Matiyu 8:4 - Kutsingken Ira Rimam ti Saen Kyag

⁴ Yesu fwa wu kusen baa, “Nung! Ri te-fu unde iki ira yine be. Ru ka tatso risu-fu uwog kukwen Rimam, ti nda Rimam iken ti ten ti Musa ri tsi. Ayine u tatso ande meme baa, kicaeb-fu na ya ta pu yi.”

Matiyu 8:4 Iomraidhean Croise

Matiyu 10:18

Abikwe ti afaen-ba u pwen ni rikwén ikyaen-m. Ayine si ikyaen ti ni sa ira-m ti tinyang ri te ande ti ise.

Matiyu 16:20

Isim yine, Yesu fwa atugbug-wu kusen baa, a na ri te-ba unde iki baa, awu na si Unde ti Rimam Tsab Tsi be.

Matiyu 17:9

Kiye ti aba sī kitaen rikwen atang ku ba Yesu fwa ba kusen baa, “Ni ri te-ni unde iki ira risu iken yi ti ani nung kitaen rikwen be, se iken ti Umbae Unde a shwur pu wu uwae iticwu itawe.”

Matiyu 3:15

Yesu ri te wu baa, “Nde na-fu ame titawe, ikyaen ti, ayine ti si fengo ti ati u kumunn iken ti Rimam ku sha.” Ama Yohana cwe u nde na wu batisma.

Matiyu 5:17

“Ni tang-ni baa, ame na ba ti m na u wen Icwe Musa ti iken ti kwen ande ti ku ya iskin ira Rimam be! Ame ba-m ti m wen yi wen be. Ame ba ti m kumunn yi munn.

Matiyu 6:1

“Ni nung nyinyang ti ni ndub-ni ijwe yi kutampwa ande risu wande ti tinyang ti ani ku nde be. Asiti ani a sa wande-ni ti tinyang pu iten, ani u shanum kujwojang Itse-ni ti ta apupwen.”

Matiyu 9:30

Ti ritsen ande ba sae tu uwog. Ama Yesu fwa ba kusen baa, aba na ri te-ba unde iki ira risu iken ti awu nde ne be.

Markus 13:9

“Ani ti risu-ni, ni nung afxen-ni riben nyinyang ti iken ti u tu ni. Ikyaen ti, ande iki u ye ni ru yi kusog rikwen. Ande u byinn ni kutxu uwae asog ti a ku fen Rimam atang. Ariki u ye ni ba uwe gomna ti akwe ikyaen-m, ani u ri na ba ira-m ti tinyang.

Markus 3:12

Amaa awu ku fwa ba kusen ti ribom baa, aba na kunn-ba rinyi-wu te ande baa, awu na si Umbae Rimam be.

Markus 5:43

Yesu fwa ba kusen baa, aba na sa ira yine na ri te-ba unde iki be. Cwucwo, awu ri te ba ti a na sha na mbawandab wu wuci.

Markus 6:11

Asiti ande ti uten iki a kyangte-ba ani be, ko aba a naa atong fxen-ba ira-ni be, ni ya ba ta. Ni fen ibung afxen-ni si ba ti atang, ti ni tso ba baa, ani na site-ni ira iki te ba cwucwo be.”

Markus 7:36

Yesu fwa ba kusen u fwa shishem baa, aba na ri-ba ira yi te ande iki be. Amaa aba nwunn atang u sa ira yi mbub shag kyi fe uwog meme.

Markus 8:30

Amaa Yesu fwa ba kusen baa, aba na ri ira yine te-ba unde iki be.

Markus 9:9

Ti aba si rikwen ku ba, Yesu fwa ba kusen baa, aba na ri te-ba ande iki iken ti aba nung ne be, se awu Umbae Unde na a nwunn pu wu uwae iticwu itawe.

Luka 17:14

Yesu nungye ba u ri te ba baa, “Ni ru ka uwog akwen Rimam, ti aba ā myae rimenn-ni.” Aba ande ti kicaeb ikum bane nwunn ku ru. Ti aba nwunn ku ru, kicaeb-ba yagta.

Luka 21:13

Ayine u si riyae ti ani u tu u ri te ande ira-m ti tinyang.

Luka 4:41

Ajwen titibi ama ruye uwae ande yang-ba. Kiye ti aba a ru ku ye a ku taen ira baa, “Afu si Umbae na Rimam!” Awu fwan ba kibyag u cwe u nda-wu aba riyae ti a na ri ira be, ikyaen ti, a nung pu ba baa, awu na si Unde ti Rimam Tsab Tsi.

Luka 5:14

Yesu fwa unde wu kusen baa, awu na tsag te-wu unde iki ira risu iken yine be, ama awu ri te wu baa, “Ru ti ka tso risu-fu uwe kukwen Rimam, ti ru ka nda iken na Rimam ikyaen kicaeb yi ti ya fu ta ne pangma ti Musa ri. Ayine u tso ande kubenti na kicaeb yi ti yag ta.”

Luka 8:56

Ayib fur Yayirus ti uwa-wu risu. Yesu fwa ba kusen baa, aba na ri te-ba ande iki ira risu iken ti nde ne be.

Luka 9:21

Ama Yesu fwa ba kusen baa, “Ni ka tsag ira yine te ni unde iki be.”

Yohana 5:41

“Ame ku sha-m ti ande na teb rinyi-m be.

Yohana 7:18

Unde ti a ku ri nyáng ira ti risu-wu, awu ku sha kuko ti risu-wu. Amaa, unde ti a ku sha kuko awu ti tom wu, si unde ti kubenti. Ira tikong ta-yi unju-wu be.

Yohana 8:50

Ame ku sha-m kuko ikyaen risu-m be, amaa awu ti u sha kuko ikyaen-m ta atang. Awu ti ku pwen rikwen risu iken yine.