Matiyu 8:8 - Kutsingken Ira Rimam ti Saen Kyag

⁸ Ama unde ti uwe akyirten wu ri te Yesu baa, “Itsekuru-m, ame ko-me ti m u kyangte fu uwae kununn-m be. Afu a ri ira amam, upyi-m u nwangru.

Matiyu 8:8 Iomraidhean Croise

Kucangtsi 32:10

Ame ko-m ti afu u tso m ure-fu ti tsi kukunn ti kubenti-fu yine be. Ame yen Unyim ti Yordan ti ukum amam kujwo-m, ama tine ame kafe ba ti kumbub ande ifaen bane.

Matiyu 3:11

Ame ku nde na ni batisma ti ambyi. Ayi ku tatso baa, ani na ya ikentitibi-ni ta pu ni. Unde wu ti ku ba isim-m u ru ba nde na ande batisma ti Kusung Rimam, ti urwa. Awu skeb pu wu ame ti kuko. Ame ko-m ti m u pu ajwo-m ye apwafxen-wu be.

Matiyu 3:14

Ama Yohana sha ti wu u shishaen u baa, “Ame ku sha ti afu na nde na m batisma, afu kyang rimang u ru ba tu kyi-fu ame?”

Matiyu 8:3

Yesu sa kujwo tekunn wu u ri te wu baa, “Ame cwe pu m, tu itinwangru.” Ti ritsen unde wu nwangru uwae kicaeb ikum-wu ayi.

Matiyu 8:7

Yesu cwe na wu baa, “Ame u ru ka u nwangru wu.”

Matiyu 8:9

Ame nung ayine ikyaen ti, ame ti risu-m, ame ta imbyi unde ti uwe-m. Ame ama site akyirten yang-ba ti ame skeb ba ti kuko. Ame a ri te awune baa, ‘Ru,’ awu u ru, ame a ri te uriki baa, ‘Ba,’ awu u ba.”

Luka 15:19

Ame ko-m ti fu u kunn m baa umbae-fu cwucwo be. Ame mbyae ajwo, nda m wande pangma unde ti ku nde na fu wande kiser.” ’

Luka 15:21

Umbae wu ri baa, ‘Itse, ame nde pu m ikentitibi uwog Rimam ti uwog-fu. Ame ko-m ti fu u kunn m baa, uyin-fu cwucwo be.’

Luka 5:8

Kiye ti Siman Bitrus nung iken yine, awu nwunn ru ba ku riben uwe Yesu, u ku ri baa, “Itsekuru-m, nwunn-fu uwe-m ike tiri, be ame si unde ti ku nde ikentitibi.”

Yohana 1:27

Awu ti si unde ti u ru ba isim-m. Ame ko-m ti m u tunn apwafxen-wu be.”