Matiyu 8:11 - Kutsingken Ira Rimam ti Saen Kyag

¹¹ Kubenti, ande ko timambe u ru kujwo usir ti kiskinn ti ti ureb u ba ci ukwab na Kujwokwe Rimam. Aba u ba som te Ibrahim, ti Ishaku ti Yakubu.

Matiyu 8:11 Iomraidhean Croise

Afisa 3:6

Ira yi ti ame ri ne si ti ani ande ti si-ni Mbayawuda be ku ci rifunn na Itse-ti Rimam ama, pangma ti ati Mbayawuda ci. Ani te ti ren atso, pangma akyab na rimenn ijwe kinjo. Ani ama site kutunn-ni uwae iken ti Rimam yer unju baa, ati na u tu yi uwog Yesu Kristi, ira yi nee ani fxen uwae ira tinyang na Rimam.

Luka 12:37

Tinyang u si ana apyi ba ti Itsekuru-ba u ba tu ba aba som te ujwin ku sae wu. Kubenti ame ku ri te ni, awu u kyae nyang ijwe-wu u tatso ba uwog ti som-ba, u pu wuci ba na ba.

Kolosi 3:11

Ikyaen na yine, uwog-ni ande ti site utob tishe, itikanta ta-yi kutampwa-ni cwucwo be. Ko unde a si unde ti Yawudiya ko awu a si unde ti ise, ko awu a tsen kutxin, ko awu a tsen-wu be, ko awu a si unde ti rikyen ko unde ti kutur, ko awu a si upyi ko awu a si unde ti ku som usom ti risu-wu, ayi si iken kinjo. Ikyaen ti, Kristi amam ti si iken tiyang. Awu ta uwae-ni meme.

Wande Atom 11:18

Ira Bitrus sang utob-ba, a ya ishaen ti shaen ta. Aba ku teb rinyi Rimam, a ku ri baa, “Rimam nda pu wu ande ti si-ba Mbayawuda be ama fengo ti a ya ikentitibi-ba ta u ba tu unyang ti tsi kukunn!”

Wande Atom 10:45

Ande ti Yopa ti putsa Bitrus ru ba, ti si Mbayawuda, ti a nung Rimam sa Kusung-wu na ande ti kununn Korneliyu, ko ti a si-ba Mbayawuda be, ayib fur ba.

Matiyu 24:31

A u kunn kutumu ti ribom, ama awu u tom atom-wu ti apupwen kaá byir tag ande Rimam ti awu tsab tsi uwae utense meme.”

Ititatso 7:6

Ande kumbub rijwe asu ifaen ruye rishi Asher, ande kumbub rijwe asu ifaen ruye rishi Nafitali, ande kumbub rijwe asu ifaen ruye rishi Manase.

2 Tesalonika 1:5

Iken yine ku tso paenine baa, Rimam na ku pwen rikwen-wu ti kubenti. Rikaen ti ani ku ngwa ikyaen Kujwokwe Rimam, ricwunnkyi-yi si ti Rimam u yer rikwen risu-ni baa, ani na pang pu ni ti ni na sang Kujwokwe-wu.

1 Korinti 15:20

Amaa, ayi si kubenti ti a kunn nwunn pu ba Kristi uwae iticwu. Awu ti si ti kucang tsi na ande meme ti nwunn uwae iticwu, pangma awaen ti kucang na risaen unde.

1 Korinti 6:9

Unde ti ku nde ikentitibi u sang-wu Kujwokwe Rimam be, ani nung-ni ayine be a. Ni kyaefa-ni risu-ni be. Ande ti ku nde wande ti isor, ti ande ti ku fen apxin, ti ande ti ku nae amae, ti arom ti te arom ku nae atso,

Wande Atom 14:27

Ti aba sang Antiyok, a kunn byir ande na Yesu ti ta atang meme u ri te ba meme iken ti Rimam nde te ba. A tatso ama baa, Rimam nda ande ti si-ba Mbayawuda be riyae ti a na ru kubenti uwog Yesu ama.

Wande Atom 14:22

A ku kyang ku ri bom ande na Yesu utob baa, aba na tsi ti kubenti uwae fengo Yesu. A ku kwen na ande baa, “Ati na u ngwa kang rikaen ti tsotso itawe ati sang kujwokwe Rimam.”

Luka 16:22

Usir iki unde ti rikaen wu cwu. Atom Rimam ti apupwen ye ra wu ru ka som te Ibrahim, uwog ukwab ti apupwen. Unde ti rifunn sa cwu ama, a sa wu nji.

Matiyu 3:2

baa, “Ni kafe isim ta ikentitibi-ni ikyaen ti, Kujwokwe Rimam fer mam pu yi.”

Daniyel 2:44

“Uwae kiye abikwe ba, Rimam ti apupwen u ye nwunn kujwokwe iki ti u twenji-wu ji be, unde iki ama u tsokyi-wu kujwokwe wu be. Kujwokwe wu u twenji tag ajwokwe yine, amaa, awu ti risu-wu u tsi ru fife yi uwe.

Kucangtsi 49:10

Kutxomkwe u ta kunn ti ishikununn Yawuda. Ukum Ukwe ama u si kunn ana anyisu Yawuda, se kiye ti unde wu ti ukum wu si ana-wu a ba mbe pu wu awu uwog-wu. Ambukwen ande u ba nae risu riben na wu.

Kucangtsi 28:14

Rishi-fu u jwunn pangma isa riben. Afu u ka ru usir ti kiskinn ti ti ureb, ti isi ti isku meme. Ande utense u tu itinyang ru uwog-fu ti rishi-fu.

Kucangtsi 22:18

Ikyaen risu ti nae riben-fu, meme mbukwen ande ti utense u tu itinyang ru ye utso-fu.”

Kucangtsi 12:3

Unde ti a ri titinyang risu-fu, ame u nde wu itinyang, ame u ri mbeb unde ti a ri mbeb fu. Meme ishikununn ti utense, u tu itinyang ruye uwog-fu.”

Matiyu 8:10

Ira yine fur Yesu ayib. Ama awu ri te ande ti ku putsa wu baa, “Ame ku ri te ni kubenti, uwae ande ti Isirela ame tu ji-m unde ti site kubenti pangma unde ti rikyen wune be.

Matiyu 21:41

A ri te wu baa, “Awu u wen tag ande titibi bane meme u sa risaen wu na ande tishe ti u pu kutunn-wu ba na wu kiye ti usen a fam pu wu.”