Yakubu 1:19 - Kutsingken Ira Rimam ti Saen Kyag

¹⁹ Ameinja-m ti utob uwae-m, ni nung nyinyang, unde titini ā si unde ti ku fxen ira ti kufe, ama awu ā ri-wu ira, ko ti wu tso rinae fife be.

Yakubu 1:19 Iomraidhean Croise

Nehemiya 8:18

Ti usirsir sa ti usir ti tawe na ukwab yi ba usir ti ricwunnkyi-yi, aba nung putsa icwe Rimam. Aba ci, u ngwa, u shwu uwae usir itsongfaen ama usir ti itsongta, a nde úfunn tiyang pangma ti icwe ri.

Nehemiya 9:17

A pyir ti a u nae risu riben na fu, Aba tangsom-ba te iken ti ku fur ayib ti afu nde uwog-ba be. Aba bom risu u tsi ukub te fu. Aba tsab unde ti uwe ti wu na pu ba kafe ru ti usom upyi yi Ejib. Amaa, afu si Rimam ti ku yata na ande. Afu si Rimam ti tinyang ti site ayibrisi timambe. Afu ku tso-fu rinae ti kufe be. Ure-fu, ititsikunn-yi ta-yi be. Ikyaen ayine afu ya ba ta-fu be.

Nehemiya 9:3

Ayi sa ba áwa ita ti a nung putsa icwe na Yaweh Rimam-ba, ama yi uwae áwa ita cwucwo a sa ku fxir ikentitibi-ba ama ku fen Yaweh Rimam-ba.

Matiyu 5:22

Amaa, ame ku ri te ni, unde ti a tso rinae amam te inja-wu, a u pwen wu rikwen. Unde ti a txun inja-wu asu, a u pwen wu rikwen uwe andufu. Unde ti a kunn inja-wu baa, kuskwab, a u pwen wu rikwen ti awu u sang urwa.”

Markus 12:37

Awu ku kunn Unde wu ti Rimam Tsab Tsi baa, awu na si Itsekuru-wu. Asiti Unde wu ti Rimam Tsab Tsi a si itsekuru na Dawuda, ayi u nde rimang itawe awu u ba kafe umbae Dawuda cwucwo?” Ande yang-ba ti byir atang fxen ira Yesu ne ti utob ti tsen.

Markus 2:2

Ama ande yang akwen ru ba byir uwog-wu. Uwog fer. Uwog ta-wu ti ande u som atang be. Ufenkyi ama munnkyi te ande. Ama Yesu ku ri te ba ira Rimam.

Luka 15:1

Usir iki ande ti ku mbe aser akwe, ti ande ti ku putsa-ba icwe be ru ba uwog Yesu ti a u fxen ira-wu.

Luka 19:48

amaa aba tu-ba riyae ti a ye wu be, ikyaen ti, meme ande som kunn ku fxen wu. Meme-ba ku sha ti a u fxen tag ira yi ti awu ku ri.

Wande Atom 1:15

Kiye iki, ti ande na Yesu iki ka mae ande itsongnjo funn atso uwog iki, Bitrus fa sunwunn ritsen kutampwa-ba u ya iskin baa,

Wande Atom 10:33

Né iken ti nde ame tom ande ka uwog-fu ti ritsen. Itiba-fu ne, nyang timambe. Ati ta ike meme uwe Rimam. Ati som ku ji ti ti fxen ira ti Itsekuru-ti u nda fu ti fu u ri te ti.”

Wande Atom 13:48

Kiye yi ti ande ti si-ba Mbayawuda be fxen ira na Bulus yine, aba tsen utob, ku ri baa, ira Rimam na nyang timambe. Ama ariki uwae-ba ru uwae kinjo, aba ti Rimam tsab pu wu aba ikyaen ti a tu unyang ti tsi kukunn.

Wande Atom 17:11

Ande ba ti ta atang, a naa atong ira ti aba Bulus ri skeb pu ba ande ti Tesalonika. Aba kyangte ira yi ti utob kinjo. Ti usirsir aba ku putsa ira ti ta uwae Kutsingken Rimam, ku myae baa, ira yi ti Bulus ku ri si kubenti bara.

