Matiyu 9:2 - Kutsingken Ira Rimam ti Saen Kyag

² Ande iki ye unde ti cwu afxen ti ajwo fwa ijwe ikentinae ba uwog-wu. Kiye ti Yesu nungye baa, aba ru uwae kinjo uwog-wu, awu ri te unde ti cwu afxen ti ajwo wu baa, “Ye utob, uyin-m! A yata na pu ba afu ikentitibi-fu.”

Matiyu 9:2 Iomraidhean Croise

Matiyu 14:27

Yesu ri te ba ti ritsen baa, “Ni kpag utob, ni kyen-ni ikyenricwu be, si ame ti ku ba.”

Matiyu 4:24

Iten wande-wu shag kyife uten ti Siriya meme. Ama a pu meme ande ti kicaeb ti tsotso ti tsotso ba uwog-wu. Ande ti rijwen titibi ku nde ba ira, ande ti kicaeb kiku, ande ti site rijwen titibi risu-ba, ande ti wam afxen ti ajwo, Yesu nwangru meme-ba.

Matiyu 6:12

Yata na ti ikentitibi-ti, pangma ti ati ku yata na ande ti ku nde ti ikentitibi.

Matiyu 8:10

Ira yine fur Yesu ayib. Ama awu ri te ande ti ku putsa wu baa, “Ame ku ri te ni kubenti, uwae ande ti Isirela ame tu ji-m unde ti site kubenti pangma unde ti rikyen wune be.

Matiyu 8:16

Ureb usir wu, a pu ande ti rijwen titibi ta risu-ba ba uwog Yesu. Awu fwan ajwen titibi yine kubyag u jae ruye yi, ama u nwangru ande ti acaeb ti tsotso.

Matiyu 9:22

Yesu kafe uwe u sae wu u ri baa, “Si-fu anying utob be, unda-m. Uwae kinjo-fu nwangru pu yi afu.” Ti ira unju ne, anying-wu ayi yer, ufunn sang wu ijwe.

Matiyu 9:5

Ayi bir skeb ti a u ri baa, ‘A yata na pu ba afu ikentitibi-fu’ ree, re ti a u ri baa, ‘Nwunn ritsen ti kyang ikyin’?

Matiyu 9:6

Amaa, ame u tatso ni iken ti ni nungye baa, Umbae Unde na site kuko uwae utense ti awu u yata na ande ikentitibi-ba.” Isim yine, awu ri te unde ti cwu afxen ti ajwo wu baa, “Nwunn ritsen, fur kucwo-fu, ti ru yi kununn!”

Markus 1:32

Usir jwo ureb, ti usir si te pu wu, ande ti uten atang ru ka pu ande ti acaeb meme, ti ande ti rijwen titibi byinn ba, ru ba uwog Yesu.

Markus 10:49

Yesu kyae tsi u ri baa, aba na kunn unde wu ira na ba. Aba kunn wu ira u ri te wu baa, “Tsen utob! Nwunn ritsen! Awu ku kunn fu ira!”

Markus 5:34

Yesu ri te wu baa, “Unda-m, ayi si uwae kinjo-fu ti nwangru fu. Ka-fu nyinyang! Afu nwangru pu fu uwae kicaeb-fu.”

Markus 6:50

ikyaen ti, ti aba meme-ba nung wu, rijwen si ba ijwe. Ti ritsen Yesu ri ira te ba baa, “Ni ye utob! Ni kyen-ni ikyenricwu be! I si ame Yesu!”

Yohana 16:33

Ame ri ira yine te ni ikyaen ti uwae ijwe ti ren ti ani ren te m, ani u tu utob ti nae riben uwog-m. Utense u nda ni rikaen. Amaa ni tsi ti ribom utob. Ame ci pu m rika risu utense wune.”

Yohana 2:25

I si-yi ti unde iki ti u ri te Yesu iken ti ta uwae utob unde be, ikyaen ti, Yesu nung pu wu iken ti ta uwae utob unde. Awu ti risu-wu nung tag pu wu itso iken ti ta uwae utob unde.

Yohana 21:5

Awu kunn ira baa, “Anyisu taen, ani ye-ni iken iki a?” Aba ri baa, “Iyee!”

Wande Atom 14:9

Awu naa atong ku fxen ira ti Bulus ku ri. Bulus nung ti unde wu ku ru kubenti, ku sha ti a nwangru wu uwae kicaeb-wu. Bulus pu ayib cwu tsa wu piin

Wande Atom 19:12

Ande nung ti a pu atupwa ti Bulus ku fen atsam atang, ko atupwa ti awu ku si, tom ka uwog ande ti kicaeb, ama aba ku nwangru uwae kicaeb-ba. Rijwen titibi-ba ku ruye risu-ba.

Wande Atom 23:11

Utitang usir wu, Itsekuru-ti Yesu ru ba tsi fer Bulus u ri te wu baa, “Yer-fu anying utob be. Pangma ti afu ri ira risu-m Urushelima ike, i si ahan ama afu u ri ira te ande ti Roma.”

Roma 5:11

Ayi si-yi nyáng ayine amam be, Rimam nda ti ku kam ashwu tine ikyaen ti, uwae wande na Itsekuru-ti Yesu Kristi ati ren ure te Rimam.

Yakubu 2:18

Iki be unde iki u shaen ishaen baa, “Afu site uwae kinjo, ame ama site kujwo wande.” Amaa, ame u ri te wu baa, “Tatso m uwae kinjo-fu ti site-yi kujwo wande be, ame ama u tatso fu uwae kinjo-m uwae kujwo wande ti ame ku nde.”