Yakubu 1:10 - Kutsingken Ira Rimam ti Saen Kyag

¹⁰ Unde ti rifunn ama ā tsen utob uwae rikaen ti tu wu ikyaen ti, pangma ajwug irum, awu u wàen sī sī.

Yakubu 1:10 Iomraidhean Croise

Matiyu 5:3

“Itinyang si ana ande ti saeru risu-ba uwe Rimam, ikyaen ti, Kujwokwe Rimam si pu yi ana-ba.

Matiyu 6:30

Ama asiti Rimam a ku pu atupwa si irum ti ku tsi-yi tsi be u wom cwu, awu u sha atupwa ti siskeb na-wu ani be a. Ani kyang rimang ru-ni uwae kinjo uwog-wu be?

1 Korinti 7:31

Ande ti ku nde wande te iken na utense ā som pangma utob-ba na ta-yi ijwe iken yi be. Ikyaen ti, utense wune u tsi ka-wu uwe cwucwo be.

Filipi 3:8

Ayi si-yi iken yine amam be. Iken meme pab ti ame site yi, ame pwen yi baa, ayi na si iken ti ukaen ikyaen ti, ayi nyang skeb tag ti m nung Yesu Kristi Itsekuru-m. Ame ya iken meme ta ikyaen ti m tu Yesu. Iken na ijwe yine, ame sa yi tsi pangma iken ti isor ikyaen ti ame na u tu Kristi,

1 Timoti 6:17

Ri tan ande ti rifunn atong baa, aba na ndub-ba ijwe be, aba na sa uwae tsi-ba risu rifunn ti ku mumam be, amaa a sa uwae tsi uwog Rimam, awu ti sa iken meme yaen si ti ikyaen ti ati na tsen utob atang.

Yakubu 4:14

amaa, ani nung-ni iken ti u nde ucwe be, ikyaen ti, unyang-ni si pangma imenn ti ku sur uwae kiye pang, u fwer ru.

1 Bitrus 1:24

Pangma ti a bae uwae kutsingken baa, “Meme ande si pangma irum kutur. Meme rinyang-ba si pangma ajwug irum, Irum ku myae jwoo, u waen ru.

1 Yohana 2:17

Utense ti meme iken ti ku taen ayib ti ta uwae-yi, nyae ku tsitsa, amaa, unde ti ku nde iken ti Rimam ku sha, awu u som kukunn.