Yakubu 1:1 - Kutsingken Ira Rimam ti Saen Kyag

¹ Ame Yakubu, upyi Rimam ti ana Itsekuru-ti Yesu Kristi, ku nde na ni usuko, ani ande ti Yawudiya kumyaem rijwe asu ifaen ti shag kyi fe utense meme.

Yakubu 1:1 Iomraidhean Croise

Esita 3:8

Tiri Haman ri te ukwe Ahasuweru baa, “Utso ande ba iki shag kyife uwae uten uten yi ti afu nae ukwe risu-yi ne, aba kag ra ijwe-ba tsi txi. Icwe-ba txi ra te icwe ande ti tsitsi ti ta uwae uten-fu ike. Aba ku ye su-ba icwe ti ukwe nda be. Aba fa-ba kwab ti ukwe u ya ba ta ti a som uwae uten-wu be.

Itiruye 24:4

Ama Musa bae meme ira yi ti Yaweh ri. Awu nwunn ti kiskinn fifae, u mbye kuta yi imbyi rikwen atang. Awu pu atxom rijwe asu ifaen, kob risu kumbub anyisu Isirela, u pu sim atang.

Itiruye 28:21

Atxom yi si kutunn unju anyisu Isirela rijwe asu ifaen. Rinyi utso-ba u bae rutsa ijwe kutxom wu.

Itiruye 39:14

Ama a bae rinyi utso Isirela rijwe asu ifaen rutsa atxom rijwe asu ifaen yi ti tsi kutunn unju-ba. A kyag rinyi itso Isirela rijwe asu ifaen ba rutsa ijwe atxom yi pangma iken ti a kyag ama sur awaen rutsa ijwe-yi.

Matiyu 10:3

Filip ti Bartolomu; Toma ti Matiyu, unde ti ku mbe aser akwe; Yakubu umbae Alifas, ti Tadeyus;

Matiyu 13:55

Awu si-wu umbae kafinta wu be a. Si-yi umbae ti rinyi iya-wu baa Mberimu be a? Aba Yakubu ti Yusufu ti Siman ti Yawuda si-ba ameinja-wu be a?

Matiyu 19:28

Yesu ri te ba baa, “Kubenti ti ame ku ri te ni, kiye ti a u kafe utense tishe, Umbae Unde u som tsa iken ti som na Ukwe-wu, ani ande-m rijwe asu ifaen ne u som tsa iken ti som na akwe ama. Ani u pwen rikwen risu rishi anyisu Isirela rijwe asu ifaen.

Markus 3:18

ti Andarawu ti Filip, ti Bartolomu ti Matiyu, ti Toma ti Yakubu Umbae Alifas, ti Tadeyus, ti Siman Mbakanani,

Luka 22:30

Kiye ti ame a nae ukwe, ani u ci u ngwa te m uwae kuru-m. Ani u som tsa atxom ukwe u pwen rikwen risu kumbub rijwe asu ifaen na anyisu Isirela.

Luka 6:15

ti Matiyu, ti Toma, ti Yakubu umbae Alifas, ti Siman unde ti kitsinn risu icwe,

Yohana 12:26

Unde titini ti awu a baa, awu na u nde na m wande, awu ā putsa m, ikyaen ti, ko aka ti ame a kyang atang, awu umbae kufxen-m te me u ta te atso. Unde titini ti ru ba ku nde na m wande, Itse-m u nda wu kuko.”

Yohana 7:35

Ande ndufu aba ri ira ti unghae u ku rang atso baa, “Aka ti awu ku ru ti ati u ru ka fob-ti atang be? Ko awu ku sha ti wu na u ru yi uten na ande ti Helene uwog ande-ti ti shag ru ka atang ti wu na u kwen na ba ira-wu ayi ahoo?

Wande Atom 1:13

Ti aba sang uwae uka, aba ru yi uwog ti aba ku nae atang. Ande ti ta atang kiye wu si Bitrus ti Yohana ti Yakubu ti Andarawu ti Filip ti Toma ti Bartolomu ti Matiyu ti Yakubu umbae Alifas ti Yawuda umbae Yakubu ti Siman ti a ku ri baa, awu na si unde ti kitsinn risu uten-wu, a som uwog kinjo.

Wande Atom 12:17

Awu nde ba kujwo baa, aba na bwe tag bwe tag u tsag te ba itso fengo ti Itsekuru Yesu nde nee awu sa wu ruye uwae pursuna. Awu ri te ba baa, “Ni ri ira yine te Yakubu ti ande na Yesu ti tsitsi.” Isim yine awu ya ba ta u nwunn ru uwog iki.

Wande Atom 15:13

Kiye ti a ri mam ira-ba, Yakubu sa ra unju tso u ri baa, “Ni naa atong uwog-m ike ameinja.

Wande Atom 15:21

Ikyaen ti ra, ti kucang akwen, a ku fxen ira risu iken yine uwae asog Rimam na Mbayawuda ko usir ikyinn titini, ko aka meme.”

Wande Atom 15:23

A tom ba ru ti kutsingken. Uwae kutsingken wu a bae baa: “Ati atom Yesu ti ande ndufu na Urushelima ku kunnji ni ira meme, ani ameinja-ti ti ta Antiyok ti Siriya ti Kilikiya ti si-ni Mbayawuda be.”

