Yakubu 1:17 - Kutsingken Ira Rimam ti Saen Kyag

¹⁷ Meme rinyangwae ti tinyang, ti rinda ti nda ti pang atang, ku sī uwog Rimam ba. Awu ti si Ite-ti ti kyae usir ti ishaen apupwen. Awu ku kafe-wu fe pangma kubyi be.

Yakubu 1:17 Iomraidhean Croise

Kucangtsi 41:16

Yusufu ri te Ukwe baa, “Ame ku tsag tu-m imbyi kurwa be, amaa Rimam ti u tsag tan imbyi kurwa Ukwe na wu.”

Matiyu 7:11

Asiti ani ande ti ku nde ikentitibi a ku pu iken ti tinyang na anyisu-ni, Itse-ni ti ta apupwen ama re? Asiti ande a jwam iken uwog-wu, awu u nde na-wu aba be a.

Luka 11:13

Asiti ani ande ti ku tang ira ti titibi a ku pu na anyisu-ni iken ti tinyang, Itse-ti ti ta apupwen ama re? Awu u tom kang Kusung-wu si ba-wu risu ande ti jwam wu be a.”

Yohana 1:9

Kiye wu, Uwog ti Saen Kyag ti kubenti sang ku ba yi uwae utense. Awu ti ku ci ku jaen wurwur risu ande meme.

Yohana 3:27

Yohana ri te ba baa, “Unde u tu-wu iken iki be, se ti Rimam a nda wu.

Yohana 3:3

Yesu ri te wu baa, “Ame ku ri te fu kubenti, unde ta-wu ti awu u sang Kujwokwe Rimam be, se iken ti a mbae shem pu ba awu tawe.”

Yohana 8:12

Yesu ri te ande ti kumbub Farisi cwucwo baa, “Ame si uwog ti saen na utense, ko aye ti a putsa m u kyang-wu ikyin uwae kufub be. Ame u nda wu nung uwog paenine, u tu unyang.”

Wande Atom 11:18

Ira Bitrus sang utob-ba, a ya ishaen ti shaen ta. Aba ku teb rinyi Rimam, a ku ri baa, “Rimam nda pu wu ande ti si-ba Mbayawuda be ama fengo ti a ya ikentitibi-ba ta u ba tu unyang ti tsi kukunn!”

Wande Atom 5:31

Rimam sa wu tso yi kujwo rici-wu apupwen ti wu na si unde ti uwe, u si unde ti nwangru ande. Awu nde ayine ikyaen ti ande ti Isirela na ā tu riyae ti a na ya ikentitibi-ba ta, ti a na kafe ba uwog Rimam ti wu na ya ta na ba.

Roma 6:23

Kujwojang ikentitibi si iticwu, amaa, rinyangwae Rimam si unyang ti tsi yiyer yi uwog Itsekuru-ti Yesu Kristi.

1 Korinti 4:7

Afu unde ti ku tang baa, afu na skeb ande ti tsitsi, afu si aye? Uwae iken meme ti afu site, iken iki ta atang ti afu mbe-fu ayi uwog Rimam be a. Mbaa, a pu yi pu na fu re, afu nde rimang ku ndub ijwe atang pangma afu ti na kyae yi te ajwo-fu?

2 Korinti 4:6

Ti kute, Rimam ri baa, “Uwog ti paenine ā ruye uwae kufub.” Si sí awu ti nda pu wu ati uwog ti sisaen uwae riyaen utob-ti, ikyaen ti ati ama na u tso ande ti tsitsi kuko ti riyinn ti awu site, ayi kuko ti riyinn ti a ku nung yi kutxuwe Yesu Kristi.

Afisa 1:18

Ame ku jwam wu ama baa, ayib-ni a mbubta, ikyaen ti ani na nungye imbyi iken yi ti ani sa uwae tsi atang, ne awu kunn ni ru ba ikyaen-yi. Ame ku jwam ama baa, ani na u nungye itso rifunn ti kuko ti tsiji ni uwe, ani fa ti ande-wu ti tsitsi.

Afisa 2:8

I si ikyaen rinyangwae na Rimam ti ani nwangru kiye ti ani ru uwae kinjo uwog na Yesu Kristi. I si-yi ikyaen itikwab-ni ti ani nde be, ayi si iken ti Rimam nde na ni ti rinyangwae.

Filipi 1:29

Ikyaen ti, pangma ti Rimam cwe na ni baa, ani na ru uwae kinjo uwog Yesu Kristi, awu ama cwe na ni baa, ani na u ngwa rikaen ikyaen-wu ama.

1 Timoti 6:16

Awu kinjo-wu amam ti ku cwu-wu cwu be. Awu ti som uwog ti sisaen, uwog ti unde iki u ka fob-wu atang be. Awu ti unde iki ta-wu ti nung wu ti ayib be. Awu ti unde iki u nung tu-wu awu te ayib be ama. Kuko ā si ana-wu. Kujwokwe-wu ā tsi kukunn ru fe yi uwe! Ayi ā si ahan!

Mbaibrane 13:8

Yesu Kristi, si si awu ti ire, u si ti yaka, u tsi kukunn ru fife yi uwe.

Yakubu 1:5

Asiti unde iki uwae-ni a si-wu te ben-ayib be, awu ā jwam Rimam ti ku mbubta ajwo na ande meme, ku fxir-wu unde iki kufxir be, ama awu u nda wu.

Yakubu 3:15

Itso ben-ayib yine sī-yi apupwen ba be, ayi si ana utense, Kusung Rimam ta-yi atang be. Ayi si ana Shetann.

Yakubu 3:17

Amaa, ben-ayib ti sī apupwen ba si ti saen kyag. Ayi ku shir kujimshwur ba, u ku nda unde nde wande-wu sku sku, u ku naa kutong ku fxen ira ande nyanyang. Ande ti site yi si ande ti ku nung risi ande, u ku nde na ande iken ti tinyang. Aba si-ba ande ti ku tsab ande tsab be, ko ande ti ku ri unju ifaen be.

1 Yohana 1:5

Ira ti ati fxen uwog-wu, u ku tsag ku te ni si ti, Rimam si uwog ti saen, uwog-wu, kufub ta-yi atang be.

1 Yohana 4:10

Ure ti kubenti ta re. Ayi si-yi ti ati ti bag u ye ure te Rimam be, amaa, awu ti ye ure te ti, u tom Umbae-wu ba ti wu na si fengo ti ti na u tu itiyata na ikentitibi-ti.

Ititatso 21:23

Uka wu ku sha-wu uwog ti saen na usir ko ushaen be, ikyaen ti, riyinn na Rimam nda wu saen paenine. Mbae Utam wu ama ti si fitila uka wu.

Ititatso 22:5

Utitang u ta-wu atang cwucwo be. Aba u sha-ba urwa fitila ko ana usir cwucwo be, ikyaen ti, Itsekuru-ti Rimam ti u si urwa-ba. Aba u som usom ukwe ti ititsikunn-yi ta-yi be.