Yakubu 1:5 - Kutsingken Ira Rimam ti Saen Kyag

⁵ Asiti unde iki uwae-ni a si-wu te ben-ayib be, awu ā jwam Rimam ti ku mbubta ajwo na ande meme, ku fxir-wu unde iki kufxir be, ama awu u nda wu.

Yakubu 1:5 Iomraidhean Croise

Itiruye 31:3

Ame kumunn pu m awu te kusung Rimam, ti itindetu, ti ben-ayib, ti itinungye na meme iken ti ti nde tu ajwo.

Itiruye 31:6

Cwucwo, ame tsab pu m Oholiyab, umbae Ahisamaki, uwae rishi Dan ti wu ndeya Bezalel. Meme ande ti site itsab, ame nda pu m aba ben-ayib itindetu iken ajwo, ti a u nde meme iken ti ame tso fu ti fu na nde,

Matiyu 11:20

Isim yine Yesu bag ku rimbeb uten uwog ti awu nde wande ti ku fur ayib atang, ikyaen ti, aba pyir ti a u kafe isim ta ikentitibi-ba.

Markus 16:14

Isim ayine, ande ti imbyi Yesu rijwe asu kinjo byir ku ci wuci uwog kinjo. Ama Yesu ba tatso risu-wu uwog-ba. Awu fwan ba ira ikyaen ti aba ru-ba uwae kinjo be. Cwucwo, ikyaen ti aba bom pang-ba risu. Ikyaen ti, ko ti ande nung wu ti awu nwunn ti unyang, aba cwe-ba be.

Yohana 14:13

Ama ko iken titini ti ani a jwam yi rinyi-m meme, ame u nde yi ikyaen ti ande na u nda Itse-m kuko ikyaen Umbae-wu.

Yohana 15:7

Asiti ani a ren risu te m u ye su ira-m uwae utob-ni, ani u nde ye ti ni u jwam iken ti ani ku sha meme, ama a u nde yi na ni.

Yohana 4:10

Yesu ri te wu baa, “A baa, afu na nung rinyangwae Rimam ko afu na nung unde wu ti ku jwam fu ambyi ne, afu ú jwam pu fu awu, awu ama u nda fu ambyi ti ku nda unde unyang.”

2 Korinti 2:16

Uwog ande ti ku cwucwu, ira Yesu si kurwa na iken ti cwucwu u ku shir iticwu ba. Amaa, uwog ande ti ku nwangruru, ayi si iken ti ku nung kuyang ti tinyang u ku nda ande unyang tishe. Aye ti u nde tu wande na atom Yesu yine?

Yakubu 1:17

Meme rinyangwae ti tinyang, ti rinda ti nda ti pang atang, ku sī uwog Rimam ba. Awu ti si Ite-ti ti kyae usir ti ishaen apupwen. Awu ku kafe-wu fe pangma kubyi be.

Yakubu 3:17

Amaa, ben-ayib ti sī apupwen ba si ti saen kyag. Ayi ku shir kujimshwur ba, u ku nda unde nde wande-wu sku sku, u ku naa kutong ku fxen ira ande nyanyang. Ande ti site yi si ande ti ku nung risi ande, u ku nde na ande iken ti tinyang. Aba si-ba ande ti ku tsab ande tsab be, ko ande ti ku ri unju ifaen be.

Yakubu 5:16

Ikyaen yine, ni fxirtso ikentitibi-ni te atso, ti ni jwam Rimam na atso ti ni nwangru. Itijwam unde ti som sisaen site kpakang ti yi nde wande.

1 Yohana 3:22

Ama meme iken ti ati a jwam uwog-wu, ati u tu yi, ikyaen ti, ati ku nae risu riben te icwe-wu, u ku nde iken ti ku nyang uwae-wu.