Matiyu 7:7 - Kutsingken Ira Rimam ti Saen Kyag

⁷ “Jwam! A u nda ni iken. Sha! Ani u tu. Kwer kujwo ufu kusog! A u mbubta na ni.

Matiyu 7:7 Iomraidhean Croise

Kucangtsi 26:32

Ti usir wu, apyi Ishaku ba ri te wu ira risu ribung ti aba ku mum baa, “Ati tu pu ti ambyi.”

Amos 5:4

Ayine si ira ti Yaweh ri te Isirela, “Ni sha kyae m ti ni som ti user.

Matiyu 18:19

Cwucwo ame ku ri te ni, asiti ande ifaen uwae-ni a yer unju risu iken iki ti aba jwam uwog Rimam riben ike, awu Itse-m ti ta apupwen u nde na ba iken yi.

Matiyu 21:22

Ame ku ri te ni baa, iken meme ti ani a ku jwam uwog Rimam, asiti ani a ru uwae kinjo, ani u tu yi.”

Matiyu 6:33

Ana-ni, ni sha Kujwokwe Rimam, ti usom ti som ti pang atang uwe-wu, ama awu u pu meme iken yine txwafa ni.

Matiyu 7:11

Asiti ani ande ti ku nde ikentitibi a ku pu iken ti tinyang na anyisu-ni, Itse-ni ti ta apupwen ama re? Asiti ande a jwam iken uwog-wu, awu u nde na-wu aba be a.

Matiyu 7:8

Ikyaen ti, unde titini ti a jwam, a u si na wu. Unde titini ti a sha, awu u tu, unde ti a kwer kujwo ufu kusog ama, a u mbubta na wu.

Markus 11:24

Ikyaen na ayine, ame ku ri te ni, kiye ti ani a ku jwam iken uwog Rimam, ni ru uwae kinjo baa, ani na tu pu ni iken yi, ani u tu kang yi.

Luka 13:25

Cwucwo, kiye ti unde ti kununn a cwunnkyi pu wu ufu, ama ani tsi ise ku kwer kujwo ufu ku ri baa, ‘Itsekuru, mbubta na ti ufu,’ awu u ri te ni baa, ‘Ame nung-m ani usir iki be, ani ru aka ba?’

Luka 18:1

Tiri Yesu sunn ira iki ti wu kwen na atugbug-wu baa, aba na tsikunn Rimam ti jwam, ama yer-ba anying utob be.

Yohana 15:16

I si-yi ani ti tsab m be. Ame ti tsab ni u tom ni atom baa, ani na ru ka waen awaen, awaen ti u tsi kukunn. Ayine si ikyaen ti Itse-m u nda ni iken meme ti ani jwam uwae rinyi-m.

Yohana 15:7

Asiti ani a ren risu te m u ye su ira-m uwae utob-ni, ani u nde ye ti ni u jwam iken ti ani ku sha meme, ama a u nde yi na ni.

Yohana 4:10

Yesu ri te wu baa, “A baa, afu na nung rinyangwae Rimam ko afu na nung unde wu ti ku jwam fu ambyi ne, afu ú jwam pu fu awu, awu ama u nda fu ambyi ti ku nda unde unyang.”

Roma 2:7

Ariki ye utob, u tsikunn ti ku nde kujwo wande ti tinyang, u ku sha ti Rimam na nda ba kuko ti rurob ti unyang ti tsi kukunn. Rimam u nda ba unyang ti tsi kukunn.

Roma 3:11

Unde iki ta-wu ti ku kab ye ira be. Unde ta-wu ti ku sha fengo Rimam be.

Mbaibrane 11:6

Ayi a si-yi te uwae kinjo be, unde u nde tu-wu iken iki ti u nyang uwae Rimam be. Unde ti a ko ba ku fer Rimam, awu ā ru kang uwae kinjo baa, Rimam na ta atang, ama na ku nda ande ti a ku sha wu kujwojang.

Yakubu 5:15

Itso itijwam yine ti a jwam yi ti uwae kinjo, u nwangru unde ti kicaeb wu, ama Itsekuru u kunwunn wu. Asiti awu a nde ikentitibi, Rimam u yata na wu.

1 Yohana 3:22

Ama meme iken ti ati a jwam uwog-wu, ati u tu yi, ikyaen ti, ati ku nae risu riben te icwe-wu, u ku nde iken ti ku nyang uwae-wu.