Yakubu 2:8 - Kutsingken Ira Rimam ti Saen Kyag

⁸ Asiti afu a ye su Icwe Kujwokwe Rimam ti a bae uwae Kutsingken Rimam baa, “Ye ure te unde ice-fu pangma ti afu ku ye ure te risu-fu,” afu ku nde iken ti pang atang.

Yakubu 2:8 Iomraidhean Croise

Jona 4:4

Yaweh rang Jona baa, “Ayi nyang ti afu ku tso rinae ikyaen iken yine a.”

Jona 4:9

Yaweh rang Jona baa, “Ayi nyang ti afu ku tso rinae risu kutuku wune a.” Awu cwe baa, “Een. Rinae-m pang atang. Ayi pang pu yi ti m u cwu ikyaen-yi.”

Matiyu 22:39

Ti ifaen-yi si pangma ti kucang, ye ure te unde ice-fu pangma ti afu ye ure te risu-fu!

Matiyu 25:21

“Itsekuru-wu ri te wu baa, ‘Suko ti itikwab, afu upyi-m ti tinyang ti kubenti! Afu nde wande ti kubenti te iken pang ti ame nda fu. Ikyaen yine ame u nda fu iken ti skeb ayine. Sang yi utob titsen ana itse-fu.’

Matiyu 25:23

“Unde ti kununn-wu ri te wu baa, ‘I nyang timambe, upyi-m ti tinyang ti kubenti. Afu kwab pu fu. Afu nde pu fu kubenti risu iken ti kpang ahan, ame u nda fu iken ti skeb ayine. Sang yi utob titsen ana Itsekuru-fu.’

Matiyu 7:12

“Nde na ariki iken ti afu ku sha ti a na nde na fu. Ayine ti si imbyi Icwe Musa ti iken ti kwen na ande ti ku ya iskin ira Rimam.

Roma 13:10

Unde titini ti a ye ure te unde ice-wu, awu u nde-wu unde wu ikentitibi iki be. Asiti unde a ye ure te ande, awu ye su pu wu icwe.

Galatiya 5:14

Ikyaen ti, meme ira ti ta uwae kutsingken na icwe si ira kinjo, “Ye ure te unde ice-fu pangma ti afu ku ye ure ti risu-fu.”

Galatiya 6:2

Ni su ya atso usu na rikaen ti ani ku ngwa. Yi fengo yine ani u kumunn icwe Kristi.

Filipi 4:14

Ko ti ayi si ahan, ayi nyang timambe ti ani cwe u ndeya m uwae rikaen-m.

1 Tesalonika 4:9

Ira risu ure ti ani ande ti si ameinja uwae ira Yesu u ye tetso, Rimam ti risu-wu kwen na pu wu ani ti ni na ye ure tetso. Ayi si-yi ti unde iki u bae na kyi ni ira risu-yi be.

Yakubu 1:25

Amaa unde ti a nùng putsa icwe Rimam ti sisaen, ti si icwe itisaenta, asiti awu a ye utob, u si-wu unde ti ku fxen ku munnji te yi be, ama ku nde wande te yi, awu u tu itinyang kujwo wande-wu.

Yakubu 2:12

Ikyaen yine, ni ri ira-ni, ti ni nde wande-ni, pangma ani na si ande ti a u pwen ba rikwen ti icwe ti a ku saen ande ta.

Yakubu 2:19

Ani ru uwae kinjo baa, Rimam na si kinjo. Ayi nyang timambe! Asung titibi ti risu-yi ru kubenti uwae ira yine ama, ama ku fwer caen caen caen ikyaen na Rimam.

Yakubu 4:11

Ameinja, ni ri-ni ira titibi risu atso be. Unde ti a ri ira titibi risu inja-wu iki, ko awu a ku pwen wu rikwen, awu ku rimbeb icwe Rimam, u ku pwen icwe Rimam rikwen. Amaa, asiti afu a pwen icwe rikwen, afu si-fu unde ti ku putsa icwe be, afu si unde ti ku pwen rikwen.

1 Bitrus 2:9

Amaa, ani si kumbub ande ti Rimam tsab tsi, anyisu ukwe ti si akwen Rimam, kumbukwen ti sisaen, ande ti si ana Rimam. Awu tsab ni tsi ti ni na ya iski wande-wu ti tinyang uwog ande, ikyaen ti, ayi si awu Rimam ti kunn ni ruye uwae kufub ba uwog ti sisaen-wu ti ku fur ayib.