Nehemiya 7:1 - Kutsingken Ira Rimam ti Saen Kyag

¹ Kiye ti a mbye cwunn pu ba ukoh uten wu, ame ama pu ufu ti kupam-yi sang tag pu m. Ame tsab ande ti ku kyir kusog Rimam tiyang, ti ande ti ku yang akyang ti ariki uwae anyisu Lawi tsi.

Nehemiya 7:1 Iomraidhean Croise

Nehemiya 10:39

Ande Isirela ti anyisu Lawi ā pu awum, ti ambyi anam, ti kindob ti a byir ka tsi asog ti a ku pu isu tsi atang, ti si uwog ti isu ti a ku nde wande te yi uwae kusog Rimam tiyang tsi atang, u si sí uwog ti akwen ti ta unju wande ti ande ti ku yang akyang yi kusog Rimam tiyang site uwog ti nae-ba atang. Ati u sae ru-ti kusog Rimam-ti be.

Nehemiya 11:3

Abane si ande ti uwe uten uten Yawuda ti som yi Urushelima ko ti, ande ti Isirela yang-ba akwen, ti akwen, ti anyisu na Lawi, ti ande ti ku nde wande kusog Rimam tiyang, ti rishi apyi Solomon, ande bane meme nae ti riben-ba yi uten uten yi,

Nehemiya 12:24

Ande ti uwe na anyisu Lawi bane si: Hashabiya, Sherebiya, Jeshuwa, Binuyi ti Kadimiyel. Ama a katsen atso kumbub ifaen. Kumbub kinjo ku yang akyang ku nde na Rimam fxaefa. Kumbub ti ifaen ama ku cwucwe pangma ti unde Rimam, ukwe Dawuda, bae tsi.

Nehemiya 6:1

Sanbalati ti Tobiya ti Geshem ti si unde ti Arab, ti ande ti rika-ti ti tsitsi fxen baa, ati na mbye tag pu ti ukoh wu, uwog iki na tsitsi-wu be. Si nyáng ufu tiyang ti kupam-wu ti ati sa sang-ti khika be.

Nehemiya 6:15

Meme wande na ukoh wu mamtag uwae usir ti rikom mbe itsong uwae ushaen Elul, isim usir mae ifaen ka mbe rijwe asu ifaen na wande yi.

Nehemiya 6:19

Cwucwo, ande ku ba tsi uwe-m ku pwen ira ti tinyang risu Tobiya te m ama ku fxen m ira unju u ku sa ka pwen tag te wu. Ikyaen na ayine awu tsikunn ti wu ku bae atsingken ba na m ku kwab ti wu na u nda m ikyenricwu.