Yakubu 2:5 - Kutsingken Ira Rimam ti Saen Kyag

⁵ Ameinja-m ti utob-m, ni fxen! Ayi si-yi Rimam ti tsabsa ande ti rikaen uwae utense ti aba na si ande ti rifunn yi fengo uwae kinjo-ba be a. Aba u ci-ba rifunn kujwokwe ti wu yer unju te ande ti site ure te wu be a.

Yakubu 2:5 Iomraidhean Croise

Itiruye 20:6

Amaa, ame ku tso ure-m ti tsi kukunn ba uwog ande yang-ba ti site ure te m, ku ye su icwe-m.

Matiyu 11:5

Ande ti mbub ayib ku sae uwog, ande ti pxib afxen ku kyang ikyin, ande ti kicaeb ikum ku tu ijwe ti saen, ande ti tsi atong ku fxen ira, a ku kunn shwur ande ti cwucwu, ande ti rikaen tu ira tinyang ku fxen.

Matiyu 25:34

“Isim ayi awu ukwe wu u ri te aba ti ta kujwo rici-wu baa, ‘Ni ru ba ti ni ba ci rifunn itse-ni ti nde tsika ni, ani ande ti tu risu tinyang uwe Itse-m. Ni ba ti ni ci. Awu kyae iken yine tsika ni ti ti a mam utense wune.

Matiyu 5:3

“Itinyang si ana ande ti saeru risu-ba uwe Rimam, ikyaen ti, Kujwokwe Rimam si pu yi ana-ba.

Markus 7:14

Isim yine Yesu kafe kunn byir kyi ande uwog-wu cwucwo u ri te ba baa, “Ni naa atong meme-ni, ti ni nungye ira yine!

Luka 12:21

Ricwunnkyi-yi Yesu ri baa, “Ayi si ahan ama uwog ande ti ku byir rifunn tsi ikyaen ijwe-ba, amaa, uwog Rimam aba si ande ti rikaen.”

Luka 12:32

“Ni kyen-ni ikyenricwu be, ani iwen-m, ikyaen ti, Itse-ni Rimam ku tsen utob risu Kujwokwe-wu ti awu u nda ni.

Luka 16:22

Usir iki unde ti rikaen wu cwu. Atom Rimam ti apupwen ye ra wu ru ka som te Ibrahim, uwog ukwab ti apupwen. Unde ti rifunn sa cwu ama, a sa wu nji.

Luka 16:25

“Ama Ibrahim ri te wu baa, ‘Uyin-m, tangsom te kiye ti afu som te unyang. Uwae utense Rimam nda tag fu meme iken ti tinyang, ama Lazaru tu itibi. Ama tine awu ku tsen utob-wu ike, afu ama ta uwae rikaen.

Luka 22:29

Tine, pangma ti Itse-m nda m nae ukwe, ame ama u nda ni nae ukwe.

Luka 6:20

Awu txaen pu ayib sae ande ti putsa-wu u ri baa, “Itinyang si ana-ni ani ande ti rikaen, ikyaen ti, Kujwokwe Rimam si ana-ni.

Yohana 7:48

Ani nung ji pu ni unde iki uwae kumbub Farisi ko unde iki uwae-ti ande ti uwe ti ru uwae kinjo uwog-wu a?

Wande Atom 7:2

Stefana ri baa, “Ameinja-m! Abitse-m! Ni naa atong ti ni fxen ira ti ame u ri te ni! Ti kucang kiye ti itse-ti Ibrahim ta uwae uten ti Mesopotamiya, kiye ti awu ba-wu uten Haran khika be, Rimam ba uwog-wu. Rimam ti kuko-wu skeb tag patag ru ba uwog-wu

Roma 8:17

Ti ati si pu ti anyisu Rimam ne, ati u te Kristi ci rifunn kuru Rimam tetso. Asiti ati a te Yesu ngwa rikaen tetso, ati te wu u som uwog ti riyinn tetso ama.

1 Korinti 2:9

Amaa, ayi si pangma ti a bae uwae Kutsingken Rimam ti kucang baa, “Iken ti unde iki nung ji-wu te ayib be, ira ti unde iki fxen ji-wu te atong be, iken ti unde iki kab ji-wu ira risu-yi be ama, ayine ti si iken ti Rimam kyae tsi ikyaen ande ti ye ure te wu.”

2 Korinti 4:15

Iken yine meme si ikyaen-ni. Ti itinyang na Rimam kyang ku ba uwog ande ko ku fufa ru ku fife yi uwe, ande ti u nde na Rimam fxaefa ko ku fufa ru ku fife yi uwe ama. Rimam ku tu kuko atang ama.

2 Korinti 6:10

Ko ti ati ku byir utob, ati ku tsen utob ku kam ashwu ko kiye titini. Ati sae ayib pangma ande ti rikaen, ama ati nda ande yang-ba tu rifunn. Ayi pangma ati na site-ti iken kujwo be, ama ati, uwae kubenti, ati munn ti rifunn.

