Nehemiya 13:5 - Kutsingken Ira Rimam ti Saen Kyag

⁵ Awu sa kusog iki na Tobiya, ti si kusog tiyang ti a ku pu umung wuci ti a ku pu na Rimam tsi atang, fa ti akang frankisi ti ku nung kupi, ti Kinjo uwae rijwe na awum ti ambyi anam ti kindob olifi tsi atang. Iken yine si iken ti icwe ri baa a na pu yi na anyisu Lawi ti ande ti ku yang akyang, ti ande ti ku nungkyi ifu kusog, fa ti iken ti a byir ikyaen akwen.

Nehemiya 13:5 Iomraidhean Croise

Nehemiya 10:36

Cwucwo ati u pu anyisu ti tawe-ti ti arom, ti indag-ti ti iwenten ti iwentam, ru ba na akwen ti ku nde wande yi kusog Rimam-ti pangma ti a bae uwae icwe.

Nehemiya 10:37

Ati u pu umung awum ti ati bunn tawe ko kusang titini ka na akwen yi kusog Rimam tiyang, fa ti rinyangwae-ti na ambyi anam, ti kindob, ti patag itso awaen iken meme. Ati u pu kinjo uwae rijwe na iken ti ati tu riben-ti kaa na anyisu Lawi, ikyaen ti aba ti ku mbe kinjo uwae rijwe yi uwae uten uten ti ati ku nde wande atang.

Nehemiya 10:38

Kukwen ti ru ye rishi Aruna ā som te anyisu Lawi kiye ti a ku mbe kinjo uwae rijwe yine. Anyisu Lawi aba u sa kinjo uwae rijwe ti aba mbe meme kaa tsi asog ti a ku pu iken tsi atang uwae kusog Rimam tiyang.

Nehemiya 12:44

Yi kiye wu a pu ande tsi risu asog ti a byir isu ti a kwer ba kusog Rimam tsi atang ti usen wuci ti a tu risaen afang. Ande bane ti ku mbe iken yi risaen ti ta fer iten yi. Iken ayine si iken ti a u ndeya akwen ti anyisu Lawi atang pangma ti icwe ri. Meme ande ti Yawuda saen utob te akwen ti anyisu Lawi.

Nehemiya 13:7

Ti ame ka sang atang, ame nungye ikentitibi ti Eliyashib nde, nee ti awu sa uwae kusog iki uwae asog Rimam na Tobiya.