Nehemiya 2:4 - Kutsingken Ira Rimam ti Saen Kyag

⁴ Ukwe rang m baa, “Imi ti afu ku sha ti m na nde na fu?” Tiri ame jwam itijwam uwog Rimam ti ta apupwen,

Nehemiya 2:4 Iomraidhean Croise

Nehemiya 1:11

Tine, naa atong ti fxen itijwam-m, ti itijwam na meme apyi-fu ti tsitsi ti ku tsen utob kiye ti aba a ku teb rinyi-fu. Nda m ti m u tu kutxuwe tinyang uwog ukwe yaka ne ti ukwe ā sae m ti ayibrisi.” Yi uwae kiye wune, ame ti si unde ti ku ye iken ti ngwa na ukwe.

Nehemiya 1:4

Ti ame fxen tag ira yine, ame som riben u jwub ira. Ame jwub ira yi uwae usir yang-yi, u tsikunn ti ku cwe unju ku jwam Rimam ti apupwen.

Nehemiya 1:5

Ame tong unju uwog Rimam baa, “Yaweh Rimam ti ta apupwen, afu ta te kuko, ama ku nda ande ikyenricwu. Afu tsi kukunn ti ku kumunn unju ti yer-fu te ande ti ye ure te fu u ku nae risu riben na fu.

Nehemiya 2:20

Ama ame cwe ba unju baa, “Rimam ti apupwen u ndeya ti, ti ti u nde tu wande yi. Ati si apyi-wu, ati u bag itimbye yi. Amaa ani si-ni ti ira iki uwae uten ti Urushelima be, ko ayi ira na uten, ko ira na Rimam.”

Nehemiya 2:5

ama u ri te ukwe baa, “Asiti ame a tu uwe tinyang uwog-fu, ukwe, nda m ti m kafe ru yi uten ti Yawuda, uten ti a nji abitse-m atang, ikyaen ti m ka mbye shem wu.”

Esita 5:3

Ama ukwe rang baa, “Uwa-m Esita, imi ti nde? Imi ti afu ku sha? Iken ti afu a ku sha, a u nda fu, ko asiti a u kata kujwokwe-m na fu, ame cwe pu m.”

Esita 5:6

Kiye ti a som ku ngwa ambyi anam, ukwe rang Esita baa, “Imi ti afu ku jwam? A u nda fu. Imi ti afu ku sha? Ame u nde yi na fu, ko asiti ame a u kata kujwokwe-m, ame u nde yi.”

Esita 7:2

Ama uwae usir ti ifaen wune, ti a ku ngwa ambyi anam, ukwe rang kyi Esita baa, “Esita, uwa ukwe, imi ti afu ku jwam? A u nde yi na fu. Imi ti afu ku sha? Ko asiti ame a u kata kujwokwe-m, ame u kata na fu.”

Markus 10:51

Yesu rang wu baa, “Iken ti afu ku sha ti m na nde na fu si imi?” Unde ti mbub ayib wune ri baa, “Unde ti uwe, ame ku sha ti ayib-m na mbubta ti ame u sae uwog.”

Wande Atom 23:19

Ukwe akyirten wu tae umbae wu ru iyen kyaeb u ka rang wu baa, “Imi ti afu ku sha ti fu ri te m?”

Filipi 4:6

Ni kab-ni ira risu rikaen-ni be. Uwae-yi meme, ni ri te Rimam iken ti ani ku sha. Ni jwam wu ti wu ndeya ni, ti ni nde na wu fxaefa.