Matiyu 9:3 - Kutsingken Ira Rimam ti Saen Kyag

³ Ariki uwae ande ndufu ti ku kwen na ande ira icwe tsi atang. Ti aba fxen ira yine, aba nwunn u ku pwen unju tetso risu Yesu baa, “A a! Unde wune ku ri ira pangma awu ti na si Rimam!”

Matiyu 9:3 Iomraidhean Croise

Matiyu 26:65

Ira yi ti awu ri ne nda kukwen tiyang wu ye atupwa-wu rimenn shiyaen uwae rinae u ri baa, “Unde wune ri ira titibi uwe Rimam. Imi ti tsitsi kyi cwucwo? Ani fxen pu ni ira titibi ti awu ri risu Rimam. Unde iki u kara kyi ira iki risu ayine njwaa?

Matiyu 7:29

ikyaen ti, awu si-wu pangma ande ndufu-ba ti ku kwen na ba icwe Rimam be. Ana-wu, awu ku kwen na ba pangma unde ti sa icwe yi tsi.

Markus 14:64

Ani fxen pu ni ira-wu ayi. Awu ku kunn ijwe-wu baa, awu na si Rimam. Ani nung rimang?” Meme-ba cwe u shaen ira Yesu baa, awu na nyaetsa pu wu icwe, na u pang iticwu.

Markus 3:28

Kubenti ti ame ku ri te ni, Rimam u yata na ande meme ikentitibi-ba ti ira tikong ti aba ku ri risu-wu, ko ayi a si rimang.

Markus 3:29

Amaa unde ti a ri ndembeb Kusung ti Saen kyag, Rimam u yata na-wu unde wu ikentitibi-wu be. Ikentitibi wune u tsi ti risu-wu ru fife yi uwe.”

Markus 7:21

Ikyaen ti, uwae riyaen utob unde si uwog ti ira ti tang titibi ku ruye atang. Ayi ti ku nda unde nde ikentitibi meme, pangma iyag ti nae, riyib ti yib, unde ti wen,

Luka 5:21

Ande ba ti ku kwen na ande ira icwe ti ande ti kumbub Farisi nwunn ira ti rang uwae utob-ba. Aba ku rang baa, “Unde wune si aye ti ku ri unju titibi? Ira-wu ti awu ri ne, awu ku ri mbeb Rimam. Unde iki nde tu-wu ti wu yata na ande ikentitibi-ba be, se Rimam amam.”