Yakubu 1:12 - Kutsingken Ira Rimam ti Saen Kyag

¹² Itinyang ā si ana unde ti ye utob u som ti uwae kinjo kiye ti itimyae a ba tu wu. Kiye ti awu a ruye uwae rikaen, Rimam u nae wu ukwe, u nda wu unyang ti tsi kukunn ti Rimam yer unju baa, awu na u nda unde ti site ure te wu.

Yakubu 1:12 Iomraidhean Croise

Kucangtsi 22:1

Isim yine, Rimam myae Ibrahim kumyae. Awu kunn wu baa, “Ibrahim.” Ibrahim cwe baa, “Eén.”

Nehemiya 1:5

Ame tong unju uwog Rimam baa, “Yaweh Rimam ti ta apupwen, afu ta te kuko, ama ku nda ande ikyenricwu. Afu tsi kukunn ti ku kumunn unju ti yer-fu te ande ti ye ure te fu u ku nae risu riben na fu.

Itiruye 20:6

Amaa, ame ku tso ure-m ti tsi kukunn ba uwog ande yang-ba ti site ure te m, ku ye su icwe-m.

Matiyu 10:22

Ande meme u sa ni kuka ikyaen-m. Amaa, unde ti a tsi ti kubenti ru ba sang usir ti ricwunnkyi, awu u nwangru.

Matiyu 25:34

“Isim ayi awu ukwe wu u ri te aba ti ta kujwo rici-wu baa, ‘Ni ru ba ti ni ba ci rifunn itse-ni ti nde tsika ni, ani ande ti tu risu tinyang uwe Itse-m. Ni ba ti ni ci. Awu kyae iken yine tsika ni ti ti a mam utense wune.

Luka 6:22

Itinyang si ana-ni, ani ande ti ande ku sa ni kuka, u ku txi ni txi, ku txun ni asu, ku ri baa, ani na nyang-ni be ikyaen risu Umbae Unde.

Roma 5:4

Utob ti ye wune ku nda ti tu utob ti kpang atang uwe Rimam. Ti ati site utob ti kpang atang uwe Rimam ama, ayine ku nda ti sa uwae tsi uwog Rimam.

Roma 8:28

Ati nung pu ti baa, uwog ande ti site ure te Rimam, meme iken ti ku nde, ku sa tinyang ba na ande ti awu kunn ba uwae kumyae ti ana-wu.

1 Korinti 2:9

Amaa, ayi si pangma ti a bae uwae Kutsingken Rimam ti kucang baa, “Iken ti unde iki nung ji-wu te ayib be, ira ti unde iki fxen ji-wu te atong be, iken ti unde iki kab ji-wu ira risu-yi be ama, ayine ti si iken ti Rimam kyae tsi ikyaen ande ti ye ure te wu.”

1 Korinti 8:3

Amaa, ayi si unde ti ye ure te Rimam ti Rimam ku nung wu baa, awu na si unde ti ana-wu.

1 Korinti 9:25

Unde ti ku ter inyae te ariki, awu ku tsi ting ting uwae iken ti a kwen na wu. Rinyangwae ti aba sa utob tsi atang tsikunn-yi kunn be. Amaa, rinyangwae ti ati sa utob tsi atang ti ti u mbe si iken ti tsi kukunn.

2 Timoti 2:15

Kwab ti tu risu tinyang uwe Rimam, u si unde ti wande ti ku wae-wu rukwae risu wande-wu be, ku kwen na ande ira Rimam ti kubenti yi fengo ti pang atang.

2 Timoti 4:8

Tine, kujwojang tsi ku ji m, ayi si kubur ukwe ti Itsekuru-ti Kristi, ufwa rikwen ti kubenti u sa bur m usir ti ricwunnkyi. Si-yi nyang ame amam be, amaa, kwer ti meme ande ti tsi utob risu itiba-wu.

Mbaibrane 10:32

Ni tangsom te iken ti nde uwae kiye ti wur ruru ti ani bag ku nungye ira Rimam. Ani kwab, u ye utob uwae rikaen u som kunn ti kubenti.

