Matiyu 7:6 - Kutsingken Ira Rimam ti Saen Kyag

⁶ “Pu iken ti saen kyag na-fu mbapxu be. Pu iken ti site aser ama jwunnsi-fu ingog be, be ayi u ceb ndembeb yi te afxen ama u kafe u kub fu anyi.

Matiyu 7:6 Iomraidhean Croise

Matiyu 15:26

Yesu sunn wu ira baa, “I nyang-yi ti a u sa wuci anyisu tinying u sa jwunnsi na mbapxu be.”

Matiyu 24:10

Ama ande ti putsa-m yang-ba akwen u jwunnsi fengo-m uwae kiye wune, a u pu atso jabci u sae atso ti ayib urwa.

Matiyu 7:5

Afu unde ti kufur! Sa ru iken ti rikem ti ta uwae riyib-fu ne titawe afu u sae tu iken tikiyib ti ta uwae riyib inja-fu.

2 Korinti 11:26

Ame som-m imbyi riben be. Ame ku kyang ikyin ko kiye titini. Ame yen uyinn ti mumunn u ngwa rikaen atang. Ame ngwa rikaen ikyaen ande ti riyib ti ku byinn fxaembe usu ande fengo. Ame ngwa rikaen kujwo ande-m Mbayawuda fa ti ande ti si-ba Mbayawuda be meme. Ame ngwa rikaen uwae uka tiyang. Ame ngwa rikaen uwae kutur. Ame ngwa rikaen uwae ambyi uyinn. Ame ngwa rikaen uwog ande ti tikong ti ku ri baa, aba na ku putsa Kristi.

Filipi 3:2

Ni tsi ti ujwin ti ni nungye aba ande titibi ti ku yer ru kupwa rimenn, aba ande titibi ti ku ri baa, ati na tsen kang ande kutxin. Aba si ipxu ti anyi!

Mbaibrane 10:29

Afu ku kab baa, ayi u beb rimang, asiti unde a saeru Umbae Rimam, u saesi anying unju ti yer ti jwosaen ti, u ri mbeb Kusung ayibrisi?

Mbaibrane 6:6

Asiti aba a jwunnsi, a sa yi ti ukwae-ba, ikyaen ti, a kwer ku shem umbae Rimam risu kutuku, u ku nda kyi wu rukwae ayib ujwunn ande.

2 Bitrus 2:22

Iken ti tu ba ru kwar ti ira ti a ri baa, “Mbapxu u ku kafe ka jang iken ti awu cwo si.” Cwucwo ande ndufu ri baa, “Ko afu a jwo na ingog ijwe, awu u kafe sang ti uwae ipxam.”

Ititatso 22:15

Amaa, mbapxu, ti ande ti kisi, ti ande ti ku caen upwen, ti ande ti ku nae iyag, ti ande ti ku wen ande, ti ande ti ku fen apxin, ti ande meme ti sa uwae tsi risu iken tikong ti ti nde, abane meme u som ana-ba kanjag.