Nehemiya 13:10 - Kutsingken Ira Rimam ti Saen Kyag

¹⁰ Ame nungye baa, a na ku pu wuci na-ba anyisu Lawi ti ande ti ku yang akyang cwucwo be, ama ande bane ter ya wande yi ta u kafe ru ti risaen afang-ba.

Nehemiya 13:10 Iomraidhean Croise

Nehemiya 10:37

Ati u pu umung awum ti ati bunn tawe ko kusang titini ka na akwen yi kusog Rimam tiyang, fa ti rinyangwae-ti na ambyi anam, ti kindob, ti patag itso awaen iken meme. Ati u pu kinjo uwae rijwe na iken ti ati tu riben-ti kaa na anyisu Lawi, ikyaen ti aba ti ku mbe kinjo uwae rijwe yi uwae uten uten ti ati ku nde wande atang.

Nehemiya 12:47

Yi kiye na Zerubabel ti Nehemiya, meme ande na Isirela ku sa ba rinyangwae ko kiye titini ikyaen ititindeya na ande ti ku yang akyang ti ande ti ku kir kusog Rimam. Ande ku ba sa rinyangwae na anyisu Lawi, ama anyisu Lawi ku sa kutunn anyisu Aruna na ba.

Nehemiya 10:39

Ande Isirela ti anyisu Lawi ā pu awum, ti ambyi anam, ti kindob ti a byir ka tsi asog ti a ku pu isu tsi atang, ti si uwog ti isu ti a ku nde wande te yi uwae kusog Rimam tiyang tsi atang, u si sí uwog ti akwen ti ta unju wande ti ande ti ku yang akyang yi kusog Rimam tiyang site uwog ti nae-ba atang. Ati u sae ru-ti kusog Rimam-ti be.