Wande Atom 2:5

Uwae Mbayawuda ti ta Urushelima kiye wune, ariki ruye uwae uten ti tsotso ru ba atang. Aba si ande ti ku putsa ira Rimam.

Wande Atom 21:18

Ucwefam-yi Bulus pu ti ru ka u tu Yakubu. Meme ande ndufu na ande na Yesu funn pu ba atang.

Wande Atom 23:26

“Ame Kalodiyu Lisiya ku bae kutsingken wune ku na fu Gomna Felis, unde ti rurob.” “Usuko-fu.”

Wande Atom 26:7

Meme-ti ande ti Isirela kumbub rijwe asu ifaen sa uwae tsi baa, Rimam na u kumunn unju ti yer-wu ne, nee iken ti nde ati ku fen Rimam usirtaen ti utitang. Ukwe tiyang! Iken ti nde Mbayawuda ku kunn me rikwén, si ti ame sa uwae tsi risu unju ti yer na Rimam wune, pangma ti aba sa uwae tsi ama.”

Wande Atom 8:1

Ama Sawulu ta atang u cwe ira itiwen Stefana. Ti usir wu, ande bag ku caeb shi ande Yesu ti ta Urushelima timambe. Ande na Yesu ter shag tag, ariki ter ru Yawudiya ti Samariya. Kum ande ti atom amam ti som ti isim uwae uka ti Urushelima.

Roma 1:1

Kutsingken wune ru uwog-m Bulus, umbaefxen Yesu Kristi, ame ti Rimam tsab tsi baa, ame na si atom-wu, u tom m ru ti m na ka ri ira-wu ti tinyang.

Galatiya 1:19

Kiye ti ame ta te wu atang ame nung-m ande ti atom iki be, kum Yakubu inja Itsekuru-ti amam ti ame tu.

Galatiya 2:12

Awu ku ci wuci te ameinja-ti ti si-ba Mbayawuda be, sa sa sa ru ba kwar kiye ti ande iki ru uwog Yakubu ba. Amaa, kiye ti aba ru ba, awu Bitrus faen fe ti isim u fxae wuci ti ti ci te ameinja-ti ti si-ba Mbayawuda be. Awu nde ayine ikyaen ti, awu ku kyen ikyenricwu ande ti ku sha ti a na u tsen kang ande ti si-ba Mbayawuda be kutxin.

Galatiya 2:9

Ama cwucwo, Yakubu ti Bitrus ti Yohana, ti si ande ti kpakang uwae kumbub ande na Rimam ti uten ti Urushelima, kiye ti aba nungye ayibrisi Rimam ti si ba risu-m, aba ru ba uwog-m ti Barnaba u ba ye ti bur utob uwae ure. Aba cwe baa, ati na ru ka tsag Ira Yesu te ande ti si-ba Mbayawuda be, aba ama na u ru yi uwog Mbayawuda.

Filipi 1:1

Bulus, ti Timoti, apyi Yesu Kristi, bae kutsingken wune ba ku na ni ande ti ta uten ti Filipi, meme-ni ande ti saen kyag ti putsa Yesu Kristi. Ati bae ku na ni fa ti ande ti uwe-ni, ti ande ti ani tsab ti a na ndeya ba.

2 Timoti 4:21

Kwab ti ru ba titawe ti ufam a fe. Yubulus ti Pudens ti Linus ti Kalodiya ku kunnji ni ira. Ameinja ti tsitsi ku kunnji ni ama.

Titus 1:1

Kutsingken wune ru uwog-m, Bulus ti si upyi Rimam, u si atom Yesu Kristi ikyaen ande ti Rimam tsitsab, ti m na ndeya ba yi fengo Rimam u kwen na ba ira ti kubenti ti ku ye bom ande yi fengo Rimam,

1 Bitrus 1:1

Ame Bitrus, atom Yesu Kristi, ti bae kutsingken wune ba ku na ni, ani ande ti Rimam ti shag kyife uten ti Pontus ti Galatiya, ti Kapadokiya, ti Asiya, ti Bitiniya, uwog ti ani si rikyen atang.

2 Bitrus 1:1

Kutsingken wune ru kujwo-m Siman Bitrus, ti si umbaefxen na Yesu Kristi, u si unde ti atom-wu ama. Ame bae ku na ni ande ti ru uwae kinjo uwog Yesu pangma ti ati ru uwae kinjo ama. Uwae kinjo-ti wune si iken ti nyang nyae tsitsa, ikyaen ti, ati tu yi ruye uwae wande ti kubenti na Yesu Kristi, awu ti si Rimam, u si Unde ti Nwangru ti.

Yawuda 1:1

Kutsingken wune ru uwog-m Yawuda ti si upyi Yesu Kristi, u si inja Yakubu ama, ru ba uwog-ni ande ti Itse-ti Rimam kunn ni kunn, ani ande ti ure na Rimam, ti Yesu Kristi ku nungkyi ni.

Ititatso 7:4

A pwen tatso m ujwunn apyi Rimam ti a kum ba sitami kutxuwe, ti ruye yi kumyaem na Isirela, aba ka ande kumbub rijwe asu ifaen atsepu rijwe asu ifaen (144,000).