Yakubu 2:1 - Kutsingken Ira Rimam ti Saen Kyag

¹ Ameinja, ti ani si ande ti ru uwae kinjo uwog Itsekuru-ti Yesu Kristi, awu Itsekuru ti site riyinn, ni kag-ni ande kag be.

Yakubu 2:1 Iomraidhean Croise

Matiyu 22:16

Isim ayine, aba tom ande ti imbyi-ba iki te ariki uwae ande ti isim Herodus ru ka uwog Yesu. Aba ka rang wu baa, “Unde ti uwe, ati nung pu ti baa, afu na si unde ti kubenti ama ku kwen na ande ira Rimam ti kubenti. Afu ku kab-fu rikaen ira ti ande ku kab be, ikyaen ti, afu ku fxen-fu atong risu iken ti unde ku tang baa, awu na si be.

Wande Atom 10:34

Bitrus nwunn ku ri ira baa, “Tine, ame nungye pu m ti ayi si kubenti ti Rimam ku sae-wu ariki skeb ariki be, u ku cwe ira-ba pang atso.

Wande Atom 20:21

Mbayawuda ti ande ti si-ba Mbayawuda be, ame tsi kukunn ku ri te ba baa, aba na ya ikentitibi-ba na ta ti a na ba putsa Rimam, ti a na ru kubenti uwog Itsekuru-ti Yesu.

Wande Atom 24:24

Isim usir kpang, Felis ka ru ba ti uwa-wu Dursila, unda Mbayawuda. Awu ka kunn Bulus ba u naa atong uwae ira ti Bulus ri risu fengo ti unde u ru kubenti uwog Yesu Kristi.

Wande Atom 7:2

Stefana ri baa, “Ameinja-m! Abitse-m! Ni naa atong ti ni fxen ira ti ame u ri te ni! Ti kucang kiye ti itse-ti Ibrahim ta uwae uten ti Mesopotamiya, kiye ti awu ba-wu uten Haran khika be, Rimam ba uwog-wu. Rimam ti kuko-wu skeb tag patag ru ba uwog-wu

Roma 1:11

Ame sha ti m nung kang ayib-ni, ikyaen ti, uwae itiba-m, ani u tu rinyangwae Kusung Rimam, ti u nda ni ribom utob,

1 Korinti 2:8

Ko kinjo uwae abikwe ti site kuko uwae utense ta-wu ti nung ira ben-ayib na Rimam yine be. Á baa, aba na nungye yi, aba ú cwe-ba ti a u ye Itsekuru-ti ti site riyinn patag kwer risu kutuku ti cice be.

Kolosi 1:4

ikyaen ti, ati fxen baa, ani na tsi kukunn ti uwae kinjo uwog Yesu Kristi ku ru ru yi uwe u site ure uwog ande na Rimam meme.

1 Timoti 1:19

Ru kubenti ti utob-fu kinjo rikaen. Nde-fu iken iki ti u nda fu kab ira be. Ariki ta atang ti ku kab-ba ira risu ikentitibi ti aba ku nde be. Ikyaen na yine aba jwunnsi pu ba u ya ira Rimam ta pu ba.

1 Timoti 5:21

Uwe Rimam, ti uwe Yesu Kristi, ti uwe atom Rimam ti sisaen ti ta apupwen, ame ku ri te fu ti ribom baa, nung ira yi ti ame bae ne nyinyang. Uwae itindeya-fu, kag-fu ande kag be, amaa, sa ba pang atso.

Titus 1:1

Kutsingken wune ru uwog-m, Bulus ti si upyi Rimam, u si atom Yesu Kristi ikyaen ande ti Rimam tsitsab, ti m na ndeya ba yi fengo Rimam u kwen na ba ira ti kubenti ti ku ye bom ande yi fengo Rimam,

Titus 2:13

ti ati som ku ji iken ti tinyang nee ati sa utob tsi atang, ti si usir tiyang ti Rimam-ti ti kuko, ti Itsekuru-ti Yesu Kristi unde ti nwangru ti u ba tatso riyinn-ba.

Mbaibrane 1:3

Awu ti ku tatso itisaen riyinn Rimam, u ku tatso itso ti Rimam tsi. Ayi si kpakang ira unju-wu ti ye su utense. Isim ti awu jwosaen ikentitibi ande, awu som kujwokwe Rimam ti skeb titag.

Mbaibrane 12:2

Ti pu ayib cwutsa Yesu ti si ipab ti itikumunn uwae kinjo-ti, awu nung utob ti tsen ti tsi ku ji wu uwe, u ye utob, u cwu ricwu risu kutuku ti cice, u saeru rukwae ti wae yi, u ka som kujwo rici na kutxom ukwe Rimam.

Yakubu 1:16

Unde iki ā kyaefa-wu ani be ameinja.

Yakubu 1:19

Ameinja-m ti utob uwae-m, ni nung nyinyang, unde titini ā si unde ti ku fxen ira ti kufe, ama awu ā ri-wu ira, ko ti wu tso rinae fife be.

Yakubu 2:3

asiti ani a saeru unde ti rikaen, u ri te unde ti sī atupwa ti rinyi baa, “Som uwog ti tinyang wune,” u ri te unde ti rikaen baa, “Afu, ru ka tsi uwe akwen” ko “Som riben ukaen isim iken ti som-m ike,”

Yakubu 2:9

Amaa, asiti afu a ku tso itikata, afu ku nde ikentitibi, rikwen ye pu yi afu, ikyaen ti, afu nyatsa icwe.

Yakubu 3:17

Amaa, ben-ayib ti sī apupwen ba si ti saen kyag. Ayi ku shir kujimshwur ba, u ku nda unde nde wande-wu sku sku, u ku naa kutong ku fxen ira ande nyanyang. Ande ti site yi si ande ti ku nung risi ande, u ku nde na ande iken ti tinyang. Aba si-ba ande ti ku tsab ande tsab be, ko ande ti ku ri unju ifaen be.

2 Bitrus 1:1

Kutsingken wune ru kujwo-m Siman Bitrus, ti si umbaefxen na Yesu Kristi, u si unde ti atom-wu ama. Ame bae ku na ni ande ti ru uwae kinjo uwog Yesu pangma ti ati ru uwae kinjo ama. Uwae kinjo-ti wune si iken ti nyang nyae tsitsa, ikyaen ti, ati tu yi ruye uwae wande ti kubenti na Yesu Kristi, awu ti si Rimam, u si Unde ti Nwangru ti.

Yawuda 1:16

Ande bane si ande ti ku pwen kob unju, ti ku sha nyáng ti a u ye unde te riraen. Aba ku putsa ijaen iken ti ijwe-ba ku sha. Aba si ande ti ku kub unju, ku kag ande ikyaen ti a u tu risu tinyang.

Ititatso 14:12

Ayine si itikunn uwog ande Rimam ti sisaen, aba ti ku ye su icwe Rimam u tsi kukunn ti ku ru uwae kinjo uwog Yesu.