Yakubu 1:21 - Kutsingken Ira Rimam ti Saen Kyag

²¹ Ikyaen yine, ni sa ru risu-ni uwae meme iken ti ajib, ti kujwo wande titibi ti shag kyife uwog meme. Ti risu ti nae riben, ni paembe ira ti a sa tso si utob-ni, ti u nwangru tu unyang-ni.

Yakubu 1:21 Iomraidhean Croise

Matiyu 5:5

Itinyang si ana ande ti ku nae risu riben, ikyaen ti, utense u si ana-ba.

Yohana 6:63

I si Kusung Rimam ti ku nda ande unyang ti tsi kukunn. Unde u tu-wu ayi ti ajwo-wu amam be. Ira ti ame ri te ni ne, si ira Kusung, u si ira unyang.

Yohana 6:68

Siman Bitrus ri te wu baa, “Itsekuru-m, Ati u ru ka tu-ti aye? Afu ti site ira ti ku nda ande unyang ti tsi kukunn.

Wande Atom 10:33

Né iken ti nde ame tom ande ka uwog-fu ti ritsen. Itiba-fu ne, nyang timambe. Ati ta ike meme uwe Rimam. Ati som ku ji ti ti fxen ira ti Itsekuru-ti u nda fu ti fu u ri te ti.”

Wande Atom 13:26

“Ameinja-m, ani rishi Ibrahim te ande ti tsitsi ti ku fen Rimam ti ta ike, ira itinwanru yine, a tom yi ba ikyaen-ti meme.

Roma 1:16

Ame ku wae-m rukwae ti m sa ira ti tinyang na Yesu ri te ande be, ikyaen ti, ayi ti si kpakang Rimam ti ku nwangru meme ande ti ru kubenti uwog Yesu Kristi, Mbayawuda te ande ti si ba Mbayawuda be.

Roma 11:17

Unde u ndeye ti wu pye pu akyikya kutuku zetunn ti a yiyen si riben, u sa akyikya na zetunn ti kutur ba yir iben atang. Ani ande ti ise si akyikya zetunn ti kutur wune. Tine ani ku tu kutunn-ni ijwe ipab zetunn wu pangma ti Mbayawuda tu kucang. Itinyang ipab wu si ana-ni ama.

Roma 6:17

Ati fxaefa te Rimam ti ani ande ti si apyi ikentitibi kucang, kafe pu ni ande ti ku nae risu riben na ira Rimam, u sa utob-ni na iken ti kwen-m ti kubenti ti a kwen na ni.

1 Korinti 15:2

Ayi si fengo ira yine nee Rimam ku nwangru ni uwae ikentitibi-ni, asiti ani a tsi kukunn ti ribom uwae ira ti ame ri te ni. Ayi a si-yi ahan be, ani kyangte-ni ira-ti ti uwae kinjo be.

2 Korinti 7:1

Ande-m ti ayib ricwu-m ti Rimam yer unju yine meme te ti, ame ku jwam baa, ti na jwo saen ijwe-ti. Iken meme ti ku nda ijwe-ti ko utob-ti kafe iken ti ku txi iyib uwe Rimam, ti yi ta. Ti kwab ti ti si ande ti sisaen uwe Rimam ti ti som usom-ti uwae ikyenricwu-wu.

Afisa 1:13

Ama ani ti si-ni Mbayawuda be fxen pu ni ira ti tinyang risu itinwangru-ni ama. Ti ani fxen ira ti kubenti yine, ani ru uwae kinjo uwae-yi. Rimam taen ni awaen uwe yi fengo na Kusung ti Saen kyag ti awu sa sang utob-ni, nee awu yer unju risu-wu ti kucang.

Afisa 4:22

Ikyaen yine, ni fxae ira ti kab yi ti nda ni som usom na ikentitibi kute. Usom ti som-ni ti kucang kafe titibi ikyaen iken na ijwe ti kyaefa ni, ani sa uwae tsi atang.

