Matiyu 8:1 - Kutsingken Ira Rimam ti Saen Kyag

¹ Kiye ti Yesu sī rikwen ba ande tum atso putsa wu.

Matiyu 8:1 Iomraidhean Croise

Matiyu 12:15

Yesu nungye pu wu iken ti aba ku nde u nwunn uwog wu. Ande tum atso putsa wu, awu ama ku nde jim kicaeb-ba

Matiyu 15:30

Ande yang-ba akwen ru ba uwog-wu te ande ti kicaeb. Ande ti pxib afxen, ande ti mbub ayib, ande ti faekyi afxen ti ajwo, ande ti tsi unju, ande ti acaeb ti tsotso, a pu ba ba som afxen Yesu. Awu nwangru ba.

Matiyu 19:2

Ande kuko tum atso putsa wu, awu ama ku nwangru ba uwae acaeb-ba.

Matiyu 20:29

Kiye ti aba ku nwunn Jeriko, kumbub ande yang-ba putsa Yesu.

Matiyu 4:25

Ama ande nwunn ti ujwunn-ba ruye uwae uten ti Galili ti uten Dekapoli, ti uten Urushelima ti Yawudiya ti iyen akwen unyim ti Yordan u ba putsa wu.

Matiyu 7:29

ikyaen ti, awu si-wu pangma ande ndufu-ba ti ku kwen na ba icwe Rimam be. Ana-wu, awu ku kwen na ba pangma unde ti sa icwe yi tsi.

Matiyu 8:18

Ti Yesu nung baa, ande na jwunn pakob wu, awu ri te ande-wu baa, aba na yen ru yi ukunn uyinn uwe akwen.

Matiyu 8:2

Ama unde ti kicaeb ikum iki ru ba ku riben uwe-wu u jwam wu baa, “Itsekuru-m, asiti afu a cwe ira, afu u nde tu ti fu u nwangru m.”

Markus 3:7

Yesu ti atugbug-wu nwunn uwog wu u ru yi uyinn ti Galili. Ande yang akwen ti uten ti Galili putsa, fa ti ande ti uten Yawudiya,

Luka 5:15

Amaa, iten Yesu shag kyi uwog meme skeb ti kucang. Ande ti kumbub-ba nwunn u ru ba ti a na fxen wu. Ande ti acaeb ti tsotso ru ba ama ti Yesu na nwangru ba.