Matiyu 9:8 - Kutsingken Ira Rimam ti Saen Kyag

⁸ Kiye ti ande ti funn atang sae iken yine, ikyenricwu ye ba. Aba nwunn u ku teb rinyi Rimam ikyaen ti, awu sa itso kuko yine na ande.

Matiyu 9:8 Iomraidhean Croise

Matiyu 12:23

Ayib fur meme ande ba, ama aba rang baa, “Si-yi awune ti si Umbae Dawuda wu be njwaa?”

Matiyu 15:31

Ayib fur ande ti funn atang risu kiye ti aba sae ande ti tsi unju ku ri ira, ande ti pxib afxen ku kyang ikyin, ande ti faekyi afxen te ajwo nwangru, ande ti mbub ayib ku sae uwog. Aba teb Rimam na Isirela.

Matiyu 28:18

Ama Yesu ba ri te ba baa, “Meme kuko ti ta apupwen ti kuko ti ta riben ike, a nda pu ba ame kujwo.

Matiyu 5:16

Ayi si ahan ama, ni ya ta ti itinyang ti ta uwae-ni ā shag kyife uwog meme ikyaen ti ande ā sae iken tinyang-ni ayi, u sa rurob na Itse-ni ti ta apupwen.”

Matiyu 9:7

Unde wu fa sunwunn ritsen u ru yi kununn-wu.

Markus 2:12

Unde wu nwunn ritsen u fur kucwo-wu u ruye ayib ande ba meme. Aba som, ayib fur ba risu. Ama aba som ku teb nyang rinyi Rimam, ku ri baa, “Ati nung ji-ti itso ira yine usir iki khika be!”

Markus 7:37

Ande ti som atang nung ira yi fur ba ayib si-yi ti ti ri be. A ri baa, awu ku nde iken meme nyang timambe. Ande ti tsi atong, awu ku nda ba fxen ira, ande ti ku skang apwe ama ku ri saen ira unju.

Luka 13:13

Awu pu ajwo cwutsa unda wu, ama ti ritsen, ijwe unda wu ndabta, awu nwunn u teb rinyi Rimam.

Luka 17:15

Kinjo uwae-ba, kiye ti awu nung kicaeb-wu yagta pu yi, awu kafe ba ti isim u ku teb Rimam ti afxenjwin ti ribom.

Luka 17:18

Imi ti nde itawe kum unde ti rikyen wune kinjo-wu ti kafe ba ku tso Rimam fxaefa-wu?”

Luka 18:43

Ti ritsen, ayib unde wu mbubta. Awu nwunn u putsa Yesu u ku teb rinyi Rimam. Ti ande ti funn nungye iken yine, meme-ba nwunn ku teb Rimam.

Luka 2:20

Ande ba ti ku shi iken kafe ru, u tsi kunn ti ku teb rinyi Rimam ikyaen meme iken ti aba fxen u nung, si ti mbwe-yi ti atom Rimam ri te ba.

Luka 23:47

Unde ti uwe akyirten nung iken yi ti nde ne u teb rinyi Rimam u ku ri baa, “Kubenti, unde wune nde-wu iken titibi be.”

Luka 7:16

Ikyen ricwu ye ande ti ta atang meme. Aba nwunn ku teb rinyi Rimam u ku ri baa, “Unde tiyang ti ku ya iskin ira Rimam ru ba pu wu uwog-ti! Rimam ru ba pu wu uwog-ti.”

Yohana 15:8

Iken ti ku nda Itse-m kuko ti rurob si ti ani ku waen awaen timambe. Ayine ti ku tatso ama baa, ani na si pu ni ande ti ana-m ti kubenti.

Wande Atom 11:18

Ira Bitrus sang utob-ba, a ya ishaen ti shaen ta. Aba ku teb rinyi Rimam, a ku ri baa, “Rimam nda pu wu ande ti si-ba Mbayawuda be ama fengo ti a ya ikentitibi-ba ta u ba tu unyang ti tsi kukunn!”

Wande Atom 21:20

Ti aba fxen ira-wu yine, meme-ba teb rinyi Rimam. Ama ariki ri te Bulus baa, “Inja, afu nung pu fu, Mbayawuda yang-ba akwen ru pu ba kubenti uwog Yesu. Meme-ba ku putsa Icwe-ti Mbayawuda bwe, ku ye su yi nyinyang.

Wande Atom 4:21

Ande ba ti ku pwen rikwen fwan ba kibyag ti ribom, ama ya ba ta. A byinn-ba aba kimbab be, ikyaen ti, a tu-ba ira titibi iki risu-ba be. Ande meme ku teb rinyi Rimam ikyaen iken ti nde uwog unde ti wam afxen.

2 Korinti 9:13

Yi uwae wande ti tinyang ti ani ku nde ne, ani ku tso baa, ani na tsi ting ting uwae ira tinyang na Kristi. Ande ba ti u tu rinyangwae-ni wune, u sa kuko na Rimam ikyaen uwae ti tsi-ni ayine, ti utob ti nae riben-ni. Aba u nde fxaefa na Rimam ama, ikyaen itinyang ti kuko-ni ru ba uwog-ba, ti uwog ande Rimam ti tsitsi.

Galatiya 1:24

Ikyaen yine, aba nda Rimam kuko ikyaen iken ti tu me ne.

1 Bitrus 2:12

Usom ti som-ni kutampwa ande ti apxin ā sisaen, ikyaen ti kiye ti aba a ku ri ira titibi risu-ni baa, ani na si ande titibi, aba u sae kujwo wande-ni ti tinyang, ama u teb Rimam usir itiba-wu.