Afisa 4:25

Ikyaen yine, ni wer-ni rifen cwucwo be. Unde titini ā ri ira ti kubenti te inja-wu, ikyaen ti, meme-ti si iken kinjo uwae itiren-ti ti Kristi, pangma akyab na rimenn kinjo.

Afisa 5:4

Ni ri-ni ira ti si ira ti ku wae rukwae be, ko ira ti kuskwab, ko ira ti ku nda ande kab ira risu ikentitibi. Iken ti nyang skeb si ti ni nde fxaefa na Rimam.

1 Tesalonika 1:5

Ikyaen ti, kiye ti ati sa Ira ti tinyang ba na ni, ayi si-yi ira unju-ti ti ukaen amam ti ru ba uwog-ni be. Ira ti ani fxen uwog-ti si te kpakang. Kusung Rimam nde wande te yi, u sa yi sang fe yi utob-ni. Ani ti risu-ni nung pu ni itso usom ti ati som kiye ti ati te ni ta tetso.

1 Tesalonika 2:13

Ati tsikunn ku nde na Rimam fxaefa ama ikyaen ti, kiye ti ani fxen Ira Rimam ti ati ri te ni, ani kyangte yi baa, ayi na si ira ti ru uwog Rimam ba, i si-yi ira unde iki be. Kubenti, ira yi si Ira na Rimam ara kuben. Ayi ku nde wande uwae utob-ni, ani ande ti ru uwae kinjo atang.

Titus 2:11

Ikyaen ti, ayibrisi Rimam mbubta na ti ayib u nde fengo ti ande meme na nwangru.

Mbaibrane 12:1

Somtsa yi uwae kinjo ande bane ti pakob ti ti rikob, ti tur meme iken ti ku rob ti ijwe tika. Ti fxae ikentitibi ti ku shir ti ti isim. Ti ti ru yi uwe uwae inyae ti ter, ti utob ti ye ka sang ricwunnkyi.

Mbaibrane 2:3

Ati u nwang rimang asiti ati a saeru rurob itinwangru wune? Ti kucang-yi, Itsekuru-ti tsag ira yi, ama ande ti fxen yi sa yi tsag te ti baa, ira yi na si kubenti.

Mbaibrane 4:2

Ira tinyang ba uwog-ti pangma ti ayi ka uwog-ba. Amaa, ira yi ti aba fxen ndeya-yi aba be, ikyaen ti, a paenmbe-ba ira yi ti a fxen te uwae kinjo be.”

Yakubu 4:8

Ni ko ra ba fer Rimam, awu ama u ko ra ba fer ni. Ani ande ti ku nde ikentitibi, ni ya ikentitibi ti ti nde ta. Ni jwo saen utob-ni, ani ande ti uwae ifaen.

Yakubu 5:20

ni nung nyinyang baa, unde titini ti a ka tae unde ti ku nde ikentitibi ti ku jwujwe, kafe ba ti uwog Rimam, awu nwangru pu wu unyang unde wu uwae iticwu, ama u burkyi pu wu ikentitibi yang-yi.

1 Bitrus 1:22

Tine ani nae pu ni risu riben te ira Rimam ti kubenti, u jwosaen pu ni utob-ni, u site ure ti kubenti na ameinja. Ikyaen yine, ni ye ure te atso ti utob-ni meme,

1 Bitrus 1:9

Ricwunnkyi-yi, ani u tu iken ti ani sa uwae tsi risu-yi, ti si itinwangru unyang-ni.

1 Bitrus 2:1

Ikyaen yine, ni sa ruye risu-ni uwae meme ira titibi, rifen ti yer, kukyaefa, kufur ti fur, kutsinn ti tsinn, kutsag ti tsag,

1 Bitrus 2:11

Ame ku ri te ni ande ti ure-m, ani ti si rikyen utense ike, u si-ni ande ti uten be, ni nwaen ru risu-ni uwae ijaen rimenn ijwe ti ku mbub rika te unyang-ni.