Nehemiya 8:3 - Kutsingken Ira Rimam ti Saen Kyag

³ Awu nung putsa icwe yi na ba yi Ufu Ambyi yi rishin atang ti kiskinn ba tsi usirtaen, ama meme-ba fxen ira yi nyinyang.

Nehemiya 8:3 Iomraidhean Croise

Nehemiya 10:29

ati tsi ike ku ren unju-ti ti ande ti uwe-ti yi uben ti ben baa, kufaen ā ta risu-ti asiti ati a ye su-ti icwe ti Rimam nda upyi-wu Musa be ama ye su-ti icwe Yaweh ti si Itsekuru-ti ti iken ti kwen-wu be.

Nehemiya 13:1

Usir wu a nung putsa kutsingken na Musa na anyisu Isirela, ama u ba nungye baa a na cwe na-ba urae Amon ti urae Mowab ti a na ren risu te ba yi Rimam ti fen be.

Nehemiya 8:1

Usir ti tawe na ushaen ti itsongfaen wu, meme-ba funn tag yi Urushelima, yi rishin Ufu Ambyi. Aba ri ira te Ezra, unde ti ku kwen na ande icwe ti Yaweh nda Musa ti awu na nda anyisu Isirela. Aba ri te wu ti wu na sa kutsingken icwe wu na ru ye na ba.

Nehemiya 8:18

Ti usirsir sa ti usir ti tawe na ukwab yi ba usir ti ricwunnkyi-yi, aba nung putsa icwe Rimam. Aba ci, u ngwa, u shwu uwae usir itsongfaen ama usir ti itsongta, a nde úfunn tiyang pangma ti icwe ri.

Nehemiya 8:4

Ezra tsitsa kupam ti a sim tsi ikyaen úfunn wu. Ama ande ti tsi kujwo rici-wu si: Matitiya, Shema, Anayiya, Uriya, Hilikiya, ti Maseya. Ande ti tsi kujwo ife-wu si: Pedaya, Mishayel, Malikiya, Hashum, Hashibadana, Zekariya ti Meshulam.

Nehemiya 8:5

Ti Ezra tsitsa kupam wu, ande patag pu ayib-ba cwutsa wu. Kiye ti awu mbubta kutsingken wu, aba sunwunn ritsen.

Markus 12:37

Awu ku kunn Unde wu ti Rimam Tsab Tsi baa, awu na si Itsekuru-wu. Asiti Unde wu ti Rimam Tsab Tsi a si itsekuru na Dawuda, ayi u nde rimang itawe awu u ba kafe umbae Dawuda cwucwo?” Ande yang-ba ti byir atang fxen ira Yesu ne ti utob ti tsen.

Luka 19:48

amaa aba tu-ba riyae ti a ye wu be, ikyaen ti, meme ande som kunn ku fxen wu. Meme-ba ku sha ti a u fxen tag ira yi ti awu ku ri.

Luka 8:18

Ni myae ira ti ani ku fxen nyinyang. Ikyaen ti, unde ti site iken yang-yi, a u si na kyi wu, ama unde ti site-wu be, ko ti ayi a si kpang ahan ti awu site, a u shir mbe ra yi uwog-wu.”

Wande Atom 13:15

Isim yi ti a nung putsa pu ba ira Rimam ti ta atsinken Musa ti ana ande ti ku ya iskin ira Rimam, ande ndufu yae Bulus ti Barnaba baa, “Ameinja, asiti ani a site ira iki ti ni u ri bom ande ijwe, ni ri yi.”

Wande Atom 13:27

Ande ti som Urushelima ti ande ti uwe-ba nung-ba ti Yesu ti si unde ti u nwangru ande be, u nungye-ba ira na ande ti ku ya iski ira Rimam be, ko ti a ku nung putsa yi uwae atsingken Rimam usir ikyinn titini uwae asog Rimam-ba. Ama, kiye ti a pwen Yesu rikwen iticwu, aba kumunn ira yi ti ande ti ku ya iskin ri te ba.

Wande Atom 15:21

Ikyaen ti ra, ti kucang akwen, a ku fxen ira risu iken yine uwae asog Rimam na Mbayawuda ko usir ikyinn titini, ko aka meme.”

Wande Atom 16:14

Kinjo uwae-ba ti fxen ti si Lidiya, unda iki ti ruye uka ti Tiyatira. Awu si unda ti ku jabci te atupwa. Awu si unda ti ku fen Rimam. Itsekuru mbubta riyaen utob-wu ti wu naa atong ira yi ti Bulus ku ri.

Wande Atom 17:11

Ande ba ti ta atang, a naa atong ira ti aba Bulus ri skeb pu ba ande ti Tesalonika. Aba kyangte ira yi ti utob kinjo. Ti usirsir aba ku putsa ira ti ta uwae Kutsingken Rimam, ku myae baa, ira yi ti Bulus ku ri si kubenti bara.

Wande Atom 20:11

Tiri Bulus kafe tso ti yi kusog ti apupwen. Isim ti awu nyangta buredi nee a ku tangsom ti iticwu Yesu, aba ci. Isim yine Bulus tsikunn ira ti ri pu ucwefam, u nwunn ya ba ta.

Wande Atom 20:7

Usir bikyinn ti ureb, ati ande Yesu funn ikyaen ti ti ci wuci ti a ku tangsom te iticwu Yesu. Bulus ri ira te ande. Awu sa ira ti ri se ukatitang, ikyaen ti ucwefam-yi awu ku nwunn-wu nwunn.

Wande Atom 28:23

Ikyaen yine a sa usir tsi ti a na kafe ba uwog Bulus. Usir wu, ande yang-ba akwen ru ba uwog ti Bulus ku som atang. Awu tsag ira risu Kujwokwe Rimam te ba, ti kiskinn ti kiskinn pu usir te. Awu ku kwab ti wu shir utob-ba ba uwog Yesu u ku ri te ba ira uwae iken ti kwen Musa ti uwae ira na ande ti ku ya iskin ira Rimam.

1 Tesalonika 2:13

Ati tsikunn ku nde na Rimam fxaefa ama ikyaen ti, kiye ti ani fxen Ira Rimam ti ati ri te ni, ani kyangte yi baa, ayi na si ira ti ru uwog Rimam ba, i si-yi ira unde iki be. Kubenti, ira yi si Ira na Rimam ara kuben. Ayi ku nde wande uwae utob-ni, ani ande ti ru uwae kinjo atang.

Ititatso 2:29

“Unde ti a site atong, awu ā fxen ira ti Kusung ti Saen Kyag ku ri te ande Rimam.”

Ititatso 3:22

“Unde ti a site atong, awu ā fxen ira ti Kusung ti Saen Kyag ku ri te ande Rimam.”