Yakubu 1:9 - Kutsingken Ira Rimam ti Saen Kyag

⁹ Unde Rimam ti a sae kyikyinn utense ike, awu ā tsen utob, ikyaen ti, uwe Rimam awu site rurob.

Yakubu 1:9 Iomraidhean Croise

Luka 1:52

Awu shir ande ti uwe si pu wu riben. Ande ti nae risu riben ama, awu shir ba nwunn pu wu ritsen.

Luka 10:20

Amaa ni tsen-ni utob ikyaen ti rijwen titibi nae risu riben uwog-ni be, ni tsen utob ikyaen ti a bae rinyi-ni kuru Rimam apupwen.”

Luka 14:11

Ikyaen ti, unde titini ti a ku sha ti wu tso risu-wu baa, awu na ko pu wu, a u shir wu si yi riben, ama unde titini ti a nae risu riben, a u nda wu kuko.”

Luka 9:48

Awu ri te ande ti putsa-wu baa, “Unde ti a kyangte umbae uwae rinyi-m awu kyangte pu wu ame ama. Cwucwo unde ti a kyangte m, awu kyangte pu wu unde ti tom me ru ba, ikyaen ti, unde ti yib siskeb uwae-ni si unde ti ko siskeb uwe Rimam.”

Roma 8:17

Ti ati si pu ti anyisu Rimam ne, ati u te Kristi ci rifunn kuru Rimam tetso. Asiti ati a te Yesu ngwa rikaen tetso, ati te wu u som uwog ti riyinn tetso ama.

2 Korinti 6:10

Ko ti ati ku byir utob, ati ku tsen utob ku kam ashwu ko kiye titini. Ati sae ayib pangma ande ti rikaen, ama ati nda ande yang-ba tu rifunn. Ayi pangma ati na site-ti iken kujwo be, ama ati, uwae kubenti, ati munn ti rifunn.

Filipi 3:14

Ame ku kwab ku ru yi uwe uwe ti m ka uwog ti ame pu ayib tsi atang tine, ti m na tu kujwojang-m. Ayi si kujwojang ti Rimam kunn me baa, awu na u nda m apupwen akwen.

Filipi 3:3

Ati ti si ande ti tsen kutxin ti kubenti, ati ande ti ku fen Rimam yi fengo na Kusung-wu. Ati ku ndub ijwe yi Yesu Kristi u sa uwae tsi-ti risu iken na rimenn ijwe be.

1 Bitrus 2:9

Amaa, ani si kumbub ande ti Rimam tsab tsi, anyisu ukwe ti si akwen Rimam, kumbukwen ti sisaen, ande ti si ana Rimam. Awu tsab ni tsi ti ni na ya iski wande-wu ti tinyang uwog ande, ikyaen ti, ayi si awu Rimam ti kunn ni ruye uwae kufub ba uwog ti sisaen-wu ti ku fur ayib.

Ititatso 2:9

Ame nung pu m rikaen ti afu ku ngwa, te ti afu si unde ti rijang. Amaa, kubenti, afu si unde ti rifunn. Ame nung ira ande ti ku txun mbeb Rimam, ama ku kunn ijwe-ba baa, ande Rimam, ira titibi ti aba ku ri risu-fu, ame fxen tag pu m ayi. Ama aba si-ba ande Rimam ti kubenti be. Aba si kusog Shetann.