2 Korinti 8:9

Ani nung pu ni rinyangwae na Itsekuru-ti Yesu Kristi. Ko ti awu site rifunn, awu sa ijwe-wu kafe unde ti rikaen ikyaen-ni, ikyaen ti awu u sa ni kafe ande ti rifunn uwae rikaen ti awu ngwa.

Afisa 1:18

Ame ku jwam wu ama baa, ayib-ni a mbubta, ikyaen ti ani na nungye imbyi iken yi ti ani sa uwae tsi atang, ne awu kunn ni ru ba ikyaen-yi. Ame ku jwam ama baa, ani na u nungye itso rifunn ti kuko ti tsiji ni uwe, ani fa ti ande-wu ti tsitsi.

Afisa 3:8

Ko ti ame fa-m ukwab ti a u sa me myae te upyi na Rimam iki be, Rimam nung m ti ayibrisi u tom me ru yi uwog-ni ande ti si-ni Mbayawuda be, ti ame na tsag te ni ira tinyang risu Kristi awu ti si rifunn ti ititsikunn-yi ta-yi be.

1 Tesalonika 2:12

Ati ri bom ni utob u ri jim-ni utob u fwa ni kusen baa, ani na som itso usom ti som ti pang atang uwe Rimam. Awu ti kunn ni ira ti ni ba sang Kujwokwe-wu u te wu som tetso uwog ti kuko.

2 Tesalonika 1:5

Iken yine ku tso paenine baa, Rimam na ku pwen rikwen-wu ti kubenti. Rikaen ti ani ku ngwa ikyaen Kujwokwe Rimam, ricwunnkyi-yi si ti Rimam u yer rikwen risu-ni baa, ani na pang pu ni ti ni na sang Kujwokwe-wu.

1 Timoti 6:18

Ri te ba ti a na nde wande ti tinyang. Aba ā yata ti wande ti tinyang ā si rifunn-ba. Aba ā ndabta ajwo uwae ure ru ba uwog ande ti tsitsi.

2 Timoti 4:18

Itsekuru u nwangru m uwae ira titibi meme u pu me ru ka sang kuru-wu ti apupwen nyinyang. Kuko ā si ana-wu tsi kunn ike ru fe yi uwe. Ayi ā si ahan.

2 Timoti 4:8

Tine, kujwojang tsi ku ji m, ayi si kubur ukwe ti Itsekuru-ti Kristi, ufwa rikwen ti kubenti u sa bur m usir ti ricwunnkyi. Si-yi nyang ame amam be, amaa, kwer ti meme ande ti tsi utob risu itiba-wu.

Mbaibrane 11:26

Awu sa rikaen ti Kristi ngwa, tsi uwe skeb rifunn uten ti Ejib, ikyaen ti ayib-wu tsi risu kujwojang ti ku ba uwe.

Yakubu 1:12

Itinyang ā si ana unde ti ye utob u som ti uwae kinjo kiye ti itimyae a ba tu wu. Kiye ti awu a ruye uwae rikaen, Rimam u nae wu ukwe, u nda wu unyang ti tsi kukunn ti Rimam yer unju baa, awu na u nda unde ti site ure te wu.

Yakubu 1:16

Unde iki ā kyaefa-wu ani be ameinja.

Yakubu 1:19

Ameinja-m ti utob uwae-m, ni nung nyinyang, unde titini ā si unde ti ku fxen ira ti kufe, ama awu ā ri-wu ira, ko ti wu tso rinae fife be.

Yakubu 1:9

Unde Rimam ti a sae kyikyinn utense ike, awu ā tsen utob, ikyaen ti, uwe Rimam awu site rurob.

1 Bitrus 1:4

baa, ati na u ci rifunn tiyang. Rifunn yine ku ndembeb-yi mbeb be, ku pù-yi rukwēn be, ku fwá mbeb-yi mbeb be. Ayi tsi apupwen ikyaen-ni,

2 Bitrus 1:11

Ani a nde ayine, ufu kusog u mbubta waang ikyaen-ni, sang yi Kujwokwe ti tsi kukunn ti si ana Itsekuru-ti Yesu Kristi Unde ti Nwangru-ti.

Ititatso 2:9

Ame nung pu m rikaen ti afu ku ngwa, te ti afu si unde ti rijang. Amaa, kubenti, afu si unde ti rifunn. Ame nung ira ande ti ku txun mbeb Rimam, ama ku kunn ijwe-ba baa, ande Rimam, ira titibi ti aba ku ri risu-fu, ame fxen tag pu m ayi. Ama aba si-ba ande Rimam ti kubenti be. Aba si kusog Shetann.

Ititatso 21:7

Unde ti a ci rika, awu u ci rifunn itse uwog-m, ame u si Rimam-wu, awu ama u si umbae-m.

Ititatso 3:18

“Tine, kumyae-m si ti, afu na jaeb ayib zinariya uwog-m, zinariya ti a fufug te urwa, ikyaen ti fu kafe unde ti rifunn. Jab atupwa ti tsen ti fu pu cwunnkyi ribam-fu, ikyaen ti ande ā sae-ba rukwae-fu be. Jab acin ti fu kam si ayib-fu, ikyaen ti fu sae uwog paenine.