Mbaibrane 11:17

Ikyaen uwae kinjo, kiye ti a myae Ibrahim kumyae, awu Ibrahim ti Rimam yer unju te wu, cwe ti wu sa umbae-wu Ishaku ti si kum awu, yerwen na Rimam.

Mbaibrane 12:5

Ani munnji pu ni ira ti Rimam ri a? Awu ri kpag ni utob u kunn ni baa, anyisu-wu. A bae uwae kutsingken baa, “Umbae-m, asiti Itsekuru a byinn fu kimbab, sa utob-fu tsi atang. Awu a shir fu kutong, yer-fu anying utob be.

Mbaibrane 6:15

Ibrahim ye utob u somji kiye ti iken yi u nde. Ama Rimam kumunn unju ti yer-wu.

Yakubu 2:5

Ameinja-m ti utob-m, ni fxen! Ayi si-yi Rimam ti tsabsa ande ti rikaen uwae utense ti aba na si ande ti rifunn yi fengo uwae kinjo-ba be a. Aba u ci-ba rifunn kujwokwe ti wu yer unju te ande ti site ure te wu be a.

Yakubu 5:11

Nung, ande ti som ti kpag utob ka usir ti ricwunnkyi, ati ku ri baa, ana-ba nyang. Ani fxen pu ni ira risu utob ti ye na Yuba, u nung pu ni ira ti myae Itsekuru risu-wu, ti itso ti Rimam tso wu ayibrisi ti rinyangwae-wu.

1 Bitrus 3:14

Amaa ko asiti ani a ku ngwa rikaen ikyaen usom ti pang atang, ti itinyang si ana-ni. Ni kyen-ni ikyenricwu-ba be, u ndembeb-ni utob be.

1 Bitrus 4:13

Ni kam ashwu ikyaen ti ani ku ngwa rikaen pangma ti Kristi ngwa. Ama kiye ti awu a kafe ba uwae riyinn-wu, ani u tsen utob u pam ipam.

1 Bitrus 4:14

Asiti a txun ni asu ikyaen na rinyi Kristi, ti tinyang si ana-ni, ikyaen ti, Kusung Rimam, ti si Kusung na riyinn, ta risu-ni.

1 Bitrus 5:10

Ama, isim ti ani a ngwa rikaen uwae kiye ti kpang, Rimam, Ukwe Ayibrisi, awu ti kunn ni ba yi riyinn-wu ti tsi kukunn uwog Kristi, awu ti risu-wu ti u kyaenyang ni, u nda ni kpakang, u ye ni tsitsa risu kutxom ti ku kyi-wu kyi be.

1 Bitrus 5:4

Ama, kiye ti Unde ti Uwe na ande ti ku shi iken a ka ru ba, ani u tu kubur ukwe, ti pangma ana ukwe ti kuko ti rinyang-wu ku fwa-wu fwa be.

1 Yohana 4:19

Ati ku ye ure te ande ikyaen ti, Rimam tawe ye ure te ti.

Ititatso 2:10

Kyen-fu ikyenricwu rikaen ti u tu fu uwe ike be. Kubenti, Shetann ku kwab ti wu pu ariki uwae-ni kaa cwunnkyi pursuna, ikyaen ti a u myae ni myae. Ani u ngwa rikaen ka usir rijwe. Uwae kubenti-ni, ni cwe iticwu, ame ama u nda ni kubur unyang ti tsikukunn.”

Ititatso 3:19

Ande ti ame ye ure te ba, si aba ti ame ku fwan ba kibyag, ku byinn ba kimbab. Ikyaen yine, sa uwae-fu tsi ira-m ne, ti fu kafe isim ta ikentitibi-fu.

Ititatso 3:21

Unde ti a ci rika, ame u cwe na wu ti wu som te m kutxomkwe-m, pangma ti ame ci rika u som te Itse-m kutxomkwe-wu.”