Yakubu 1:22 - Kutsingken Ira Rimam ti Saen Kyag

²² Amaa, ni nde wande te ira ti ani fxen. Ni si-ni ande ti ku fxen fa te atong amam, ku kyaefa risu-ni, be.

Yakubu 1:22 Iomraidhean Croise

Roma 2:13

Ayi si-yi ande ti fxen icwe amam ti tsi sisaen uwe Rimam be. Unde ti a ye su icwe yi, awu ti u nwangru.

Yohana 13:17

Ti ani nung pu ni iken yine, asiti ani a nde wande te yi ani u tsen utob timambe.

Yakubu 4:17

Unde titini ti a nung iken ti tinyang ti ti nde ama u nde-wu ayi be, uwog-wu, ayi si ikentitibi ti awu nde.

1 Yohana 2:3

Iken ti u tso paenine baa, ati na nung Rimam si ti ati a ku ye su Icwe-wu.

Luka 11:28

Yesu ri te wu baa, “Iyee, itinyang si ana ande ti ku fxen ira Rimam u nae risu riben te yi!”

Matiyu 12:50

Ikyaen ayine, ko aye ti ku nde iken ti Itse-m ti apupwen ku sha, awu ti si inja-m, ti mbiya-m, ti iya-m.”

Kolosi 3:17

Uwae iken meme ti ani ku nde, ti uwae ira meme ti ani ku ri, ni nde iken-ni uwae rinyi na Itsekuru-ti Yesu. Yi rinyi-wu ayi ama, ni nde fxaefa na Itse-ti Rimam.

Ititatso 22:7

“Nung! Ame u tsi-m tsi be u ru ba. Itinyang ā si ana unde ti ye su iskin ti ya ira Rimam ti a bae uwae kutsingken wune.”

1 Yohana 3:7

Anyisu ne, unde iki ā kyaefa-wu ani be! Unde ti a ku nde iken ti pang atang, awu si unde ti tinyang, pangma ti Kristi si unde ti tinyang.

Yakubu 1:26

Asiti unde iki a ri baa, awu na si unde ti Rimam, ama ku jwin-wu ira unju-wu jwin be, awu ku kyaefa risu-wu. Itiputsa-wu yi fengo Rimam si ukaen.

Galatiya 6:7

Ni kyaefa-ni risu-ni be. Ayi u nde tu-yi ti unde u kyaefa Rimam be. Iken titini ti unde a tso riben, si ayi ti awu u bunn.

3 Yohana 1:11

Unde ti ure-m, putsa-fu ande ti ku nde wande titibi pangma awune be, amaa, putsa kufxen ande ti ku nde wande ti tinyang. Unde ti a ku nde iken ti tinyang, awu si ana Rimam, unde ti ku nde iken titibi, awu nung ji-wu Rimam khika be.

Galatiya 6:3

Asiti unde iki a ku kab baa, awu na si unde ti kuko, amaa awu a si-wu iken iki be, awu ku kyaefa risu-wu amam.

1 Korinti 6:9

Unde ti ku nde ikentitibi u sang-wu Kujwokwe Rimam be, ani nung-ni ayine be a. Ni kyaefa-ni risu-ni be. Ande ti ku nde wande ti isor, ti ande ti ku fen apxin, ti ande ti ku nae amae, ti arom ti te arom ku nae atso,

Matiyu 28:20

ti ni kwen na ba ti aba ā putsa ira ti ame kwen na ni meme. Ame ama te ni ta tetso ko kiye titini ru ka sang ti usir ti ricwunnkyi.”

1 Yohana 1:8

Asiti ati a ri baa, ati na site-ti ikentitibi be, ati ku kyaefa risu-ti. Kubenti ta-wu uwae-ti be.

Filipi 4:8

Ti ricwunnkyi, ameinja, ni sa utob na iken ti si kubenti ti iken ti site rurob ti iken ti pang atang, ti iken ti sisaen, ti iken ti si ana ure, ti iken ti pang ti a nda yi kuko, ti iken meme ti si iken ti tinyang u pang ti ande u teb yi.

1 Korinti 15:33

Ni cwe-ni ti unde iki ā kyaefa ni uwae ira yine be. A ku ri baa, “Arwan titibi u ndembeb unde ti tinyang.”

Ititatso 12:9

Awu usang ti ricwu titibi, ti si ikentibi wu ti kute, ti a ku kunn wu baa, ukwe kukyaefa, Shetann, awu ti ku kyaefa ande ti utense, a ye ra wu ti atom ti imbyi-wu meme jwunnsi ba utense.

2 Bitrus 2:13

A u ngwa rikaen ti si kujwojang ikentitibi-ba. Aba ku ngwa ku shaen, ku nae atso kyife rishin, ti ayib wurr usirtaen, ku tang baa, aba na ku ci utug utense, ku wae-ba rukwae be. Aba si iken ti ku wae rukwae kutampwa-ni, pangma iken ti ku txi iyib. Aba ku kyaefa ande ku pam upam atang ama ku ci ku ngwa te ni.

Titus 3:3

Kucang ati ama som usom uwae kuskwab u ku fxen-ti ande be. Ati ya fengo ta, u sang uwae kutur, u kafe apyi na iken ti tsotso na rimenn ijwe, ti iken ti utob-ti tsi atang. Ko kiye titini ati ku som usom uwae ira titibi ti ti myae, ti kitsinn ti tsinn. Ande ku sa ti kuka. Ati ama ku sa ariki kuka.

1 Korinti 3:18

Unde iki ā kyaefa-wu ijwe-wu be! Asiti unde iki uwae-ni a ku kab baa, awu na ben ayib uwae iken na utense wune, awu ā sa ben-ayib na utense wune jwunn tika ti wu ā sae risu-wu pangma unde ti kuskwab, ikyaen ti wu ā tu ben-ayib ti kubenti.

2 Timoti 3:13

Amaa ande titibi ti ande ti ku ndub ijwe ku kyaefa ande, ikentitibi-ba u ko ku fufa ru fife yi uwe. Aba u kyaefa ande. Ande u ku kyaefa ba ama.

Yakubu 4:11

Ameinja, ni ri-ni ira titibi risu atso be. Unde ti a ri ira titibi risu inja-wu iki, ko awu a ku pwen wu rikwen, awu ku rimbeb icwe Rimam, u ku pwen icwe Rimam rikwen. Amaa, asiti afu a pwen icwe rikwen, afu si-fu unde ti ku putsa icwe be, afu si unde ti ku pwen rikwen.