iken ti si iken ti tinyang uwe Rimam. Aba u ru ba nungye baa, rikwen na Rimam na ru ku ba risu-ba.

Yohana 8:46

Aye uwae-ni ti u cwe tso baa, awu na ye m ti ikentitibi? Unde iki ta-wu be. Asiti ame a ku ri te ni kubenti ama, imi ti nde titawe ani ru-ni uwae kinjo uwae ira-m be?

Yohana 8:9

Ti aba fxen ira yine aba ruye kinjo kinjo sa ti unde ti uwe ru ba tsi ti unde ti ricwunnkyi. Aba ya Yesu ta te unda wu ushi uwog wu. Unda wu tsi si ti kutampwa.

Wande Atom 10:34

Bitrus nwunn ku ri ira baa, “Tine, ame nungye pu m ti ayi si kubenti ti Rimam ku sae-wu ariki skeb ariki be, u ku cwe ira-ba pang atso.

Roma 3:20

Ikyaen ayine, unde u tu-wu risu tinyang uwe Rimam ikyaen icwe ti putsa be. Iken ti icwe ku nde si ti ayi ku tatso unde ikentitibi-wu.

1 Korinti 14:24

Amaa, asiti ande na Yesu meme a ku ri ira Rimam, unde ti ise ko unde ti ru-wu uwae kinjo be a sang ba kutampwa-ba, awu u nungye ikentitibi-wu ikyaen ti awu fxen pu wu ira yi ti aba ri. Ira yi u sang utob-wu.

Galatiya 2:19

Yi fengo Icwe Rimam ame ru ba kafe isim ta yi. Ayi ta-yi te kuko risu-m cwucwo be. Amaa, ayine nde ikyaen ti m ser user yi uwog Rimam.

1 Yohana 3:4

Unde ti a ku nde ikentitibi, awu ku nyatsa icwe, ikyaen ti, unde ti ku nde ikentitibi si unde ti ku putsa-wu icwe Rimam be.

Yawuda 1:15

Awu ku ba ti wu ba pwen meme ande rikwen, u ye ande ti ku nde ikentitibi ikyaen meme kujwo wande titibi ti aba nde, ti ira titibi ti aba ri risu-wu uwae risu ti bom-ba.”