Wande Atom 2:42

Ko kiye titini ande na Yesu sa utob-ba tsi uwae iken ti ande ti atom ku kwen na ba, u ku funn atso ko kiye titini. Aba ku ci wuci tetso, ku jwam Rimam tetso. Meme iken yine a nde yi uwae ure.

Afisa 4:26

Asiti rinae a ye fu, cwe na-fu ayi ti yi nda fu nde ikentitibi be. Tso-fu rinae pu usir te be.

Afisa 4:31

Ande ti ku fab uwae, u ku tso rinae, u ku fwan kibyag tetso ā fxae yi! Ni byag-ni kibyag te atso cwucwo be, ti ni txun-ni atso asu cwucwo be! Ni sa-ni atso kuka cwucwo be!

Kolosi 3:15

Ni ya ta ti kujimshwur na Kristi ā nae ukwe uwae utob-ni. I si ikyaen kujimshwur wune nee Rimam kunn byir ni ti ni si kumbub kinjo. Ni nde fxaefa na wu ama.

Kolosi 3:8

Amaa tine, ame ku fwa ni kusen baa, ni sa risu-ni ruye uwae meme iken yine. Ni ya rinae ti utob ti byag ta! Ni sa-ni ande iki tsi uwae be. Ni txun-ni ande iki asu be. Ni ri-ni ira ti ku txi iyib be.

1 Tesalonika 2:13

Ati tsikunn ku nde na Rimam fxaefa ama ikyaen ti, kiye ti ani fxen Ira Rimam ti ati ri te ni, ani kyangte yi baa, ayi na si ira ti ru uwog Rimam ba, i si-yi ira unde iki be. Kubenti, ira yi si Ira na Rimam ara kuben. Ayi ku nde wande uwae utob-ni, ani ande ti ru uwae kinjo atang.

Yakubu 1:16

Unde iki ā kyaefa-wu ani be ameinja.

Yakubu 1:2

Ameinja, asiti rikaen ti tsotso a tu ni, ni tsen utob!

Yakubu 1:26

Asiti unde iki a ri baa, awu na si unde ti Rimam, ama ku jwin-wu ira unju-wu jwin be, awu ku kyaefa risu-wu. Itiputsa-wu yi fengo Rimam si ukaen.

Yakubu 2:1

Ameinja, ti ani si ande ti ru uwae kinjo uwog Itsekuru-ti Yesu Kristi, awu Itsekuru ti site riyinn, ni kag-ni ande kag be.

Yakubu 2:5

Ameinja-m ti utob-m, ni fxen! Ayi si-yi Rimam ti tsabsa ande ti rikaen uwae utense ti aba na si ande ti rifunn yi fengo uwae kinjo-ba be a. Aba u ci-ba rifunn kujwokwe ti wu yer unju te ande ti site ure te wu be a.

Yakubu 3:10

Ati ku wae ira na ande ti ujae unju-ti, ama si sí awu ti ati ku faen kufaen atang. Ayi nyang-yi ti ti nde itso iken yine be, ameinja!

Yakubu 4:11

Ameinja, ni ri-ni ira titibi risu atso be. Unde ti a ri ira titibi risu inja-wu iki, ko awu a ku pwen wu rikwen, awu ku rimbeb icwe Rimam, u ku pwen icwe Rimam rikwen. Amaa, asiti afu a pwen icwe rikwen, afu si-fu unde ti ku putsa icwe be, afu si unde ti ku pwen rikwen.

Yakubu 5:12

Iken ti skeb meme ameinja si ti, ni ben-ni uben be. Ni ben-ni apupwen ko riben, ko iken iki be. Ira ti ani a cwe, ni cwe kukunn. Ira ti ani a pyir ama, ni pyir kukunn, be Rimam u pwen ni rikwen.

Yakubu 5:19

Ameinja, asiti unde iki uwae-ni a jwe u ya fengo ti kubenti ta, ama unde iki a pu wu kafe ba,

1 Yohana 2:21

Ame bae ku na ni, si-yi ikyaen ti ani na nung-ni kubenti be, be, amaa, ikyaen ti, ani nung yi, u nung pu ni ben ben baa, itikong na si-yi kubenti be.