Matiyu 6:2 - Kutsingken Ira Rimam ti Saen Kyag

² “Ikyaen yine, kiye ti ani a ku nda rinda, ni nda-ni yi uwe ande pangma ti ande ti kufur ku nde yi uwae kusog Rimam ti fengo kum be. Aba ku nde yine ikyaen ti ande na teb ba. Ame ku ri te ni kubenti, a tu mam pu ba kujwojang-ba.

Matiyu 6:2 Iomraidhean Croise

Matiyu 15:7

Ani ande ti kufur! Ani si pangma ti Ishaya unde ti ya iskin ira Rimam ri risu-ni kute baa,

Matiyu 16:3

Kiye iki ama, kiskinn fifae ti usir a pur ku tso, asiti apwa apupwen a jwom u bibyaen, ani ku ri baa, ‘Upwen u tsa yaka ne.’ Ani nung pu ni ti ni u ri baa, usir na u tsi ko upwen na u tsa. Amaa, iken ku nde uwae utense ike tine ti ku tatso iken ti u ba uwe, ama, ani nungye-ni ayi be.

Matiyu 22:18

Yesu nung mam pu wu ira titibi ti aba ku myae rishwu-ba u ri te ba baa, “Ani ande ti kufur! Ani kyang rimang ku sha ti ni myae me myae?

Matiyu 23:5

Aba ku nde iken-ba meme ikyaen ti ande na nung. Nasi ti a pu bae kyi fe uwe-ba ti ajwo-ba yaen skeb ana ande meme. A ku kyae nyang unju atupwa-ba ti ande na nung.

Matiyu 23:6

Aba ku sha kob ti a u som kutugbug ti site rurob yi uwog ukwab, ti kutugbug ti tinyang uwae kusog Rimam.

Matiyu 24:51

Unde ti kununn wu u ba ye wu byinn yer byinn yer u ye wu sang uwog ti ande ti kufur ku sang atang. Uwog atang, ande u jwub ira u kub kujwo anyi.”

Matiyu 5:18

Ame ku ri te ni kubenti, ti ti riben ti apupwen tsi ti atang, iken iki u ruye-yi uwae icwe yine be ko tikiyib, se ti icwe yi a nde tag pu yi wande-yi.

Matiyu 6:16

“Kiye ti ani a ku cwe unju, ni yir kyi-ni uwe-ni pangma ti aba ande ti kufur ku nde be. Aba ku ye uwe-ba yir kyi ikyaen ti ande na nung baa, aba na ku cwe unju. Ame ku ri te ni kubenti, a tu mam pu ba kujwojang-ba.

Matiyu 6:3

“Kiye ti afu a ku nda rinda, kujwo ife-fu ā nungye iken ti kujwo rici-fu ku nde be,

Matiyu 6:5

“Kiye ti ani a ku jwam Rimam, ni nde-ni pangma ande ti kufur be. Ikyaen ti, aba ku nwunn ritsen ku jwam Rimam uwae kusog Rimam ti fengo ukum ikyaen ti ande na sae ba. Kubenti ti ame ku ri te ni, a tu mam pu ba kujwojang-ba.

Matiyu 7:5

Afu unde ti kufur! Sa ru iken ti rikem ti ta uwae riyib-fu ne titawe afu u sae tu iken tikiyib ti ta uwae riyib inja-fu.

Markus 12:39

Aba ku sha uwog ti som ti rurob uwae kusog Rimam, ti uwog ti som ti rurob uwog ukwab.

Markus 7:6

Yesu ri te ba baa, “Ishaya ri kubenti risu-ni ande ti kufur, pangma ti a bae baa, ‘Ande bane ku teb rinyi-m ti apwa unju amen; utob-ba ta rurwen te m.

Luka 11:41

Ame ku fwa ni kusen baa, ni pu wuci-ni na ande ti rikaen. Ani a nde ayine, iken meme u saen kyag uwog-ni ise ti uwae meme.

Luka 11:43

“Ayae-ni ande ti kumbub Farisi! Uwae asog Rimam-ni, ani ku tsab uwog ti som ti tinyang. Ani ku sha ti ande na kunnji ni ira u nda ni rurob uwae ritug. Ayib u byaen ni!

Luka 12:33

Ni pu rifunn-ni jabci ti ni pu aser-yi ru ka na ande ti rikaen. Ni sha na ijwe-ni ukyig ti ku rwa-wu rwa be. Ni byir rifunn-ni tsi apupwen uwog ti ayi u mam-yi mam be, unde ti riyib u ka fob-wu atang be, ibyaen u ci fob-ba ayi be.

Luka 12:56

Ani ande ti ku ndub ijwe! Ani ku nde tu ti ni u ri imbyi iken ti ku nde apupwen ti riben. Ani kyang rimang nung tu-ni ti ni ri imbyi iken ti ku nde uwae kiye wune be?

Luka 13:15

Yesu ri te wu baa, “Ani ande ti kufur! Ani ku saen ta mbawen-ni ti indag-ni u ku pu yi ru ka ngwa-ni ambyi Usir ikyinn be a?

Luka 20:46

“Ni nung ijwe-ni nyinyang te ande ti ku kwen na ande Icwe Rimam. Aba ku pu arun tiyang tiyang si u ku kyang kyi fe uwog meme u ku sha ti ande na fen ba uwae ritug. Aba ku sha uwog ti som ti rurob uwae asog Rimam ti uwog ti som ti rurob uwog ukwab unda ishe.

Luka 6:24

Amaa, ayae ni ande ti site rifunn, ikyaen ti, ani ci ru pu ni ana-ni utense ike!

