Nehemiya 3:1 - Kutsingken Ira Rimam ti Saen Kyag

¹ Kukwen tiyang ti rinyi-wu si Eliyashib ti ameinja wande-wu, akwen ti tsitsi, bag u mbye shem Ufu Mbawen, u pu ifu-yi ti ipam-yi sang ti uwog-yi, ama u yerkob wu. A yerkob ukoh wu ru ka sang ti Kitaen-kujwén ana akyirten, fa ti Kitaen-kujwén ana Hananel.

Nehemiya 3:1 Iomraidhean Croise

Nehemiya 12:10

Jeshuwa si itse Jowakim, Jowakim si itse Eliyashib, Eliashib si itse Joyada,

Nehemiya 12:30

Aba akwen ti anyisu Lawi jwo saen ijwe-ba ti ande ti tsitsi, ti ifu yi, ti ukoh na uten wu.

Nehemiya 12:39

Ati nwunn atang u kyang nyaetsa Ufu Efiremu, ti Ufu Jeshana, ti Ufu Iwag ti Kitaen-kujwén na Hananel, ti Kitaen-kujwén na Ukob Kinjo ka ti Ufu Iwentam. Ati ba kya tsi ufu ti ande ti ku kir kusog Rimam ta atang.

Nehemiya 13:28

Kinjo uwae anyisu Jehoyida, ti si umbae Eliyashib kukwen tiyang, mbe umbae Sanbalati urae Horoni. Ikyaen ayine ame rwae wu ru uwe-m.

Nehemiya 13:4

Ti uwe-yi Eliyashib, kukwen iki ti ta risu asog ti a ku pu wuci tsi atang kusog Rimam, si te ure te Tobiya.

Nehemiya 3:20

Baruk, umbae Zabai, kwab, u mbye somtsa, ru ka kwer ti unju ufu kusog na Eliyashib kukwen tiyang. Awu nde wande yi ti ribom-wu.

Nehemiya 3:21

Meremoti umbae Uriya ti itse-wu si Hakozi, mbye ti somtsa tso ka kwer ti ricwunnkyi kusog Eliyashib.

Nehemiya 3:32

Ande ti ku kwen kufwang zinariya ti ande ti ku kafe ajwo mbye uwog ti ta kutampwa kusog ti apupwen wu ti ta rikwerfe, ti Ufu Iwentam.

Nehemiya 6:1

Sanbalati ti Tobiya ti Geshem ti si unde ti Arab, ti ande ti rika-ti ti tsitsi fxen baa, ati na mbye tag pu ti ukoh wu, uwog iki na tsitsi-wu be. Si nyáng ufu tiyang ti kupam-wu ti ati sa sang-ti khika be.

Nehemiya 7:1

Kiye ti a mbye cwunn pu ba ukoh uten wu, ame ama pu ufu ti kupam-yi sang tag pu m. Ame tsab ande ti ku kyir kusog Rimam tiyang, ti ande ti ku yang akyang ti ariki uwae anyisu Lawi tsi.

Daniyel 9:25

“Ame ku sha ti fu na nungye baa, ti kiye ti a nda unju risu itimbye nyang Urushelima kaa sang kiye itiba ukwe iki, unde ti a tsitsab, ayi u ka kutsab itsongfaen. Tiri a u mbye nyang uten wu uwae kutsab mae ita mbe ifaen, u kyaenyang rishin-ba uwae uten wu, ama u mum kukwae tiyang sangkob uten wu, amaa, a u nde yi uwae rikaen.

Yohana 5:2

Urushelima atang ambyi iki ta atang fer ti uwog ti ande ku sang uwae uka ti a ku kunn wu baa, Ufu Mbawen. A ku kunn uwog ambyi wune ti unju Mbaibrane baa, Betisaida. Unju ambyi atang a sim afug itsong.