Luka 6:42

Afu kyang rimang ku ri te inja-fu baa, ‘Shaenta riyib ti m u sa ru irum ti ta uwae riyib-fu,’ u nungye-fu kucwub kutuku ti nae uwae ana-fu be. Afu unde ti kufur, sa ru kucwub kutuku ti nae uwae riyib-fu titawe, isim yine afu u sae tu kirim ti ta uwae riyib inja-fu u sa ru yi.

Yohana 13:29

Ariki uwae-ba ku tang baa, ti ayi si Yawuda ti ye su ukyig aser-ba, Yesu na ri te wu baa, awu na ka jab isu ti aba ku sha ikyaen ukwab yi, ko awu na ri te wu baa, awu na sha iken iki na na ande ti rikaen.

Yohana 5:41

“Ame ku sha-m ti ande na teb rinyi-m be.

Yohana 5:44

Ani ku sha ti ni u tu risu tinyang uwog atso, amaa ani ku sha-ni ti ni u tu risu tinyang uwog Rimam be, awu ti si kinjo-wu amam. Né iken ti nde ani ru-ni uwae kinjo uwog-m be.

Yohana 7:18

Unde ti a ku ri nyáng ira ti risu-wu, awu ku sha kuko ti risu-wu. Amaa, unde ti a ku sha kuko awu ti tom wu, si unde ti kubenti. Ira tikong ta-yi unju-wu be.

Wande Atom 10:2

Awu unde wune si unde ti ku kyen Rimam, awu ti kununn-wu meme. Awu nde iken yang-yi ti awu u ndeya ande ti rikaen. Awu ku jwam Rimam ko kiye titini.

Wande Atom 10:31

u ri te m baa, ‘Korneliyu! Rimam fxen pu wu ira ti jwub-fu. Awu ku tangsom ti wande-fu ti tinyang.

Wande Atom 10:4

Korneliyu sae atom wu piin ti ikyenricwu u ri baa, “Imi, Itse?” Atom-wu ri te wu baa, “Rimam kyangte pu wu ira ti jwub-fu ti wande ti tinyang ti afu nde. Awu ku tangsom te fu.

Wande Atom 11:29

Ikyaen na yine ande na Yesu ti ta uten ti ise ri baa, ayi na u nyang skeb ti a na ndeya ameinja-ba ande na Yesu ti ta uten ti Yawudiya. Unde titini uwae-ba na u tom iken ti awu na ndetu.

Wande Atom 24:17

“Isim ti ame ya Urushelima ta fob asang yang-yi, ame kafe ru ka atang ikyaen ti m u pu rinyangwae ru ka na ande-m, ti ikyaen ti m u ka u fen Rimam.

Wande Atom 9:36

Uwae uten ti Yopa, unda iki ti putsa Yesu ta atang, a ku kunn wu baa Dorkas. (Rinyi-wu unju Helene si Dorkas. Imbyi-yi baa, utxong.) Awu si unda ti ku nde iken ti tinyang. Awu ndeya ande ti rikaen ti iken ti tinyang yang-yi.

Roma 12:8

Asiti Rimam a nda wu ti wu na ri bom ande utob, awu ā nde wande ti rinda Rimam wune u ri bom ande utob. Asiti awu a tu rinda na rifunn-wu ti ti ka na ande, awu ā nde yi ti utob ti tsen. Asiti Rimam a nda wu ti wu na si unde ti uwe, awu a nde wande-wu ti ribom-wu meme. Ande ti ku ndeya ande ti ta uwae rikaen, ā nde yi ti utob ti tsen.

1 Korinti 13:3

A baa, ame na pu iken ti ame site meme na ande, ko ame a sa ijwe-m na ande ti a na twen mbub, amaa, ame a site-m ure be, ayi u ndeya-yi ame be.

Galatiya 2:10

Iken kinjo ti aba jwam ti si ti ati na tangsom te ande ti rikaen ti ta uwog-ba. Ti kucang-yi ma ayine si iken ti ame sa utob-m tsi risu-yi ti ame na u nde.

Afisa 4:28

Unde ti ku yib iken ā fxae yi u nde wande ti ajwo-wu ikyaen ti awu ā tu itici ti itingwa-wu fengo ti si kubenti, ikyaen ti awu ā ndeya ande ti rikaen.

1 Tesalonika 2:6

Ati ku sha-ti ti ani, ko ande iki, na teb rinyi-ti be. A baa, ati na sha ti a teb rinyi-ti, ati u ndetu ti ti sha yi uwog-ni ikyaen ti, ati si atom Yesu Kristi, amaa, ati nde-ti be.

1 Timoti 6:18

Ri te ba ti a na nde wande ti tinyang. Aba ā yata ti wande ti tinyang ā si rifunn-ba. Aba ā ndabta ajwo uwae ure ru ba uwog ande ti tsitsi.

Filimon 1:7

Inja, ame tu utob ti tsen ti kpakang utob timambe yi ure ti afu site, ikyaen ti, meme ande Rimam tu pu ba utob ti nae riben uwog-fu.

Mbaibrane 13:16

Ni saeru-ni kujwo wande ti tinyang ti ti nde be. Ni ndeya atso ti iken ajwo-ni. Ayine si itso iken ti ti twen ti Rimam ku sha.

1 Bitrus 4:11

Asiti Rimam a nda unde iki rinyangwae kutsa ti tswa ira na wu, awu ā tswa yi ben ben. Unde ti rinyangwae-wu a si itindeya ti awu ku nde na ande, awu ā nde yi ben ben ti kpakang ti Rimam nda wu, ikyaen ti, uwae iken meme, riyinn ā si ana Rimam rutsa uwog Yesu Kristi. Riyinn ti kujwokwe ā si ana-wu ru fife yi uwe. Ayi ā si ahan.